ರಾಣಾ-ಅರುಂಧತಿಯನ್ನು ಹಿಡಿದೇ ಬಿಟ್ಟ ಆದಿ!

ಕಮಿಟ್ಮೆಂಟ್ ಬಗ್ಗೆ ಹೇಳಿದ ಪ್ರೀತು

ನಾನು ಮತ್ತು ಅಣ್ಣ ಒಂದು ಇಂಪಾರ್ಟೆಂಟ್ ಕಮಿಟ್ಮೆಂಟ್ ಮಾಡಿಕೊಂಡಿದ್ದೆವು ಇದು ಅಣ್ಣನಿಗೆ ಮತ್ತು ನನಗೆ ಮಾತ್ರ ಗೊತ್ತಿರುವುದು ಬೇರೆಯವರಿಗೆ ಯಾರಿಗೂ ಗೊತ್ತಿಲ್ಲ ಎಂದು ಹೇಳುತ್ತಾನೆ. ಅಮ್ಮನಿಗೆ ಇದರ ಬಗ್ಗೆ ಎನು ಗೊತ್ತಿಲ್ಲ. ಎಂದು ಹೇಳಿದಾಗ ಪಾರು ಸ್ವಲ್ಪ ಮಟ್ಟಿಗೆ ಸಮಾಧಾನ ಮಾಡಿಕೊಳ್ಳುತ್ತಾಳೆ. ಬಳಿಕ ಪಾರು ಇಷ್ಟೇನಾ.. ಇದನ್ನು ಆದಷ್ಟು ಬೇಗ ಅಮ್ಮನಿಗೆ ತಿಳಿಸಿ ಎಂದು ಹೇಳಿ ಅಲ್ಲಿಂದ ಹೋಗುತ್ತಾಳೆ. ಬಳಿಕ ಆದಿ ಮತ್ತು ಪ್ರೀತು ಮಾತನಾಡಿಕೊಳ್ಳುತ್ತಾ ಅಲ್ಲಿ ನಡೆದ ವಿಚಾರವನ್ನು ಆದಿ ,ಪ್ರೀತು ಬಳಿ ಹೇಳುತ್ತಾನೆ. ಬಳಿಕ ಪ್ರೀತು ಹೇಳುತ್ತಾನೆ ಅಣ್ಣ ನಿನ್ನ ಮೊಬೈಲ್ ನಲ್ಲಿ ಅವನ ನಂಬರ್ ಇದೆ ಅಲ್ವಾ ಅದನ್ನು ಟ್ರಾಪ್ ಮಾಡಿ ಅವನ ಅಡ್ರಸ್ ತಿಳಿದುಕೊಳ್ಳುವ ಬಳಿಕ ಅವನನ್ನು ಮಟ್ಟ ಹಾಕುವ ಎಂದು ಹೇಳುತ್ತಾನೆ. ಅದನ್ನು ಕೇಳಿಸಿಕೊಂಡ ಆದಿ ಎಸ್ ಗುಡ್ ಐಡಿಯಾ ಎನ್ನುತ್ತಾನೆ.

ಆದಿ ಹಾಗೂ ಅಖಿಲಾಂಡೇಶ್ವರಿಯನ್ನು ಬೇರೆ ಮಾಡಿದ ಖುಷಿ ಅರುಂಧತಿಗೆ

ಇನ್ನೂ ಇತ್ತ ಅರಂಧತಿ ಮತ್ತು ರಾಣಾ ಇಬ್ಬರು ಮಾತನಾಡಿಕೊಳ್ಳುತ್ತಿರುತ್ತಾರೆ. ಆದಿಯನ್ನು ಮೀಟಿಂಗ್‌ನಿಂದ ತಪ್ಪಿಸಿದರೂ ಮೀಟಿಂಗ್ ನಿಲ್ಲಿಸಲು ಆಗಲಿಲ್ಲ. ಅಖಿಲಾ ಮತ್ತು ಆಕೆಯ ಮಗನನ್ನು ದೂರ ಮಾಡೊವಲ್ಲಿ ನಮ್ಮ ಪ್ಲಾನ್ ಸಫಲ ಆಯ್ತು. ಎಂದು ಹೇಳಿದಾಗ ರಾಣಾ ಹೇಳುತ್ತಾನೆ ಎಲ್ಲಾ ಓಕೆ ಆದರೆ ನಾನು ಒಂದು ಎಡವಟ್ಟು ಮಾಡಿಕೊಂಡಿದ್ದೇನೆ ಅದೇನೆಂದರೆ ಮೊಬೈಲ್ ಅನ್ನು ಆದೀಗೆ ಕೊಟ್ಟಿದ್ದೇನೆ. ಛೇ ಎಂತಹ ಕೆಲಸ ಆಗೋಯ್ತು. ನನ್ನ ನಂಬರ್ ಅದರಲ್ಲಿ ಇದೆ ಅಲ್ವಾ ಎಂದು ಕೊಂಡು ಅರುಂಧತಿ ಬಳಿ ಹೇಳಿದಾಗ ಆರುಂಧತಿಗೆ ಶಾಕ್ ಆಗುತ್ತದೆ..

