ಮನೆಯವರ ಎದುರು ಮೋನಿಕಾ ಮುಖವಾಡ ಕಳಚುತ್ತಾಳ ಪಾರು?

ಅಖಿಲ ಬಳಿ ಆತಂಕ ವ್ಯಕ್ತ ಪಡಿಸಿದ ರಘು

ಸುಮ್ಮನೆ ಚಿಂತೆ ಮಾಡಿದರೆ ನಮ್ಮ ನೆಮ್ಮದಿ ಹಾಳಾಗಿ ಹೋಗುತ್ತದೆ ಎಂದಾಗ ಅಲ್ಲ ದಾಮಿನಿ ಮುಂಚೆ ಮೂವರು ಬಂದ ಹುಡುಗಿಯರು ಏನೇನೆಲ್ಲ ಮಾಡಿದ್ದಾರೆ ಎಂಬುವುದು ಪುನಃ ಹೇಳಬೇಕು ಎಂದೇನೂ ಇಲ್ಲ. ಹಾಗೆಯೇ ಈಕೇನೂ ಏನಾದರು ತೊಂದರೆ ಮಾಡಿದರೆ ಕಷ್ಟ ಯಾಕೆ ಎಂದರೆ ನನ್ನ ಘನತೆಗೆ ಅದು ಕಪ್ಪು ಚುಕ್ಕೆ ಆಗುತ್ತದೆ ಎಂದು ಹೇಳಿದಾಗ ಅಖಿಲಾ ಮಾತ್ರ ತನ್ನ ಸೊಸೆಯನ್ನು ಬಿಟ್ಟು ಕೊಡದೆ ಮುಂಚೆ ಇದ್ದ ಆ ಹುಡುಗಿಯರು ಅರುಂಧತಿ ಕಡೆಯವಳು ಆದರೆ ಈಗ ಈಕೆ ಅರುಂಧತಿ ಕಡೆಯವಳು ಅಲ್ಲ. ಪಾರು ಊರಿನವಳು. ಆ ಹುಡುಗಿಯರು ಮಾಡಿದ ತಂಟೆ ತಕರಾರನ್ನು ಪಾರುವೆ ಬಯಲಿಗೆ ಎಳೆದಿದ್ದು ಎಂದು ಹೇಳುತ್ತಾಳೆ. ಇದನ್ನು ಕೇಳಿದ ರಘು ಕೊಂಚ ಸಮಾಧಾನ ಪಡುತ್ತಾ ಇರುತ್ತಾನೆ.

ಮೋನಿಕಾಗೆ ಪ್ರಶ್ನೆಗಳ ಬಾಣ ಎಸೆದ ಪಾರು

ಇತ್ತ ಮೋನಿಕಾ, ಅರಸನ ಕೋಟೆ ಬಿಟ್ಟು ಹೋಗಲು ಮೆತ್ತಗೆ ಬರುತ್ತಾಳೆ. ಯಾರು ಇಲ್ಲ ಎಂದುಕೊಂಡು ಬಾಗಿಲ ಬಳಿ ಬರುತ್ತಾಳೆ ಇದನ್ನು ನೋಡಿದ ಪಾರು ಮೋನಿಕಾಳನ್ನು ಎಲ್ಲಿಯೂ ಹೋಗದ ಹಾಗೆ ತಡೆಯುತ್ತಾಳೆ. ಬಳಿಕ ಮೋನಿಕಾ, ಆದಿ-ಪಾರು ಕೈಯಿಂದ ತಪ್ಪಿಸಿಕೊಳ್ಳಲು ಏನೇನೆಲ್ಲ ಸಬೂಬು ಹೇಳುತ್ತಾಳೆ. ತಾನು ಇಲ್ಲಿಯೇ ಇದ್ದರೆ ಜನನಿ ಅವರಿಗೂ ತೊಂದರೆ. ಅವರಾದರೂ ಚೆನ್ನಾಗಿ ಇರಲಿ ಎಂದು ಹೇಳುತ್ತಾಳೆ. ಇದನ್ನು ಕೇಳಿದ ಪಾರು ಆಕೆಯ ಊರು ತಂದೆ ತಾಯಿ ಬಗ್ಗೆ ಅರಿಯುವ ಪ್ರಯತ್ನ ಮಾಡುತ್ತಾರೆ ಆದರೆ ಮೋನಿಕಾ ಮಾತ್ರ ಏನೂ ಹೇಳದೆ ಸುಮ್ಮನಿರುತ್ತಾಳೆ.

