Puttakkana Makkalu: ಸಹನಾ - ಮುರಳಿ ನಿಶ್ಚಿತಾರ್ಥಕ್ಕೆ ಪುಟ್ಟಕ್ಕನ ಮನೆಯಲ್ಲಿ ತಯಾರಿ?

ವಸುವನ್ನು ಮನೆಗೆ ಕರೆದ ಪುಟ್ಟಕ್ಕ

ಯಾಕೆ ಸಹನಾ ಹೀಗೆಲ್ಲ ಆಡುತ್ತಾ ಇದ್ದೀಯಾ ಎಂದು ಪುಟ್ಟಕ್ಕ ಹೇಳುತ್ತಾರೆ. ಬಳಿಕ ಪುಟ್ಟಕ್ಕ ವಸುವನ್ನು ಮನೆಯ ಒಳಗೆ ಕರೆದುಕೊಂಡು ಹೋಗಿ ಕ್ಷೇಮ ಸಮಾಚಾರ ವಿಚಾರ ಮಾಡುತ್ತಾರೆ. ಈ ವೇಳೆ ಕಂಠಿ ಹಾಗೂ ಸಿದ್ದೇಶ್ ಮಾತ್ರ ಪಕ್ಕದಲ್ಲಿ ನಿಂತಿರುತ್ತಾರೆ. ಬಳಿಕ ಪುಟ್ಟಕ್ಕನ ಮಕ್ಕಳು ಎಲ್ಲರೂ ಕೆಲಸ ಮಾಡಲು ಹೋಗುತ್ತಾರೆ. ಈ ವೇಳೆ ವಸು ಕೂಡ ಹಠ ಮಾಡುತ್ತಾ ನಿಮ್ಮ ಜೊತೆ ಬರುತ್ತೇನೆ ನನಗೂ ಕೆಲಸ ಹೇಳಿಕೊಡಿ ಎಂದು ಹೇಳುತ್ತ ಇರುತ್ತಾಳೆ. ಇದನ್ನು ನೋಡಿದ ಪುಟ್ಟಕ್ಕ ಬೇಡಮ್ಮ ಬೇಡ, ಸುಮ್ಮನೆ ನೀವು ಕುಳಿತುಕೊಳ್ಳಿ ಎಂದು ಹೇಳಿದಾಗ ವಸು ನಾನು ಕುಳಿತುಕೊಳ್ಳುವುದು ಆದರೆ ನಮ್ಮ ಮನೆಯಲ್ಲಿ ಕುಳಿತುಕೊಳ್ಳುತ್ತಾ ಇದ್ದೆ ಆದರೆ ನಿಮ್ಮ ಮನೆಗೆ ಬರುತ್ತಾ ಇರಲಿಲ್ಲ ಎನ್ನುತ್ತಾಳೆ. ಇದನ್ನು ಕೇಳಿದ ಸ್ನೇಹಾ ಸರಿ ಹಾಗಾದರೆ ಕೆಲಸ ಮಾಡೋಣ ಎಂದು ಹೇಳುತ್ತಾಳೆ. ಸುಮಾ ಮಾತ್ರ ಸ್ನೇಹಾ ಹಾಗೂ ಕಂಠಿ ರೂಮ್ ನಲ್ಲಿ ಕಸ ಹೊಡೆಯುತ್ತಾ ಇರುತ್ತಾರೆ. ಈ ವೇಳೆ ಸ್ನೇಹಾ ಮುಖಕ್ಕೆ ಪಟ್ಟಿ ಕಟ್ಟಿಕೊಂಡು ಇದ್ದರೂ ಕೆಮ್ಮುತ್ತ ಇರುತ್ತಾಳೆ.

