ಕೌಸಲ್ಯ ,ರಾಜಿ ಕುತಂತ್ರದಿಂದ ನಿಶ್ಚಿತಾರ್ಥ ಮುರಿದು ಬೀಳುತ್ತಾ?

ಉಂಗುರದ ಬಗ್ಗೆ ಕೊಂಕು ಮಾತು ಹೇಳಿದ ಕೌಸಲ್ಯ

ಏನು ಮೇಷ್ಟ್ರೇ ನಿಶ್ಚಿತಾರ್ಥದ ಸಮಯದಲ್ಲಿ ಎನು ಯೋಚನೆ ಮಾಡುತ್ತಾ ಇದ್ದೀರಾ, ನಗುನಗುತ್ತಾ ಇರಬಾರದ ಎಂದು ಕಂಠಿ ಹೇಳುತ್ತಾನೆ. ಇದನ್ನು ಕೇಳಿದ ಮೇಷ್ಟ್ರು ಕೊಂಚ ನಗುತ್ತಾರೆ. ಪೂಜಾರಿ ಉಂಗುರ ತೆಗೆದುಕೊಂಡು ಬನ್ನಿ ಪೂಜೆಗೆ ಇಡಬೇಕು ಎಂದು ಹೇಳಿದಾಗ ಪುಟ್ಟಕ್ಕ ತರುತ್ತೇನೆ ಎಂದು ಒಳಗೆ ಹೋಗುತ್ತಾಳೆ.. ಈ ವೇಳೆ ಕೌಸಲ್ಯ ಪುಟ್ಟಕ್ಕನ ಹಿಂದೆ ಹೋಗುತ್ತಾಳೆ. ಬಳಿಕ ದೇವರ ಮನೆಯಿಂದ ಉಂಗುರ ತೆಗೆದುಕೊಳ್ಳುವುದಕ್ಕೂ ಮೊದಲೇ ಕೌಸಲ್ಯ ಬರುತ್ತಾಳೆ .

ಅಮ್ಮನ ನಡವಳಿಕೆ ಕಂಡು ಮುರಳಿ ಬೇಸರ

ಬಳಿಕ ಮುರಳಿಗೆ ತಂದಿರುವ ಉಂಗುರ ಹೇಗಿದೆ ಎಂದು ನೋಡುತ್ತಾಳೆ. ಇದನ್ನು ನೋಡಿದ ಕೌಸಲ್ಯ ಈ ಉಂಗುರ ಎಷ್ಟು ಗ್ರಾಂನದ್ದು ತೂಕವೇ ಇಲ್ಲ ಎಂದಾಗ ಭಯ ಪಟ್ಟುಕೊಂಡು ಪುಟ್ಟಕ್ಕ ಯಾಕಮ್ಮ ಉಂಗುರ ಇಷ್ಟ ಆಗಿಲ್ವ ಆಗಿಲ್ಲ ಎಂದರೆ ಬದಲಾಯಿಸಿಕೊಳ್ಳುವ ಎಂದು ಹೇಳುತ್ತಾಳೆ. ಇದನ್ನು ಕೇಳಿದ ಕೌಸಲ್ಯ ನಿಮ್ಮ ಮೇಲೆ ನಂಬಿಕೆ ಇತ್ತು ಚೆನ್ನಾಗಿದ್ದು ತೆಗೆದುಕೊಳ್ಳುತ್ತೀರಾ ಎಂದು ಅಂದುಕೊಂಡರೆ ನೀವು ಹೀಗಾ ಮಾಡುವುದು ಎಂದು ಹೇಳುತ್ತಾಳೆ. ಇಷ್ಟು ಮಾತನಾಡುವ ವೇಳೆ ಅಲ್ಲಿಗೆ ಎಲ್ಲರೂ ಬರುತ್ತಾರೆ. ಬಳಿಕ ಉಂಗುರದ ವಿಚಾರ ಕೌಸಲ್ಯ ತಕರಾರು ಎತ್ತುತ್ತ ಇದ್ದಾರೆ ಎಂದು ತಿಳಿದು ಮುರಳಿ ಮೇಷ್ಟ್ರು ಉಂಗುರ ನೋಡಿ ಉಂಗುರ ಚೆನ್ನಾಗಿ ಇದೆಯಲ್ಲ ಎಂದಾಗ ಕೌಸಲ್ಯ ತೂಕ ಇಲ್ಲ ಅಂತ ನಾನು ಹೇಳುತ್ತಿರುವುದು ಎಂದು ಹೇಳುತ್ತಾಳೆ.

