ಪುಟ್ಟಕ್ಕನಿಗೆ ಅವಮಾನ ಮಾಡಿದ ಮೇಷ್ಟ್ರ ತಂದೆ, ತಪ್ಪು ಮಾಡಿದವರಿಗೆ ಶಿಕ್ಷೆ ನೀಡ್ತಾಳ ಸಹನಾ?

ಹೀನಾ-ಮಾನ ಹೀಗಳೆದ ಮೇಷ್ಟ್ರ ತಂದೆ-ತಾಯಿ

ಬಳಿಕ ಪುಟ್ಟಕ್ಕನ ಕಣ್ಣಲ್ಲಿ ನೀರು ತುಂಬಿಕೊಳ್ಳುತ್ತದೆ. ಇಂತಹ ಅವಮಾನದ ಮಾತುಗಳನ್ನು ಇಷ್ಟು ದಿನ ಕೇಳದ ಪುಟ್ಟಕ್ಕನಿಗೆ ಈ ರೀತಿಯ ಮಾತುಗಳನ್ನು ಕೇಳುವುದು ಬಹಳ ಕಷ್ಟ ಆಗುತ್ತದೆ. ಮನಸ್ಸಿಗೆ ನೋವು ಆಗುತ್ತದೆ ಕೊನೆಗೆ ಮೇಷ್ಟ್ರ ತಾಯಿ, ನಿಮ್ಮ ಗಂಡನ ಜೊತೆ ಬಂದಿದ್ದರೆ ಮನೆಯ ಒಳಗೆ ಸೇರಿಸುತ್ತಾ ಇದ್ದೆ ಆದರೆ ನಿಮ್ಮನ್ನು ಸೇರಿಸಲು ಆಗುವುದಿಲ್ಲ. ನಮ್ಮ ಕಡೆ ಗಂಡ ಬಿಟ್ಟು ಹೋಗಿ ತಾಳಿ ಹಾಕಿಕೊಂಡು ಇರುವವರನ್ನು ಹತ್ತಿರ ಸೇರಿಸುವುದು ಇಲ್ಲ ಎಂದು ಹೇಳಿದಾಗ ಪುಟ್ಟಕ್ಕ ಅಳುತ್ತಾಳೆ. ಬಳಿಕ ಈ ಮದುವೆ ನಮಗೂ ನಿಮಗೂ ಸರಿ ಬರುವುದು ಇಲ್ಲ. ಈ ಮದುವೆ ನಡೆಯಲು ಸಾಧ್ಯ ಇಲ್ಲ ಎಂದು ಖಡಕ್ ಆಗಿ ಹೇಳುತ್ತಾರೆ.

ಅಳುತ್ತಾ ಮನೆಗೆ ಮರಳಿದ ಪುಟ್ಟಕ್ಕ

ಇದನ್ನು ಕೇಳಿದ ಪುಟ್ಟಕ್ಕ, ಇಬ್ಬರು ಮಕ್ಕಳು ಪ್ರೀತಿ ಮಾಡಿದ್ದಾರೆ ದಯಮಾಡಿ ಅವರಿಬ್ಬರನ್ನು ಒಂದು ಮಾಡೋಣ ಎಂದು ಕೇಳಿದರು ಅವರು ಅದನ್ನು ಗಣನೆಗೆ ತೆಗೆದುಕೊಳ್ಳದೇ ಮನೆಯ ಬಾಗಿಲು ಮುಚ್ಚಿ ಬಿಡುತ್ತಾರೆ. ಇದನ್ನು ನೋಡಿದ ಪುಟ್ಟಕ್ಕನಿಗೆ ಬಹಳ ಬೇಸರ ಆಗುತ್ತದೆ. ಇನ್ನು ರಾಜೀಗೆ ಮಂಜುಳಾ ಕರೆ ಮಾಡಿ ಪುಟ್ಟಕ್ಕ ಮೇಷ್ಟ್ರ ಮನೆಗೆ ಹೋದ ವಿಚಾರ ತಿಳಿಸುತ್ತಾಳೆ. ಕೊನೆಗೆ ಅಲ್ಲಿ ಏನು ನಡೆಯಿತು ಅದನ್ನೆಲ್ಲ ವಿವರವಾಗಿ ರಾಜಿ ತಲೆಗೆ ತುಂಬುತ್ತಾಳೆ. ಇದನ್ನು ಕೇಳಿದ ರಾಜಿ ಬಹಳ ಖುಷಿ ಪಡುತ್ತಾಳೆ.

