Puttakkana Makkalu Serial: ಗೋಪಾಲನ ಮನೆಗೆ ಹೊರಟ ಪುಟ್ಟಕ್ಕ

ಸಹನಾ ಮನೆಗೆ ಆಗಮಿಸಿದ ನೆಂಟರು

ಇದನ್ನು ಕೇಳಿಸಿಕೊಂಡ ಗಂಡಿನ ಕಡೆಯವರು ಹೇಳುತ್ತಾರೆ ಅಭ್ಯಂತರ ಇದ್ದರೇ ನಾವು ಬರುತ್ತಿರಲಿಲ್ಲ. ಈಗ ನಮಗೆ ಈ ಸಂಬಂಧ ಪೂರ್ತಿ ಒಪ್ಪಿಗೆ ಇದೆ ಎನ್ನುತ್ತಾರೆ. ಬಳಿಕ ಮೇಷ್ಟ್ರ ತಾಯಿ ಮೇಷ್ಟ್ರನ್ನು ನೋಡಿ ಏನೋ ಮುರಳಿ ನಿನಗೆ ಈಗ ಸಮಾಧಾನ ಅಲ್ವಾ ಎಂದಾಗ ಮುರಳಿ ನಗುತ್ತಾ ನಾಚಿ ನೀರಾಗುತ್ತಾನೆ. ಇನ್ನು ಮುರಳಿ ತಾಯಿಗೆ ಸಹನಾ ಕಂಡರೆ ಅಷ್ಟಕಷ್ಟೆ ಮುರಳಿ ಮೇಷ್ಟ್ರು ಆಕೆಯನ್ನು ಇಷ್ಟ ಪಟ್ಟರು ಎನ್ನುವ ಕಾರಣಕ್ಕೆ ಮಾತ್ರ ಆಕೆ ಒಪ್ಪಿಗೆ ನೀಡಿದ್ದಾರೆ. ಇನ್ನು ಸಹನಾಳನ್ನು ಕರೆದುಕೊಂಡು ಬರುತ್ತಾರೆ.

ರಂಗೇರಿದ ಮುರಳಿ ಮುಖ

ಇನ್ನು ಸಹನಳನ್ನು ನೋಡಿದ ಮೇಷ್ಟ್ರ ಬಾವ ಮಾತ್ರ ಜೊಲ್ಲು ಸುರಿಸುತ್ತಾ ಇರುತ್ತಾನೆ. ಸಹನಾ ಮುಡಿಗೆ ಮೇಷ್ಟ್ರ ತಾಯಿ ಹೂ ಮುಡಿಸುತ್ತಾರೆ. ಇನ್ನು ಮೇಷ್ಟ್ರ ಮನೆಯವರು ಮನೆಗೆ ಹೋಗುವ ವೇಳೆ ಕೌಸಲ್ಯ ಪುಟ್ಟಕ್ಕ ಬಳಿ ಪುಟ್ಟಕ್ಕ ಅವರೇ ಈಗ ಹೂ ಮೂಡಿಸುವ ಕಾರ್ಯಕ್ರಮಕ್ಕೆ ಹುಡುಗಿ ತಂದೆ ಬರಬೇಕುಂತ ಇಲ್ಲ ಆದರೆ ನಿಶ್ಚಿತಾರ್ಥ ಮದುವೆಗೆ ಬರಬೇಕು ಎಂದು ಹೇಳಿ ಹೊರಟು ಹೋಗುತ್ತಾರೆ. ಇದನ್ನು ಕೇಳಿ ಸ್ನೇಹಾಗೆ ಕೋಪ ಉಕ್ಕಿ ಬರುತ್ತದೆ. ಪುಟ್ಟಕ್ಕ ಬಳಿ ಅದೆಷ್ಟು ಹೇಳಿದರು ಆಕೆ ಮಾತ್ರ ನಾನು ಹೋಗಿ ಗಂಡನ ಬಳಿ ಮಾತನಾಡಿಕೊಂಡು ಬರುತ್ತೇನೆ ಎಂದು ಹೇಳಿ ಹೋಗಲು ರೆಡಿ ಆದಾಗ ಸ್ನೇಹಾ ಕೋಪ ಸಹನಾ ಮೇಲೆ ತಿರುಗುತ್ತದೆ..