ಆದಿ ಬಗ್ಗೆ ಬೇಸರಪಟ್ಟುಕೊಂಡ ಅಖಿಲಾಂಡೇಶ್ವರಿ

ಇತ್ತ ಅಖಿಲಾಂಡೆಶ್ವರಿ ತಾನು ಅಷ್ಟು ಮುದ್ದಾಗಿ ಪ್ರೀತಿಸಿದ ಆದಿಯೇ ಈ ತರಹ ತಪ್ಪು ಮಾಡಿದ್ದಾನೆ ಎಂದು ನೆನೆದು ಮರುಗುತ್ತಿದ್ದಾಳೆ. ಅಖಿಲಾಂಡೆಶ್ವರಿ ಬಳಿಗೆ ಬಂದ ಆದಿ ಚಿಕ್ಕಪ್ಪ. ಏನು ಅತ್ತಿಗೆ ಊಟಕ್ಕೆ ಬರಲೇ ಇಲ್ಲ. ಎಂದು ಕೇಳಿದಾಗ ಅಖಿಲಾಂಡೆಶ್ವರಿ ಹೇಳುತ್ತಾರೆ ನಾನು ಪ್ರೀತಿಸಿದ ಮಗ ಈ ರೀತಿ ಮಾಡಿದಾಗ ಯಾರಿಗೆ ತಾನೆ ಬೇಸರವಾಗುವುದಿಲ್ಲ ಹೇಳಿ ಮನಸ್ಸಿಗೆ ಬಹಳ ಬೇಸರ ಉಂಟು ಮಾಡಿದೆ. ಆದಿ ಚಿಕ್ಕ ವಯಸ್ಸಿನಿಂದಲೂ ಇಲ್ಲಿಯ ತನಕ ಇಷ್ಟು ಬೇಜವಬ್ದಾರಿಯಿಂದ ನಡೆದುಕೊಂಡಿಲ್ಲ. ಇದೇ ಮೊದಲ ಬಾರಿಗೆ ಈ ರೀತಿ ನಡೆದುಕೊಂಡು ಬೇಸರ ಮೂಡಿಸಿದ್ದಾನೆ. ಅವನಿಗೆ ನೆಮ್ಮದಿ ಇಲ್ಲ ಅಂತೆ. ನಾನೇನು ಅವನ ಹೆಂಡತಿಗೆ ಅಷ್ಟು ಕಾಟ ಕೊಡುತ್ತಿದ್ದೇನೆಯೇ ಎಂದು ಹೇಳುತ್ತಾರೆ ಬೇಸರದಿಂದ. ಇದನ್ನೆಲ್ಲ ಪಾರು ಮಾತು ಆದಿ ಮರೆಯಿಂದ ಕೇಳಿಸಿಕೊಂಡು ಬೇಸರ ಪಡುತ್ತಾರೆ.

ಕೇಡಿಗಳನ್ನು ಹಿಡಿದೇ ಬಿಟ್ಟ ಆದಿ!

ಇತ್ತ ಪ್ರೀತುವಿನ ಬಳಿ, ''ಅಮ್ಮನಿಗೆ ಬಹಳ ಬೇಸರವಾಗಿದೆ. ಅಮ್ಮನಿಗೆ ನೀವು ಅಂದ್ರೆ ಈಗ ಬಾರಿ ಇಷ್ಟ. ನೀವೇ ಅವರಿಗೆ ಊಟ ಕೊಡಿ'' ಎಂದು ಪಾರು ಹೇಳುತ್ತಾಳೆ. ಬಳಿಕ ಪ್ರೀತು ಅಮ್ಮನಿಗೆ ಊಟ ತೆಗೆದುಕೊಂಡು ಹೋಗುತ್ತಾನೆ. ಅಮ್ಮನ ಕೈ ತುತ್ತು ತಿನ್ನುತ್ತಿದ್ದ ಪ್ರೀತು ಕಣ್ಣಲು ನೀರು ಬಂತು ಇದನ್ನು ನೋಡಿದ ಆದಿಗೆ ಬಹಳ ಬೇಸರವಾಗುತ್ತದೆ. ಅರುಂಧತಿ ರಾಣಾನ ಬಳಿ ಹೇಳುತ್ತಾಳೆ, ನಾವು ಆದಷ್ಟು ಬೇಗ ಈ ಮನೆ ಖಾಲಿ ಮಾಡಬೇಕು ಇಲ್ಲವಾದರೆ ನಮಗೆ ಆಪತ್ತು ಎಂದು ಹೇಳುತ್ತಿರುವಾಗ ರಾಣಾ ಹೇಳುತ್ತಾನೆ ಈಗಲೆ ಖಾಲಿ ಮಾಡಬೇಕಾ ಎಂದು ಹೇಳಿದಾಗ ಮನೆಯ ಕಾಲಿಂಗ್ ಬೇಲ್ ಅನ್ನು ಯಾರೋ ಒತ್ತುತ್ತಾರೆ. ಇನ್ನೂ ರಾಣಾ ಭಯಭೀತರಾಗಿ ಬಾಗಿಲು ತೆರೆದು ನೋಡಿದಾಗ ಆದಿ ನಿಂತಿದ್ದನ್ನು ಕಂಡು ಶಾಕ್ ಆಗುತ್ತಾನೆ.