ವಸು ಮಾತಿಗೆ ಹೆದರಿದ ಮೇಷ್ಟ್ರ ತಂದೆ

ಕಂಠಿ ಬಳಿಕ ವಸು ಮಾತನಾಡುತ್ತಾಳೆ. ಉಂಗುರ ಇಷ್ಟವಿಲ್ಲ ಎಂದಾದರೆ ಯಾಕೆ ಈ ಮಾತುಕತೆ, ಉಂಗುರ ಬದಲಾಯಿಸಿದರೆ ಆಯಿತು ಅದಕ್ಕೆ ಇಷ್ಟೆಲ್ಲ ರಂಪಾಟ ಬೇಕಾ ಎಂದು ಹೇಳುತ್ತಾಳೆ. ಇದನ್ನು ಕೇಳಿಸಿಕೊಂಡ ಮೇಷ್ಟ್ರ ತಂದೆ ಮೆತ್ತಗೆ ಎದ್ದು ಬಂದು ಹೆಂಡತಿಗೆ ಬುದ್ದಿ ಹೇಳುತ್ತಾನೆ. ಅವರೆಲ್ಲರೂ ಹಾಲ್‌ಗೆ ತೆರಳಿದ ಬಳಿಕ ಪುಟ್ಟಕ್ಕನ ಬಳಿ ಕೌಸಲ್ಯ ನಾವೇ ಉಂಗುರ ಬದಲಾವಣೆ ಮಾಡಿಕೊಳ್ಳುತ್ತೇವೆ, ಕೇಳಿದಷ್ಟು ಹಣ ಕೊಟ್ಟರೆ ಸಾಕು, ನಿಮ್ಮ ಗಂಡ ಬರುತ್ತಾರೆ ಅಲ್ವಾ ಎಂದು ಅಲ್ಲಿಂದ ಹೋಗುತ್ತಾಳೆ. ಆದರೆ ಪುಟ್ಟಕ್ಕ ಮಾತು ಬಾರದ ಮೂಗಿ ತರ ಇರುತ್ತಾಳೆ. ಇನ್ನು ರಾಜೀ ಗಂಡನ ಬಳಿ ಒಂದು ಎರಡು ಎಂದು ಎಣಿಸಲು ಹೇಳುತ್ತಾಳೆ. ಪುಟ್ಟಕ್ಕ ತನ್ನ ಗಂಡ ಬರುತ್ತಾನ ಇಲ್ಲವೋ ಎಂಬುವುದನ್ನು ತಿಳಿದುಕೊಳ್ಳಲು ಕರೆ ಮಾಡುತ್ತಾ ಇರುತ್ತಾಳೆ. ಆದರೆ ರಾಜೀ ಮಾತ್ರ ನಗುತ್ತಾ ಪುಟ್ಟಕ್ಕನ ಕರೆ ರಿಸೀವ್ ಮಾಡದೇ ಸುಮ್ಮನೆ ಇರುತ್ತಾಳೆ. ಇದನ್ನು ನೋಡಿದ ಆಕೆಯ ಗಂಡನಿಗೆ ಬಹಳ ಬೇಸರ ಆಗುತ್ತದೆ. ಮುಂದೇನು ಕಾದು ನೋಡಬೇಕಿದೆ ..