ಸಹನಳನ್ನು ತರಾಟೆಗೆ ತೆಗೆದುಕೊಂಡ ಸ್ನೇಹಾ

ನಿನಗೆ ಮದುವೆ ಒಂದು ಆದರೆ ಸಾಕಾ ಅಮ್ಮನಿಗೆ ಅವಮಾನ ಆದರೂ ಪರವಾಗಿ ಇಲ್ವಾ ಎಂದಾಗ ಪುಟ್ಟಕ್ಕ ಕೋಪದಿಂದ ಸ್ನೇಹ ಎಂದು ಜೋರಾಗಿ ಕರೆದು ಹೇಳುತ್ತಾರೆ. ನೀನು ಹಾಗೆಲ್ಲ ಮಾತನಾಡಿದರೆ ನಾನು ಸುಮ್ಮನೆ ಇರುವುದು ಇಲ್ಲ ನಡೀ ಒಳಗೆ ಎಂದು ಕೋಪದಿಂದ ಹೇಳುತ್ತಾರೆ. ಬಳಿಕ ಪುಟ್ಟಕ್ಕ ನಾನೇ ಹೋಗಿ ನನ್ನ ಗಂಡನನ್ನು, ರಾಜೇಶ್ವರಿಯನ್ನೂ ಒಪ್ಪಿಸುತ್ತೇನೆ ಎಂದು ಹೇಳುತ್ತಾರೆ. ಇನ್ನು ಸ್ನೇಹಾ ಕೋಪ ತಣಿದ ಬಳಿಕ ಸಹನಾ ಮಾತನಾಡುತ್ತಾ ಇರುತ್ತಾಳೆ.. ಅಮ್ಮನಿಗೆ ನಾನು ಏನೇ ಹೇಳಿದರೂ ಕೇಳುವುದು ಇಲ್ಲ. ಅದಕ್ಕೆ ನಾನು ಹೇಳಲಿಲ್ಲ. ನನಗೂ ಅಮ್ಮ ಅವರ ಮನೆ ಮುಂದೆ ಹೋಗಿ ಬೇಡುವುದು ಇಷ್ಟ ಇಲ್ಲ ಎಂದು ಹೇಳಿ ಬೇಸರ ಪಟ್ಟುಕೊಳ್ಳುತ್ತಾಳೆ. ಇದನ್ನು ನೋಡಿದ ಸ್ನೇಹಾ ನಾನು ನಿನ್ನ ಮೇಲೆ ರೇಗಿ ಬಿಟ್ಟೆ ನನ್ನ ಕ್ಷಮಿಸು ಎಂದು ಹೇಳುತ್ತಾಳೆ.

ಅಕ್ಕನ ಬಳಿ ಕ್ಷಮೆ ಕೇಳಿದ ಸ್ನೇಹಾ

ಇನ್ನು ಗೋಪಾಲನ ಮನೆಗೆ ಪುಟ್ಟಕ್ಕ ಹೊರಟೆ ಬಿಡುತ್ತಾಳೆ. ಆದರೆ ಸ್ನೇಹಾಗೆ ಪುಟ್ಟಕ್ಕನನ್ನು ಒಬ್ಬಳೇ ಕಳುಹಿಸಲು ಮನಸಿಲ್ಲದೆ ಸುಮಾಳನ್ನು ಕಳುಹಿಸುತ್ತಾಳೆ. ಸುಮಾ ಅಮ್ಮನ ಜೊತೆ ಹೋಗು ಅಲ್ಲಿ ಏನು ನಡೆಯುತ್ತದೆ ಎಂಬುವುದನ್ನು ತಿಳಿದುಕೊಂಡು ಬಾ ಎಂದು ಹೇಳಿ ಕಳುಹಿಸುತ್ತಾಳೆ. ಇತ್ತ ರಾಜೀ ಬಳಿ ಕೌಸಲ್ಯ ಎಲ್ಲಾ ವಿಚಾರವನ್ನು ಹೇಳುತ್ತಾಳೆ. ದಯಮಾಡಿ ಈ ಮದುವೆ ತಡೆಯಿರಿ ಎಂದು ಹೇಳಿ ಅಲ್ಲಿಂದ ಹೋಗುತ್ತಾಳೆ