ಮೋನಿಕಾಳನ್ನು ಮನೆಯಿಂದ ಹೊರ ಬಿಡದ ಪಾರು

ಇದನ್ನು ನೋಡಿದ ಪಾರು ನಿಮಗೆ ನ್ಯಾಯ ಸಿಗದೆ ಇಲ್ಲಿಂದ ಹೋಗಲು ನಾವು ಬಿಡಲ್ಲ ಎಂದು ಹೇಳುತ್ತಾಳೆ. ಇದನ್ನು ಕೇಳಿದ ಮೋನಿಕಾಗೆ ಏನು ಮಾಡಬೇಕು ತೋಚುವುದಿಲ್ಲ. ಇನ್ನು ರೂಮ್‌ಗೆ ತೆರಳಿ ಅರುಂಧತಿಗೆ ಕರೆಮಾಡಿ ಮಾತನಾಡುತ್ತಾಳೆ. ಈ ಮನೆಯಿಂದ ಹೊರ ಹೋಗಲು ಬಿಡುತ್ತಿಲ್ಲ. ಪಾರು ಜೊತೆ ಏನೆಲ್ಲ ಮಾಗು ಕಟ್ ಆಯಿತು ಅದನ್ನೆಲ್ಲ ಅರುಂಧತಿ ಬಳಿ ಹೇಳಿಕೊಳ್ಳುತ್ತಾಳೆ. ಇದನ್ನು ಕೇಳಿದ ಅರುಂಧತಿ ಮಾತ್ರ ಆತಂಕದಲ್ಲಿ ಇರುತ್ತಾಳೆ. ರಾಣಾನಿಗೆ ಕೂಡ ಏನು ಮಾಡಬೇಕು ಎಂದು ತಿಳಿಯದೇ ಸುಮ್ಮನಾಗುತ್ತಾನೆ.

ಅತ್ತಿಗೆಯ ಬಳಿ ನಿಜ ವಿಚಾರ ತಿಳಿಸಿದ ಪ್ರೀತೂ

ಮೋನಿಕಾ ಕಾಟ ತಡೆಯಲು ಆಗದೆ ಕೋಪದಿಂದ ಪ್ರೀತೂ, ಅಣ್ಣನ ರೂಮ್ ಬಳಿ ಬಂದು ಅತ್ತಿಗೆ ಯಾಕೆ ಮೋನಿಕಾಳನ್ನು ಹೋಗಲು ಬಿಡುತ್ತಿಲ್ಲ. ನನ್ನೆಲ್ಲ ಬದಲಾವಣೆಗೂ ಆಕೆಯೇ ಕಾರಣ ಎಂದು ಹೇಳುತ್ತಾನೆ. ಇದನ್ನು ಕೇಳಿದ ಪಾರುಗೆ ಶಾಕ್ ಆಗುತ್ತದೆ. ಇನ್ನು ಪಾರು ಆದಿ ಮಾತನಾಡಿಕೊಂಡು ಇರುವ ವೇಳೆ ಅಲ್ಲಿಗೆ ಬಂದ ಜನನಿ ಪಾರು ಬಳಿ, ಪಾರ್ವತಿ ಅವರೇ ನೀವು ಏನೋ ನನ್ನ ಬಳಿ ಮುಚ್ಚಿ ಇಡುತ್ತಿದ್ದಿರಾ ಏನದು ಎಂದು ಪದೇ ಪದೇ ಕೇಳುತ್ತಾಳೆ. ನಿಜ ವಿಚಾರ ಜನನಿ ಬಳಿ ಹೇಳುತ್ತಾಳ ಪಾರು? ಕಾದು ನೋಡಬೇಕಿದೆ.