ಮೋನಿಕಾ-ಪ್ರೀತಮ್ ಅನ್ನು ಜಂಟಿಯಾಗಿ ನೋಡಿದ ಜನನಿ! ಮುಂದೆ ಏನು?

ಮೋನಿಕಾಳನ್ನು ತಡೆದ ಪಾರು

ಇದನ್ನು ನೋಡಿದ ಆದಿ ಏನು ಮಾಡಬೇಕು ಎಂದು ತಿಳಿಯದೇ ಸುಮ್ಮನಾಗುತ್ತಾನೆ. ಇನ್ನು ಪ್ರೀತಮ್ ತನ್ನ ರೂಮಿಗೆ ಬಂದಾಗ ಅಲ್ಲಿ ಮೋನಿಕಾಳನ್ನು ಕಂಡು ಶಾಕ್ ಆಗುತ್ತಾನೆ. ಏನು ಮೋನಿಕಾ ಎಂದು ಕೇಳಿದಾಗ ಆಕೆಯ ಧ್ವನಿಯಲ್ಲಿ ಏನೋ ಮೋಡಿ ಮಾಡುವವರ ಹಾಗೆ ಮಾತನಾಡುತ್ತಾಳೆ. ಕೊನೆಗೆ ಪ್ರೀತಮ್ ಏನೆಂದು ಖಡಕ್ ಆಗಿ ಕೇಳುತ್ತಾನೆ ಇದನ್ನು ಕೇಳಿದ ಮೋನಿಕಾ, 'ನಾನು ಇಂದು ನಿನ್ನ ಮನೆಯಿಂದ ಹೊರಡಬೇಕು ಎಂದು ಎಂದುಕೊಂಡಿದ್ದೆ ಆದರೆ ನಿನ್ನ ಅತ್ತಿಗೆ ನನ್ನನ್ನು ಹೋಗಲು ಬಿಡಲೇ ಇಲ್ಲ. ನನ್ನನ್ನು ತಡೆದು ಬಿಟ್ಟಳು ಪ್ಲೀಸ್ ನೀನು ಆದರೂ ನನ್ನನ್ನ ಹೋಗಲು ಬಿಡುವಂತೆ ಹೇಳು ಎಂದು ಹೇಳುತ್ತಾಳೆ.

ಮೋನಿಕಾಳನ್ನು ಕಳುಹಿಸಿಕೊಡುವಂತೆ ಒತ್ತಾಯಿಸಿದ ಪ್ರೀತಮ್

ಇದನ್ನು ಕೇಳಿದ ಪ್ರೀತಮ್ ನೇರವಾಗಿ ಆದಿ-ಪಾರು ಇರುವ ರೂಮ್ ಬಳಿ ಹೋಗುತ್ತಾನೆ. 'ಅತ್ತಿಗೆ-ಅಣ್ಣ ನೀವು ಏಕೆ ಮೋನಿಕಾಳನ್ನು ತದೆದಿದ್ದು ಆಕೆಯನ್ನು ಹೋಗಲು ಬಿಡಬೇಕಿತ್ತು ಯಾಕೆ ಬಿಡಲಿಲ್ಲ. ನನ್ನ ಈ ಬದಲಾವಣೆಗೆ ಆಕೆಯೇ ಕಾರಣ ಆಕೆಯನ್ನು ಮನೆಯಿಂದ ಕಳುಹಿಸುವುದು ಬಿಟ್ಟು ಬೇರೆ ಇನ್ನೇನಿದೆ ಎಂದು ಹೇಳುತ್ತಾನೆ. ಅದನ್ನು ಕೇಳಿದ ಆದಿ-ಪಾರುಗೆ ಶಾಕ್ ಆಗುತ್ತದೆ. ಇದನ್ನು ಕೇಳಿದ ಆದಿ, 'ಇಷ್ಟೆಲ್ಲ ಪ್ರಾಬ್ಲಂ ಇದ್ದರೂ ಈ ರೀತಿ ಬಿಟ್ಟು ಕಳುಹಿಸುವುದು ಒಳ್ಳೆಯದಲ್ಲ ನಾಳೆ ಇದಕ್ಕಿಂತ ದೊಡ್ಡ ಪ್ರಾಬ್ಲಂ ಆಗುತ್ತದೆ. ನಾನು ಇದನ್ನೆಲ್ಲ ಸರಿಪಡಿಸುತ್ತೇನೆ. ಎಂದಾಗ ಪ್ರೀತಮ್ ಮಾತ್ರ ಏನು ಮಾತನಾಡದೆ ಸುಮ್ಮನೆ ಇರುತ್ತಾನೆ.

ಮೋನಿಕಾ ಆಟಕ್ಕೆ ಅಂತ್ಯ ಹಾಡುತ್ತಾನ ರಘು

ಇನ್ನು ಮೋನಿಕಾಳ ಎಲ್ಲಾ ಆಟವನ್ನು ರಘು ನೋಡುತ್ತಾನೆ. ಪ್ರೀತೂ ಜೊತೆ ಸರಸ ಸಲ್ಲಾಪ ಮಾಡುತ್ತಾ ಇರುವುದು ನೋಡಿದ ರಘು, ಅಖಿಲಾ ಬಳಿ ಹೇಳುತ್ತೇನೆ ಎಂದು ಹೇಳಿ ಅಲ್ಲಿಂದ ಹೋಗುತ್ತಾನೆ. ಇತ್ತ ಪ್ರೀತಮ್ ಬಳಿ ಆದಿ ಅದೆಷ್ಟೇ ನಿಜ ಹೇಳುವಂತೆ ಒತ್ತಾಯ ಮಾಡಿದರು ಅದ್ಯಾವುದನ್ನೂ ಹೇಳದೆ ಅಲ್ಲಿಂದ ಪ್ರೀತಮ್, ಹೊರಟು ಹೋಗುತ್ತಾನೆ.

ಪ್ರೀತಂ-ಮೋನಿಕಾಳನ್ನು ಒಟ್ಟಿಗೆ ಕಂಡ ಜನನಿ

ಇದನ್ನು ನೋಡಿದ ಪಾರು ಆದಿ ಪ್ರೀತಮ್ ಎಲ್ಲಿ ಹೋಗುತ್ತಾ ಇದ್ದಾನೆ ಎಂದು ಯೋಚನೆ ಮಾಡುತ್ತಾ ಇರುವಾಗ ಮೋನಿಕಾ ಕೈ ಹಿಡಿದುಕೊಂಡು ಬರುತ್ತಾಳೆ. ಇದನ್ನು ಜನನಿ ನೋಡುತ್ತಾಳೆ ಬಳಿಕ ಶಾಕ್‌ಗೆ ಒಳಗಾಗುತ್ತಾಳೆ. ಜನನಿಯನ್ನು ನೋಡಿ ಪಾರೂಗೆ ಶಾಕ್ ಆಗುತ್ತದೆ ಜನನಿ ಅವರೇ ನೀವೇನು ಇಲ್ಲಿ ಎಂದು ಕೇಳುತ್ತಾಳೆ. ಜನನಿ ಎಂದು ಕರೆದ ವೇಳೆ ಪ್ರೀತಮ್ ಹಿಂದಿರುಗಿ ನೋಡುತ್ತಾನೆ. ಜನನಿ ನೋಡುತ್ತಾ ಇರುವುದನ್ನು ನೋಡಿ ಪ್ರೀತಮ್ ಗೆ ಶಾಕ್ ಆಗುತ್ತದೆ ಮುಂದೇನು ಕಾದು ನೋಡಬೇಕಿದೆ.