ಮನೆ ಬಿಟ್ಟು ಹೋದ ಜನನಿಯನ್ನು ವಾಪಸ್ ಬರುವಂತೆ ಮಾಡ್ತಾಳಾ ಪಾರು?

ಪ್ರೀತಮ್ ಮುಖಕ್ಕೆ ಮಂಗಳಾರತಿ ಮಾಡಿದ ಜನನಿ

ಇದನ್ನು ಕೇಳಿದ ಜನನಿ, 'ಇಂಥಹವನ ಜೊತೆ ಯಾವ ಮನಸ್ಸು ಇಟ್ಟುಕೊಂಡು ಇರಬೇಕು ಹೇಳಿ. ದಯವಿಟ್ಟು ನನ್ನನ್ನು ಹೋಗುವುದಕ್ಕೆ ಬಿಟ್ಟು ಬಿಡಿ ಎಂದು ಹೋಗಲು ಅನುವಾಗುತ್ತಾಳೆ. ಇದನ್ನು ನೋಡಿದ ಜನನಿಯನ್ನು ಪಾರು ತಡೆದು ನಿಲ್ಲಿಸುತ್ತಾಳೆ. ಬಳಿಕ ಪಾರು, ನೀವು ಮನೆ ಬಿಟ್ಟು ಹೋಗುವುದರಿಂದ ಎಲ್ಲರ ನೆಮ್ಮದಿ ಹಾಳಾಗುತ್ತದೆ. ಅರಸನ ಕೋಟೆಯ ಮರ್ಯಾದೆ ಹೋಗುತ್ತದೆ. ನಾವು ಯಾರು ಸಂತೋಷವಾಗಿ ಇರಲು ಸಾಧ್ಯ ಇಲ್ಲ ಜನನಿ ಅವರೇ. ಎಂದಾಗ ಜನನಿ ಹೇಳುತ್ತಾಳೆ ನೀವು ಹೇಳುತ್ತಿರುವುದು ನಿಜ ನನಗೆ ಆ ರೀತಿ ಮಾಡುವ ಉದ್ದೇಶ ಇಲ್ಲ. ಆದರೆ ನಾನು ಮನೆ ಬಿಟ್ಟು ಹೋಗುವ ಅನಿವಾರ್ಯತೆ ಬಂದಿದೆ. ನಾನು ಏನು ಎಂಬ ವಿಚಾರ ನಿಮಗೆ ಗೊತ್ತಿದೆ ಅಲ್ವಾ ಎಂದು ಅಳುತ್ತಾ ಹೇಳುತ್ತಾಳೆ.

ಪಾರು ಬಳಿ ದೂರು ಹೇಳಿದ ಜನನಿ

ಬಳಿಕ ಮಾತು ಮುಂದುವರೆಸಿದ ಜನನಿ ಮನೆ ಬಿಟ್ಟು ಬಂದಿದ್ದೇನೆ ಅಂದರೆ ನನ್ನ ಮನಸ್ಥಿತಿಯನ್ನು ಅರ್ಥ ಮಾಡಿಕೊಳ್ಳಿ. ಮನೆತನದ ಮರ್ಯಾದೆ ಸಂಬಂಧದ ಬಗ್ಗೆ ಆಲೋಚನೆ ಮಾಡಿ ಒಂದು ಸಲ ನನ್ನ ಜಾಗದಲ್ಲಿ ನಿಂತು ಯೋಚಿಸಿ. ನನ್ನ ನೋವು ನಿಮಗೆ ಅರ್ಥ ಆಗುತ್ತದೆ. ನನಗೆ ನಿಮ್ಮ ಗೆಳತಿ, ಪ್ರೀತೂಗೆ ಏನು ಹೇಳಿದರು ಬೇಸರ ಆಗುತ್ತಾ ಇರಲಿಲ್ಲ. ಆದರೆ ಈ ಪುಣ್ಯಾತ್ಮ ಐ ಲವ್ ಯು ಎಂದು ಹೇಳಿದ್ದನ್ನು ನಾನು ಕೇಳಿಸಿಕೊಂಡಿದ್ದೇನೆ. ಅದಕ್ಕೆ ಕಟ್ಟಿದ ತಾಳಿಯನ್ನು ತೆಗೆದು ಆತನ ಬಳಿ ಕೊಟ್ಟೆ, ನಾನು ಮಾತ್ರ ಅಲ್ಲ ನನ್ನ ಜಾಗದಲ್ಲಿ ಬೇರೆ ಯಾರೇ ಹೆಣ್ಣು ಇದ್ದರೂ ಇದನ್ನೇ ಮಾಡುತ್ತಾ ಇದ್ದಳು. ನನಗೆ ನೀವೆಲ್ಲರೂ ಬುದ್ಧಿ ಹೇಳುತ್ತಾ ಇದ್ದೀರಾ ನೀವು ಮಾಡಿದ್ದು ಸರಿಯಾ ಎಂದು ಹೇಳುತ್ತಾಳೆ.

ಜನನಿಗೆ ಸಮಾಧಾನ ಮಾಡಿದ ಪಾರು

ಇದನ್ನು ಕೇಳಿದ ಪಾರು, ಜನನಿ ಬಳಿ 'ನಿಮಗೆ ಪೂರ್ತಿ ವಿಚಾರ ತಿಳಿದಿಲ್ಲ. ನಿಮಗೆ ತಿಳಿಯ ಬೇಕಾದುದು ಬಹಳ ಇದೆ. ಬನ್ನಿ ಜನನಿ ಅವರೇ ಎಂದು ಕರೆದುಕೊಂಡು ಹೋಗುತ್ತಾಳೆ. ಇದನ್ನು ನೋಡಿದ ಪ್ರೀತಮ್ ನಾನು ಜನನಿ ಮುಂದೆ ತಪ್ಪಿತಸ್ಥ ಆದರೂ ಪರವಾಗಿ ಇಲ್ಲ. ಆದರೆ ಜನನಿಯನ್ನು ನನಗೆ ಕಳೆದುಕೊಳ್ಳಲು ಇಷ್ಟ ಇಲ್ಲ. ಅತ್ತಿಗೆ ಮೇಲೆ ನನಗೆ ನಂಬಿಕೆ ಇದೆ ಎಂದು ಹೇಳುತ್ತಾನೆ. ಇನ್ನು ಮನೆಗೆ ಬಂದ ಅಖಿಲಾಂಡೆಶ್ವರಿ ಮನೆಯಲ್ಲಿ ಮಕ್ಕಳು ಇರದ್ದನ್ನು ನೋಡಿ ಜಯಳನ್ನು ಕರೆದು ಮನೆಯಲ್ಲಿ ಯಾರು ಇಲ್ಲದನ್ನು ವಿಚಾರಣೆ ಮಾಡುತ್ತಾಳೆ ಇದನ್ನು ಕೇಳಿದ ಜಯ ನನಗೆ ಯಾರು ಎನು ಹೇಳಿಲ್ಲ ಅಮ್ಮವರೇ ಎಲ್ಲರೂ ಒಟ್ಟಿಗೆ ಹೋದರು ಎಂದು ಹೇಳುತ್ತಾಳೆ ಇದನ್ನು ಕೇಳಿದ ಅಖಿಲನಿಗೆ ಮಕ್ಕಳೆಲ್ಲ ದೂರ ಹೋದರು ಎಂದು ಆಲೋಚನೆ ಮಾಡುತ್ತಾ ಇರುತ್ತಾಳೆ.