ಮತ್ತೆ ಒಂದಾದ ಪೂರ್ವ-ಜನನಿ, ಅಖಿಲಾ ಬಲೆಗೆ ಬಿದ್ದಳಾ ಮೋನಿಕಾ?

ಮೋನಿಕಾ ವಿಚಾರವಾಗಿ ಜನನಿ ಬಳಿ ಕ್ಷಮೆ ಕೇಳಿದ ಪಾರು

ಇನ್ನು ಮೋನಿಕಾ ವಿಚಾರವಾಗಿ ಜನನಿ ಬಳಿ ಬಂದು ಮಾತನಾಡಿದ ಪಾರು ಜನನಿ ನನ್ನ ಮೇಲೆ ನಿನಗೆ ಅನುಮಾನ ಬರಲೇ ಇಲ್ವಾ ಎಂದೆಲ್ಲ ಕೇಳುತ್ತಾಳೆ. ಮೋನಿಕಾ ನಿಮ್ಮ ರೂಮಿನಲ್ಲಿ ಲಗೇಜ್ ಇಟ್ಟಿರುವುದನ್ನು ಕಂಡು ನಿಮಗೆ ಏನೂ ಅನ್ನಿಸಲೇ ಇಲ್ವಾ ಎಂದು ಕೇಳುತ್ತಾಳೆ. ಇದನ್ನು ಕೇಳಿದ ಜನನಿ ಮಾತ್ರ ಅನುಮಾನ ಪಡುವ ಮನುಷ್ಯರು ನಮ್ಮ ಮನೆಯಲ್ಲಿ ಇಲ್ಲದ ಕಾರಣ ನಾನು ಅನುಮಾನ ಪಡಲಿಲ್ಲ. ಅದರ ಬಗ್ಗೆ ಹೆಚ್ಚಾಗಿ ಯೋಚನೆ ಮಾಡಲಿಲ್ಲ ಎಂದು ಹೇಳುತ್ತಾಳೆ ಇದನ್ನು ಕೇಳಿದ ಪಾರುಗೆ ಜನನಿ ಮೇಲೆ ಅಭಿಮಾನ ಇನ್ನೂ ಹೆಚ್ಚಾಗುತ್ತದೆ.

ಪ್ರೀತಮ್ ವಿಚಾರ ತಿಳಿಸುವಂತೆ ಬೇಡಿದ ಜನನಿ

ಬಳಿಕ ಜನನಿ, ಪ್ರೀತಮ್ ವಿಚಾರ ಏನಾದರು ತಿಳಿದರೆ ನನಗೆ ತಿಳಿಸಿ ನನ್ನ ಕೈಯಿಂದ ಆದ ಮಟ್ಟಿಗೆ ನಾನು ಸಹಾಯ ಮಾಡುತ್ತೇನೆ ಎಂದು ಹೇಳುತ್ತಾಳೆ. ಇನ್ನು ಧಾಮಿನಿಗೆ ಮೋನಿಕಾ ಕಂಡರೆ ಏನೋ ಅನುಮಾನ ಪಾರು ಹಾಗೂ ಮೋನಿಕಾ ಸೇರಿಕೊಂಡು ಏನಾದರು ಮಸಲತ್ತು ನಡೆಸುತ್ತಿದ್ದಾರೆ ಅನ್ನುವ ಅನುಮಾನ ಹೆಚ್ಚಾಗಿ ಕಾಡುತ್ತಿದೆ. ಈ ವೇಳೆ ದಾಮಿನಿ ಬಳಿ ಬಂದ ಮೋನಿಕಾ ಮೊಬೈಲ್ ಫೋನ್ ಕೇಳುತ್ತಾಳೆ. ತಾಯಿಗೆ ಕರೆ ಮಾಡಬೇಕಿದೆ ಎಂದೆಲ್ಲ ಕೇಳಿದಾಗ ಮೊಬೈಲ್ ಕೊಡುತ್ತಾಳೆ ಆದರೆ ಆಕೆ ಕಾಲ್ ಮಾಡುವವರೆಗೆ ಕಾದು ಕುಳಿತು ಫೋನ್ ತೆಗೆದುಕೊಳ್ಳುತ್ತಾಳೆ.

ಧಾಮಿನಿ ಕೈಗೆ ಸಿಕ್ಕಿ ಬಿದ್ದ ಮೋನಿಕಾ

ಇನ್ನು ಧಾಮಿನಿ ಕರೆ ಬಂತೆಂದು ಸ್ವೀಕರಿಸಲು ಕರೆ ಕಟ್ ಆಗುತ್ತದೆ. ಕರೆ ಕಟ್ ಆಗಿ ಹೋಯಿತಲ್ಲ ಎಂದು ಪುನಃ ಕರೆ ಮಾಡಿದಾಗ ಅರುಂಧತಿ ತಡೆಯುತ್ತಾರೆ. ಮೋನಿಕಾ ಕರೆ ಮಾಡಿ ಇದ್ದರೆ ವಾಪಸ್ ಆಕೆ ಮಾಡಿಯೇ ಮಾಡುತ್ತಾಳೆ ಎಂದು ಹೇಳುತ್ತಾಳೆ. ಇನ್ನು ದಾಮಿನಿ ಮಾತ್ರ ಈ ನಂಬರ್‌ಗೆ ಕರೆ ಮಾಡಿದ್ದನ್ನು ಅಕ್ಕನ ಬಳಿ ಹೇಳುತ್ತೇನೆ ಎಂದು ಓಡಿ ಹೋಗುತ್ತಾಳೆ. ದಾಮಿನಿಯನ್ನೂ ಹಿಂಬಾಲಿಸಿದ ಮೋನಿಕಾಗೆ ಪ್ರೀತಮ್ ಸಿಗುತ್ತಾನೆ. ಆಕೆ ಆತನ ಬಳಿ.ಎಲ್ಲಾ ವಿಚಾರ ಹೇಳುತ್ತಾಳೆ ಇದನ್ನು ಕೇಳಿ ಪ್ರೀತಮ್‌ಗೆ ಶಾಕ್ ಆಗುತ್ತದೆ. ಇನ್ನು ಎಲ್ಲರ ಮುಂದೆ ಅಖಿಲಾ, ಮೋನಿಕಾ ಯಾರು ಎಂಬ ಪ್ರಶ್ನೆಯನ್ನು ಪಾರು ಮುಂದೆ ಇಟ್ಟಿದ್ದಾಳೆ. ಮುಂದೇನು ಕಾದು ನೋಡಬೇಕಿದೆ.