ಮನೆ ಬಿಟ್ಟು ಹೋದ ಜನನಿ: ಮೋನಿಕಾ ಮೋಸಾದಾಟಕ್ಕೆ ತೆರೆ ಬೀಳುತ್ತಾ?

ಕರೆ ಸ್ವೀಕರಿಸದ ರಾಣಾ

ಇನ್ನು ಮೋನಿಕಾ ರಾಣನಿಗೆ ಕರೆ ಮಾಡಿದರೆ ರಾಣಾ ಕರೆ ಸ್ವೀಕರಿಸದೆ ಇರುವುದರಿಂದ ಮೋನಿಕಾ ಆತಂಕಗೊಳ್ಳುತ್ತಾಳೆ. ಇನ್ನು ಪಾರು ಹಾಗೂ ಆದಿ, ಪ್ರೀತಮ್ ಹಾಗೂ ಜನನಿ ಒಂದಾದ ಕಾರಣಕ್ಕೆ ಬಹಳ ಖುಷಿಗೊಂಡು ಇರುತ್ತಾರೆ. ಜನನಿ ದೇವರ ಕೋಣೆಗೆ ಹೋಗಿ ದೀಪ ಹೆಚ್ಚುತ್ತಾಳೆ. ಮೋನಿಕಾ ಮಾತ್ರ ಈ ಮನೆಯಲ್ಲಿ ಏನು ಕುತಂತ್ರ ಮಾಡಬಹುದು. ಈ ಮನೆ ಮಂದಿಯ ನಿದ್ದೆಗೆಡಿಸುವುದು ಹೇಗೆ ಎಂದೆಲ್ಲ ಯೋಚನೆ ಮಾಡುತ್ತಾ ಇರುತ್ತಾಳೆ. ಇನ್ನು ಪ್ರೀತಮ್‌ಗೆ ಕರೆ ಮಾಡಿದ ಮೋನಿಕಾ ನನ್ನ ಫೋನ್ ಕಳವು ಆಗಿದೆ ನನಗೆ ಬೇರೆ ಹೊಸ ಫೋನ್ ಬೇಕು ಎಂದು ಹೇಳುತ್ತಾಳೆ.

ಪ್ರೀತಮ್ ಬಳಿ ಹೊಸ ಫೋನ್ಗೆ ಬೇಡಿಕೆ ಇಟ್ಟ ಮೋನಿಕಾ

ಇದನ್ನು ಕೇಳಿದ ಪ್ರೀತಮ್ ನಮ್ಮ ಮನೆಯಲ್ಲಿ ಯಾರು ಫೋನ್ ಕದಿಯುತ್ತಾರೆ ಎಂದೆಲ್ಲ ಹೇಳಿದಾಗ ವಿಡಿಯೋ ಬಗ್ಗೆಯೂ ಮಾತನಾಡುತ್ತಾನೆ. ಫೋನ್ ಲಾಕ್ ಆದ ಕಾರಣ ಯಾವ ವಿಡಿಯೋ ಕೂಡ ನೋಡಲು ಅಸಾಧ್ಯ ಎಂದು ಹೇಳಿದ ಮೇಲೆಯೇ ಪ್ರೀತಮ್‌ಗೆ ಮರು ಜೀವ ಬಂದ ಹಾಗೆ ಆಗುತ್ತದೆ. ಮೋನಿಕಾ ಪ್ರೀತಮ್ ಎದುರು ಹೋಸ ವರಸೆ ತೋರಿಸುತ್ತಾ ಇದ್ದಾಳೆ. ಇದೀಗ ಮೋನಿಕಾ ಹೊಸ ಬಲೆ ಹೆಣೆದಿದ್ದಾಳೆ. ಪ್ರೀತಮ್ ಅನ್ನು ಹೇಗಾದರೂ ಜನನಿಯಿಂದ ದೂರ ಮಾಡಲೇ ಬೇಕು ಎಂದು ಆಲೋಚನೆ ಮಾಡುತ್ತಾ ಇರುತ್ತಾಳೆ. ಈ ವೇಳೆ ಮನೆಯ ಕೆಲಸದಾಕೆಯ ಫೋನ್ ಹಿಡಿದುಕೊಂಡು ಪ್ರೀತಮ್‌ಗೆ ಕರೆಮಾಡಿದ್ದಾಳೆ ಮೋನಿಕಾ.

ಮೋನಿಕಾಗೆ ಐ ಲವ್‌ ಯೂ ಎಂದ ಪ್ರೀತಮ್

ಆದರೆ ಪ್ರೀತಮ್ ಮಾತ್ರ ಹೊಸ ಫೋನ್ ಕೊಡುವ ಯೋಚನೆಯೇ ಇಲ್ಲದೆ ಹಳೆಯ ಫೋನ್ ಹುಡುಕಾಟದಲ್ಲಿ ಇರುತ್ತಾನೆ. ದೇವರ ಮನೆಯಲ್ಲಿ ಜನನಿ, ಮೋನಿಕಾ ಮಾತನಾಡುತ್ತಿರುವುದು ಕೇಳಿಸಿಕೊಳ್ಳುತ್ತಾ ಇರುತ್ತಾಳೆ. ಮೋನಿಕಾ, ಪ್ರೀತೂ ಎಂದ ಕೂಡಲೇ ಜನನಿ ಮೋನಿಕಾಳನ್ನು ನೋಡುತ್ತಾಳೆ. ಇದನ್ನು ನೋಡಿದ ಮೋನಿಕಾ ಮನದಲ್ಲಿ ಜೋರಾಗಿ ನಗುತ್ತಾಳೆ. ಇನ್ನು ಪ್ರೀತಮ್ ನನ್ನು ಬ್ಲಾಕ್ ಮೇಲ್ ಮಾಡಿ ಏನೇನೆಲ್ಲ ಮಾತನಾಡುತ್ತಾಳೆ ಮೋನಿಕಾ ಕೊನೆಗೆ ಪ್ರೀತೂ ಬಾಯಿಯಿಂದ ಐ ಲವ್ ಯು ಎಂದು ಹೇಳಿಸುತ್ತಾಳೆ. ಇದನ್ನು ಕೇಳಿದ ಜನನಿಗೆ ಸಿಡಿಲು ಬಡಿದ ಹಾಗೆ ಆಗುತ್ತದೆ.

ಮನೆ ಬಿಟ್ಟು ಹೋದ ಜನನಿ

ರೂಮಿಗೆ ಬಂದ ಜನನಿ ಜೋರಾಗಿ ಅಳುತ್ತಾಳೆ ಬಳಿಕ ಮನೆ ಬಿಟ್ಟು ಹೋಗಲು ನಿರ್ಧಾರ ಮಾಡುತ್ತಾಳೆ . ಜನನಿ ಬಳಿ ಬಂದ ಪ್ರೀತಮ್‌ನನ್ನು ನೋಡಿ ಕೋಪಗೊಂಡ ಜನನಿ ಕತ್ತಲ್ಲಿದ್ದ ತಾಳಿಯನ್ನು ಪ್ರೀತಮ್ ಕೈ ಗೆ ಕೊಡುತ್ತಾಳೆ. ಬಳಿಕ ಪಾರು ಬಳಿ ನಡೆದ ವಿಚಾರ ತಿಳಿಸಿ ಮನೆ ಬಿಟ್ಟು ಹೋಗುತ್ತಾಳೆ. ಮುಂದೇನು ಕಾದು ನೋಡಬೇಕಿದೆ.