ಮಗಳ ಮದುವೆ ಸಲುವಾಗಿ ರಾಜಿ ಕಾಲಿಗೆ ಬೀಳುತ್ತಾಳ ಪುಟ್ಟಕ್ಕ?

ರಾಜಿ ಮಾತಿಗೆ ಬೆಚ್ಚಿಬಿದ್ದ ಪುಟ್ಟಕ್ಕ

ಬಳಿಕ ಮಾತು ಮುಂದುವರಿಸಿದ ರಾಜಿ ನಿನ್ನ ಎರಡನೇ ಮಗಳು ಬೇರೆ ಎಲ್ಲದಕ್ಕೂ ಮುಂದೆ ಬರುತ್ತಾಳೆ ಈಗ ಎಲ್ಲಿ ಹೋಗಿ ಬಿಟ್ಟಳು ಅಕ್ಕನ ಮದುವೆಗಿಂತ ಬೇರೆ ಎನು ವಿಚಾರ ಇದೆ ಅವಳಿಗೆ ಎನ್ನುತ್ತಾಳೆ. ಮುಂದುವರಿದು ಸರಿ ನಾನು ನನ್ನ ಗಂಡನನ್ನು ಕನ್ಯಾದಾನ ಮಾಡಲು ಕೆಳುಹಿಸಿಕೊಡುತ್ತೇನೆ ಎಂದಾಗ ಪುಟ್ಟಕ್ಕನ ಮೊಗದಲ್ಲಿ ಮಂದಹಾಸ ಮೂಡುತ್ತದೆ. ಖುಷಿಯಲ್ಲಿ ಇರುವಾಗ ರಾಜಿ ಪುಟ್ಟಕ್ಕನ ಭುಜ ತಟ್ಟುತ್ತಾಳೆ. ಆದರೆ ಎರಡನೆಯವಳು ಇಲ್ಲಿ ಈಗ ಬರಬೇಕು ಎಂದು ಹೇಳಿದಾಗ ಪುಟ್ಟಕ್ಕನಿಗೆ ಏನು ಹೇಳಬೇಕೆಂದು ತಿಳಿಯಲೇ ಇಲ್ಲ. ಬಳಿಕ ರಾಜಿ ಮೊದಲನೆಯವಳು ಬರಬೇಕು ಹಾಗೆಯೇ ಎರಡನೆಯವಳು ಬರಬೇಕು ಎಂದಾಗ ಸುಮಾ ಈಗಲೇ ಕರೆಯುತ್ತೇನೆ ಎನ್ನತ್ತಾಳೆ. ಆದರೆ ಪುಟ್ಟಕ್ಕ ಬೇಡ ಎಂದು ತಡೆಯುತ್ತಾಳೆ.

ಸ್ನೇಹಾಳನ್ನು ಕರೆದ ಸುಮಾ

ಮೊದಲಿಗೆ ಬೇಡ ಎಂದ ಪುಟ್ಟಕ್ಕ ನಂತರ ಸ್ನೇಹಾ ಸಹನಾಳನ್ನು ಬರ ಹೇಳಲು ಹೇಳುತ್ತಾಳೆ. ಸ್ನೇಹಾ ಅಕ್ಕನ ಬಳಿ ನಡೆದ ವಿಚಾರವನ್ನು ವಿವರಿಸಿ ಹೇಳಿ ಕರೆಯುತ್ತಾಳೆ. ಸುಮಾ ಕರೆದ ಐದು ನಿಮಿಷಕ್ಕೆ ಸ್ನೇಹಾ ಸಹನಾ ಬರುತ್ತಾರೆ. ಸ್ನೇಹಾ ಬರುವುದನ್ನು ನೋಡಿದ ಗೋಪಾಲನಿಗೆ ಭಯ ಆಗುತ್ತದೆ. ಪುಟ್ಟಕ್ಕ ಸ್ನೇಹಾ ಬಳಿ ಬಂದು ಐದು ನಿಮಿಷ ಸುಮ್ಮನೆ ಇರುವಂತೆ ಹೇಳುತ್ತಾರೆ. ಇದನ್ನು ಕೇಳಿದ ಸ್ನೇಹಾ ಸುಮ್ಮನೆ ಆಗುತ್ತಾರೆ.

ಕಾಲ ಮೇಲೆ ಕಾಲು ಹಾಕಿ ಕುಳಿತ ರಾಜಿ

ಇನ್ನು ರಾಜಿ ಅವರನ್ನು ಆಕೆಯ ಮನೆಯ ಒಳಗೆ ಕರೆದು ಕಾಲಿನ ಮೇಲೆ ಕಾಲು ಹಾಕಿ ಕುಳಿತುಕೊಳ್ಳುತ್ತಾಳೆ. ಇದನ್ನು ನೋಡಿದ ಪುಟ್ಟಕ್ಕ ಸುಮ್ಮನೆ ಆಗುತ್ತಾಳೆ. ಪುಟ್ಟಕ್ಕ ರಾಜೀ ಮನೆಯ ಹೊಸಿಲ ತುಳಿದು ಬರಲು ಆಗದೆ ಸುಮ್ಮನೆ ಇರುತ್ತಾಳೆ. ಇದನ್ನು ನೋಡಿದ ರಾಜಿ ಮನೆಗೆ ಬರುವಂತೆ ಜೋರಾಗಿ ಹೇಳುತ್ತಾಳೆ.. ಜಗಲಿಯಲ್ಲಿ ಸಾಲಾಗಿ ನಿಂತುಕೊಂಡು ಬಳಿಕ ರಾಜಿ ನನ್ನ ಗಂಡನನ್ನು ಕಳುಹಿಸುತ್ತೇನೆ ಆದರೆ ಮಾಡಿದ ತಪ್ಪನ್ನು ಒಪ್ಪಿಕೊಂಡು ಕಾಲಿಗೆ ಬಿದ್ದು ಕ್ಷಮೆ ಕೇಳಬೇಕು ಎಂದು ಹೇಳುತ್ತಾಳೆ. ಇದನ್ನು ಕೇಳಿದ ಸ್ನೇಹಾಗೆ ಕೋಪ ಬಂದರೂ ಸುಮ್ಮನೆ ಇರುತ್ತಾಳೆ. ಇನ್ನು ಪುಟ್ಟಕ್ಕ ಮಾತ್ರ ಏನು ಮಾಡುವುದು ರಾಜೀ ಕಾಲಿಗೆ ಬೀಳದೇ ಇದ್ದರೆ ಬೇರೆ ವಿಧಿ ಇಲ್ಲ ಎಂದು ಯೋಚಿಸುತ್ತಾ ರಾಜಿಯ ಕಾಲಿಗೆ ಬೀಳಲು ಮುಂದಾಗುತ್ತಾಳೆ.