Paaru serial: ಪಾರು ತಾಯಿ ಆಗುತ್ತಿರುವ ವಿಚಾರ ಆದಿಗೆ ತಿಳಿದೇಹೋಯಿತು!

ಪಾರುವನ್ನು ಎತ್ತಿ ಕುಣಿದಾಡಿದ ಆದಿ

ಪಾರು ನೀನು ತಾಯಿ ಆಗುತ್ತಾ ಇದ್ದೀಯಾ ಎಂದಾಗ ಪಾರು ನಾಚಿಕೆಯಿಂದ ಹೌದು ಎಂದು ಹೇಳುತ್ತಾಳೆ. ಇದನ್ನು ಕೇಳಿದ ಆದಿ ಖುಷಿಯಿಂದ ಪಾರುವನ್ನು ಎತ್ತಿಕೊಂಡು ತನ್ನ ಸಂತಸ ವ್ಯಕ್ತ ಪಡಿಸುತ್ತಾನೆ. ಪಾರು ಮೆತ್ತಗೆ ಗಂಡನ ಬಳಿ ನಾವೀಗ ಇಬ್ಬರು ಇದ್ದೇವೆ ಎಂದು ಹೇಳಿದಾಗ ಪಾರುವನ್ನು ಇಳಿಸಿದ ಆದಿ ನಾವು ಈಗ ಮೂರು ಮಂದಿ ಎಂದು ಹೇಳಿ ಖುಷಿ ಪಡುತ್ತಾನೆ. ಇನ್ನು ಹೆಂಡತಿ ಬಳಿ ಆದಿ ಯಾವುದೇ ಕೆಲಸ ಮಾಡಬಾರದು ನಾನೇ ಇನ್ನೂ ಎಲ್ಲಾ ಕೆಲಸ ಮಾಡುತ್ತೇನೆ, ಟೆನ್ಶನ್ ಮಾಡಬಾರದು ಎಂದೆಲ್ಲ ಹೇಳಿ ಹೆಂಡತಿಗೆ ಹೇಳುತ್ತಾನೆ.

ಸಾರಥಿಗೆ ವಿಚಾರ ತಿಳಿಸಲು ಮುಂದಾದ ಆದಿ

ಇನ್ನು ಪಾರು ತಂದೆಗೆ ಈ ವಿಚಾರ ತಿಳಿದಿಲ್ಲದ ಕಾರಣ ಸಾರಥಿಗೆ ಈ ವಿಚಾರ ಹೇಳಿದರೆ ಬಹಳ ಖುಷಿ ಪಡಬಹುದು ಎಂದುಕೊಂಡು ಸಾರಥಿಗೆ ಸರ್ಪ್ರೈಸ್ ಕೊಡಲು ಆದಿ ಹಾಗೂ ಪಾರು ಹೊರಡುತ್ತಾರೆ. ಇನ್ನು ಆದಿ ಪಾರು ಮನೆ ಮುಂದೆ ಹೋಗಿ ಕೊರಿಯರ್ ಎಂದು ಜೋರಾಗಿ ಕೂಗಿ ಅಲ್ಲಿಂದ ಹೋಗುತ್ತಾನೆ. ಇದನ್ನು ಕೇಳಿಸಿಕೊಂಡ ಸಾರಥಿ ಯಾರದು ಎಂದು ಕೇಳಿಕೊಂಡು ಹೊರಗೆ ಬರುತ್ತಾನೆ

ಹನುಮಂತುಗೆ ಸರ್ಪ್ರೈಸ್ ಕೊಟ್ಟ ಪಾರು ಆದಿ

ಆ ವೇಳೆ ಆತನಿಗೆ ಕೊರಿಯರ್ ಇರುವುದು ಕಾಣಿಸುತ್ತದೆ. ಅದನ್ನು ತೆಗೆದುಕೊಂಡು ಒಳಗೆ ಹೋದ ಹನುಮಂತು ಪಾರು ಬಳಿ ಯಾರು ಕೊರಿಯರ್ ಕಳುಹಿಸಿದ್ದು ಗೊತ್ತಾಗಲಿಲ್ಲ ಎಂದು ಹೇಳುತ್ತಾನೆ. ಇದನ್ನು ಕೇಳಿಸಿಕೊಂಡ ಪಾರು ಸುಮ್ಮನೆ ಇರುತ್ತಾಳೆ. ಅಲ್ಲಿಗೆ ಬಂದ ಆದಿ ಏನು ಎತ್ತ ಎಂದು ಗೊತ್ತಿಲ್ಲದ ಹಾಗೆ ವಿಚಾರಣೆ ಮಾಡುತ್ತಾನೆ. ಇನ್ನು ಕೊರಿಯರ್ ಓಪನ್ ಮಾಡಿ ನೋಡಿದಾಗ ಅದರಲ್ಲಿ ಮಗುವಿನ ಚಪ್ಪಲಿ ಇರುತ್ತದೆ. ಹನುಮಂತುಗೆ ಇದು ಅರ್ಥನೇ ಆಗಲಿಲ್ಲ. ಕೊನೆಗೆ ಅದು ಹೇಗೋ ತಿಳಿಯುತ್ತದೆ. ಪಾರು ತಾಯಿ ಆಗುತ್ತಾ ಇದ್ದಾಳೆ, ನಾನು ತಾತ ಆಗುತ್ತಾ ಇದ್ದೇನೆ ಎಂದುಕೊಂಡು ಖುಷಿ ಪಡುತ್ತಾನೆ. ಇದನ್ನು ಅರಸನ ಕೋಟೆಯವರಿಗೆ ಹೇಳಬೇಕು ಎಂದು ಯೋಚನೆ ಮಾಡುತ್ತಾ ಇರುವಾಗ ಪಾರು ತಂದೆಯ ಬಳಿ ಈ ವಿಚಾರ ಅರಸನ ಕೋಟೆಗೆ ತಿಳಿಸಬಾರದು ಎಂದು ಪ್ರಮಾಣ ಮಾಡಿಸಿಕೊಳ್ಳುತ್ತಾಳೆ.