ಆತ್ಮಹತ್ಯೆಗೆ ಮುಂದಾದ ಪ್ರೀತು: ಮತ್ತೆ ರಕ್ಷಣೆಗೆ ಬಂದ ಆದಿ-ಪಾರು

ಪ್ರೀತೂ ಬಳಿ ಮನವಿ ಮಾಡುವ ಪಾರು

ಬಳಿಕ ಪಾರು ಮಾತು ಮುಂದುವರೆಸಿ, ಈಗ ನೀವು ಹೇಳುವ ಸತ್ಯ ನಿಮ್ಮ ಅಮ್ಮನನ್ನು ರಕ್ಷಣೆ ಮಾಡುತ್ತದೆ. ಅರಸನ ಕೋಟೆ ಮರ್ಯಾದೆ ಕೂಡ ಉಳಿಯುತ್ತದೆ ಎಂದು ಪರಿ ಪರಿಯಾಗಿ ಹೇಳುತ್ತಾಳೆ. ಈ ವೇಳೆ ಪ್ರೀತೂ ಮನದಲ್ಲಿ ನಡೆದಿರುವ ಸತ್ಯವನ್ನು ಹೇಳಿಬಿಡಬೇಕು ಅಲ್ಲದೆ ಯಾಮಿನಿ ಚಿಕ್ಕಮ್ಮ ಇಲ್ಲಿ ಎಲ್ಲಿಯೂ ಇಲ್ಲ. ಹಾಗಾಗಿ ನಾನು ನಿಜ ವಿಚಾರ ಹೇಳಿದರೆ ರಾಣಾಗೂ ಗೊತ್ತಾಗಲ್ಲ. ಅತ್ತಿಗೆ ನನ್ನ ಅರ್ಥ ಮಾಡಿಕೊಂಡು ಎಲ್ಲದನ್ನೂ ನಿಭಾಯಿಸುತ್ತಾರೆ ಎಂದುಕೊಳ್ಳುತ್ತಾನೆ.

ಪ್ರೀತೂಗೆ ಪ್ರಶ್ನೆಗಳ ಮೇಲೆ ಪ್ರಶ್ನೆ

ಬಳಿಕ ಯೋಚನೆ ಮಾಡಿದ ಪ್ರೀತೂ ಇದೀಗ ಮೋನಿಕಾ ವಿಚಾರವನ್ನು ಪ್ರಸ್ತಾಪ ಮಾಡಿದರೆ ಅತ್ತಿಗೆ ಅರ್ಥ ಮಾಡಿಕೊಳ್ಳುತ್ತಾರೆ ಆದರೆ ಜನನಿ ಮಾತ್ರ ನನ್ನನ್ನು ಅರ್ಥ ಮಾಡಿಕೊಳ್ಳಲು ಸಾಧ್ಯವಿಲ್ಲ ಎಂದು ಅಂದುಕೊಳ್ಳುತ್ತಾನೆ. ಈ ವೇಳೆ ಕೆರಳಿದ ಪಾರು, ಏನು ಯೋಚನೆ ಮಾಡುತ್ತಾ ಇದ್ದೀರಿ. ಏನು ನಡೆಯಿತು ಎಂಬುವುದನ್ನಾದರೂ ಹೇಳಿ ಎಂದು ಪದೇ-ಪದೇ ಹೇಳುತ್ತಾಳೆ. ಬಳಿಕ ಪ್ರೀತೂ ಎಲ್ಲಾ ವಿಚಾರ ಹೇಳಬೇಕು ಎಂದುಕೊಂಡಾಗ ಅಲ್ಲಿಗೆ ಬಂದ ಆದಿ ಅದನ್ನು ತಡೆಯುತ್ತಾನೆ. ಪಾರು ಎಂದು ಕರೆಯುತ್ತಾನೆ. ಬಳಿಕ ಪ್ರೀತೂ ಬಳಿ ಕಣ್ಣು ಸನ್ನೆ ಮಾಡುತ್ತಾನೆ.