ಮುಖಕ್ಕೆ ಬಟ್ಟೆ ಕಟ್ಟಿ ಧೂಳು ಹೊಡೆದ ಕಂಠಿ

ಹಾಗೆಯೇ ಕಂಠಿ ಕೂಡ ಧೂಳಿನ ಏಟಿಗೆ ಸಹಿಸಲು ಆಗದೇ ಕೆಮ್ಮುತ್ತಾ ಇರುತ್ತಾನೆ. ಈ ವೇಳೆ ಸ್ನೇಹಾ ಆತನಿಗೆ ಒಂದು ಶಾಲ್ ಕೊಟ್ಟು ಅದನ್ನು ಹಾಕಿಕೊಳ್ಳುವಂತೆ ಹೇಳುತ್ತಾಳೆ. ಈ ವೇಳೆ ಕಂಠಿ ಮಾತ್ರ ಆ ಶಾಲ್ ಅನ್ನೆ ನೋಡುತ್ತಾ ಇರುತ್ತಾನೆ. ಸ್ನೇಹಾ ಮಾತ್ರ ಇದರಲ್ಲಿ ಮುಕ್ಕಾಲು ಭಾಗ ಸುಮನದ್ದೆ ಎಂದು ಹೇಳಿದಾಗ ಶ್ರೀಗೆ ಕೆಮ್ಮು ಜೋರಾಗುತ್ತದೆ.

ಖುರ್ಚಿ ಮೇಲಿಂದ ಬಿದ್ದ ಸ್ನೇಹಾ

ಈ ವೇಳೆ ಸ್ನೇಹಾ ಖುರ್ಚಿ ಮೇಲಿನಿಂದ ಬೀಳುತ್ತಾಳೆ .ಸ್ನೇಹಾಳನ್ನು ಕಂಠಿ ಹಿಡಿದುಕೊಳ್ಳುತ್ತಾನೆ. ಇದನ್ನು ನೋಡಿದ ಕಂಠಿ ಮಾತ್ರ ಸ್ನೇಹಳನ್ನೆ ನೋಡಿದಾಗ ಕಂಠಿ ನೋಟ ನೋಡಿ ಸ್ನೇಹಾ ನಾಚಿ ನೀರಾಗಿದ್ದಳು. ಸ್ನೇಹಾ ಮೆತ್ತಗೆ ಕಂಠಿ ಕೈಯಿಂದ ಬಿಡಿಸಿಕೊಂಡು ಕ್ಲೀನ್ ಮಾಡಲು ಶುರು ಮಾಡುತ್ತಾಳೆ. ಈ ವೇಳೆ ಕಂಠಿಗೆ ಒಂದು ಮಗು ಫೋಟೋ ಸಿಗುತ್ತದೆ. ಸ್ನೇಹಾ ಬಳಿ ಇದು ಯಾರು ಎಂದು ಕೇಳಿದರೂ ಆಕೆ ಮಾತ್ರ ಯಾರು ಎಂದು ಹೇಳಲೇ ಇಲ್ಲ. ಆ ವೇಳೆ ಅಲ್ಲಿಗೆ ಸುಮಾ ಬಂದು ಎಲ್ಲಾ ವಿಚಾರ ಹೇಳುತ್ತಾಳೆ. ಇದನ್ನು ಕೇಳಿ ಸ್ನೇಹಾ ಮುಖ ಕೆಂಪಗೆ ಆಗುತ್ತದೆ. ಇನ್ನು ಸುಮಾ ಮಾತ್ರ ಚೇಷ್ಟೆ ಮಾಡುತ್ತಾ ಇರುತ್ತಾಳೆ. ಸುಮಾ ಸಹನಾ ಕಬೋರ್ಡ್ ನಿಂದ ಮೇಷ್ಟ್ರು ಕೊಟ್ಟ ವಾಚ್ ತೆಗೆದುಕೊಂಡು ಎಸೆಯಲು ಹೋಗುತ್ತಾಳೆ. ಈ ವೇಳೆ ಕೋಪಗೊಂಡ ಸಹನಾ ಸುಮಾಗೆ ಬಯ್ಯುತ್ತಾಳೆ. ಸ್ನೇಹಾ ಹಾಗೂ ಕಂಠಿ ಮನೆಯಲ್ಲಿ ಗಲಾಟೆ ಕೇಳಿ ಬರುತ್ತಾರೆ. ಸುಮಾ ಚೇಷ್ಟೆ ಮಾಡುತ್ತಾ ಇರುವುದನ್ನು ನೋಡಿ ನಗುತ್ತಾರೆ. ಆ ವೇಳೆ ಮುರಳಿ ಮೇಷ್ಟ್ರು ಕೂಡ ಬರುತ್ತಾ. ಇದನ್ನು ನೋಡಿದ ಸಹನಾ ನಾಚಿ ನೀರಾಗುತ್ತ ಇರುತ್ತಾಳೆ..ಮುಂದೇನು ಕಾದು ನೋಡಬೇಕಿದೆ..