ಪುಟ್ಟಕ್ಕನ ನೋವು ಕಂಡು ಖುಷಿ ಪಡುತ್ತುರುವ ರಾಜಿ

ಈ ಖುಷಿ ವಿಚಾರ ಹೇಳಲು ಗೋಪಾಲ ಹಾಗೂ ಕಾಳಿಯನ್ನು ಕರೆದು ಹೇಳುತ್ತಾಳೆ. ನಾವು ಮಾಡಿದ ಪ್ಲಾನ್ ಸಕ್ಸಸ್ ಆಗಿದೆ ಬಹಳ ಖುಷಿ ಆಯಿತು ನನಗೆ ಎಂದು ಹೇಳುತ್ತಾಳೆ. ನನ್ನನ್ನು ಆ ಪುಟ್ಟಕ್ಕ ಬಹಳ ಅವಮಾನ ಮಾಡಿದ್ದಾಳೆ ಹಾಗೆಯೇ ಅವಳಿಗೂ ನಾನು ಅವಮಾನ ಮಾಡದೇ ಬಿಡುವುದಿಲ್ಲ ಎಂದು ಹೇಳುತ್ತಾ ಇವತ್ತು ಪುಟ್ಟಕ್ಕ ಬಹಳ ಬೇಸರದಲ್ಲಿ ಇರುತ್ತಾಳೆ ಈಗಲೆ ಅವಳ ಮನೆಯ ಬಳಿ ಹೋಗಿ ಆದ ಗಾಯಕ್ಕೆ ಖಾರ ಅರೆದು ಬರುತ್ತೇನೆ ಎಂದು ಹೇಳುತ್ತಾಳೆ. ಬಳಿಕ ಪುಟ್ಟಕ್ಕನ ಮನೆಗೆ ಹೋಗುತ್ತಾಳೆ ಇದನ್ನೆಲ್ಲ ನೋಡಿದ ಗೋಪಾಲನಿಗೆ ಕೊಂಚ ಬೇಸರ ಆಗುತ್ತದೆ.

ಗಾಯಗೊಂಡ ಚಂದ್ರುವನ್ನು ಮನೆಗೆ ಕರೆತಂದ ವಸು

ಇತ್ತ ವಸು, ಗಾಯಗೊಂಡ ಚಂದ್ರುವನ್ನು ಮನೆಗೆ ಕರೆದುಕೊಂಡು ಹೋಗುತ್ತಾಳೆ. ಚಂದ್ರುಗೆ ಅಪಘಾತ ಆಗಿ ಬಹಳ ರಕ್ತ ಹೋಗುತ್ತಿದ್ದ ಕಾರಣ ಆತನನ್ನು ತನ್ನ ಮನೆಗೆ ಕರೆದುಕೊಂಡು ಹೋಗುವ ಎಂದು ನಿರ್ಧಾರ ಮಾಡುತ್ತಾಳೆ. ಇನ್ನು ಕಂಠಿ ಮಾತ್ರ ವಸು ಡೈವರ್ಸ್ ಕೇಸ್ ಏನು ಆಗುತ್ತೋ ಎಂಬ ಭಯದಲ್ಲಿ ಇದ್ದಾನೆ. ಇದನ್ನು ನೋಡಿದ ಸ್ನೇಹಾ ಮಾತ್ರ ಏನಾಯಿತು ಶ್ರೀ ಎಂದೆಲ್ಲ ಹೇಳಿ ದೊರೆಯ ಬಗ್ಗೆ ಹೆಚ್ಚಾಗಿ ವಿಚಾರಣೆ ಮಾಡುತ್ತಾ ಇರುತ್ತಾಳೆ ಇದನ್ನು ಕೇಳಿದ ಶ್ರೀಗೂ ಕೊಂಚ ಕಿರಿಕಿರಿ ಆಗುತ್ತದೆ. ಮುಂದೇನು ಕಾದು ನೋಡಬೇಕಿದೆ.