ಪ್ರೀತೂವನ್ನು ರಕ್ಷಿಸಿದ ಆದಿ

ಬಳಿಕ ಪಾರುವನ್ನು ನೋಡಿದ ಆದಿ ಹೇಳುತ್ತಾನೆ ಏನು ಹೀಗೆಲ್ಲ ಪ್ರಶ್ನೆ ಮಾಡುತ್ತಾ ಇದ್ದೀಯಾ ನಿನಗೆ ಅಷ್ಟು ತಿಳಿಯುವುದಿಲ್ವಾ. ಪಾರು, ಪ್ಲೀಸ್ ಪ್ರೀತೂಗೆ ಬಲವಂತ ಮಾಡಬೇಡ ಎಂದಾಗ ಜನನಿ ಅಡ್ಡ ಬಾಯಿ ಹಾಕುತ್ತಾಳೆ. ಬಾವ ಅತ್ತೆ ಅರೆಸ್ಟ್ ಆಗೋದಕ್ಕೆ ಪ್ರೀತೂ ಕಾರಣ. ಯಾಕೆ ಕಂಪ್ಲೇಂಟ್ ಕೊಟ್ಟಿದ್ದು ಎಂದು ಕೇಳುತ್ತಾ ಇರುವುದು ಅಷ್ಟೆ. ನೀವೇ ಕೇಳಿ ಬಾವ ಬಾಯಿ ಬಿಡಲಿ. ಇವನು ಕೊಟ್ಟ ಕಂಪ್ಲೇಂಟ್ ವಾಪಸ್ ತೆಗೆದುಕೊಂಡರೆ ಅತ್ತೆ ರಿಲೀಸ್ ಆಗುತ್ತಾರೆ ಅಲ್ವಾ ಎಂದು ಹೇಳುತ್ತಾಳೆ. ಅದಕ್ಕೆ ಆದಿ ಆಯ್ತು ನಾನು ಮಾತನಾಡುತ್ತೇನೆ ಸ್ವಲ್ಪ ನೀವು ಸುಮ್ಮನಿರಿ ಎಂದು ಪ್ರೀತೂವನ್ನು ಕರೆದುಕೊಂಡು ಅಲ್ಲಿಂದ ಹೋಗುತ್ತಾನೆ.

ರಘು ಬಳಿ ನಿಜ ಹೇಳದ ಆದಿ

ಇದನ್ನು ನೋಡಿದ ಪಾರು, ಜನನಿ ಮುಖ ಮುಖ ನೋಡುತ್ತಾರೆ. ಆದಿ ಬಳಿ ರಘು ಕೇಳುತ್ತಾರೆ, ನಿನ್ನ ಶೂಟ್ ಮಾಡಿದವರು ಯಾರು ಎಂದು ನಿನಗೆ ಗೊತ್ತಿದೆ ಅಲ್ವಾ ದಯಮಾಡಿ ಹೇಳಿಕೊ ಎಂದಾಗ ಆದಿ ಮಾತ್ರ ಏನೂ ಉತ್ತರಿಸದೆ ಕ್ಷಮಿಸಿ ದಯವಿಟ್ಟು ನನ್ನ ಅದರ ಬಗ್ಗೆ ಮಾತನಾಡುವುದು ಬೇಡ ಎಂದು ಹೇಳುತ್ತಾನೆ. ಆದರೆ ರಘು ಮಾತ್ರ ಅದನ್ನು ಬಿಡಲು ಸಾಧ್ಯನೇ ಇಲ್ಲ ಎಂದು ರಘು ಪಟ್ಟು ಹಿಡಿಯುತ್ತಾನೆ ಆದರೆ ಆದಿ ಮಾತ್ರ ಸುಮ್ಮನಿರುತ್ತಾರೆ ಮುಂದೇನು ಎಂಬುವುದನ್ನು ಕಾದು ನೋಡಬೇಕಿದೆ.