ಗಣೇಶ ಹಬ್ಬ ಆಚರಿಸಲು ಪುಟ್ಟಕ್ಕನ ಮನೆಗೆ ಬಂದ ಕಂಠಿ!

ಗಣೇಶ ಹಬ್ಬಕ್ಕೆ ಭರದ ಸಿದ್ಧತೆ

ಇದನ್ನು ಕೇಳಿದ ಸ್ನೇಹಾಗೆ ಸಿಟ್ಟು ಬಂದು ಏನಯ್ಯ ನಿಮಗೆ ನಾನು ಗಂಡು ಮಗನ ಹಾಗೆ ಕಾಣಿಸುತ್ತಿಲ್ವಾ ಎಂದು ಹೇಳುತ್ತಾರೆ. ಇದಕ್ಕೆ ಸುಮ್ಮನಾಗಿ ಹೋಗುತ್ತಾನೆ. ಬಳಿಕ ಸುಮಾ, ಸಹನಾ ಅಕ್ಕ ರಂಗೋಲಿ ಹಾಕುವುದನ್ನು ನೋಡುತ್ತಾಳೆ ಬಳಿಕ ಸ್ನೇಹಾನ ಬಳಿ ಬಂದು, ನಾವಿಬ್ಬರೂ ಗಂಡು ಮಕ್ಕಳ ಹಾಗೆ ಸಹನಾ ಅಕ್ಕ ಮಾತ್ರ ಹೆಣ್ಣು ಮಗು ಇದ್ದಂತೆ ಎಂದು ಹೇಳುತ್ತಾಳೆ. ಇದನ್ನು ಕೇಳಿ ಸ್ನೇಹಾ ಹೇಳುತ್ತಾಳೆ ಆದರೆ ಅಪ್ಪ ಎನ್ನುವವನು ಗಂಡು ಮಗು ಇಲ್ಲ ಅಂತ ಬಿಟ್ಟು ಹೋದ ಅಲ್ವಾ ಎಂದೆಲ್ಲ ಹೇಳುತ್ತಾಳೆ.

ಚಪ್ಪರ ಹಾಕಲು ಸಹಾಯ ಮಾಡಿದ ಕಂಠಿ

ಇದನ್ನು ಕೇಳಿ ಸಹನಾ ಮೆಲ್ಲ ಹೇಳಿ ಅಮ್ಮನಿಗೆ ಗೊತ್ತಾದರೆ ಬೇಸರ ಮಾಡಿಕೊಳ್ಳುತ್ತಾರೆ ಎಂದೆಲ್ಲ ಹೇಳಿ ಸಹನಾಳನ್ನು ಸಮಾಧಾನ ಪಡಿಸುತ್ತಾರೆ. ಬಳಿಕ ಚಪ್ಪರ ಹಾಕಲು ಹೋದ ಸ್ನೇಹಾ ಎಡವುತ್ತಾಳೆ. ಸ್ನೇಹಾ ಬೀಳದಂತೆ ಕಂಠಿ ನೋಡಿಕೊಳ್ಳುತ್ತಾನೆ. ಈ ವೇಳೆ ಚಪ್ಪರ ಹಾಕಲು ಕಂಠಿಯು ಸೇರಿಕೊಳ್ಳುತ್ತಾನೆ. ಇದನ್ನು ನೋಡಿದ ಸ್ನೇಹಾ ಖುಷಿ ಪಡುತ್ತಾಳೆ. ಈ ವೇಳೆ ಸುಮಾ, ಸ್ನೇಹಾಳ ಕಾಲು ಎಳೆಯುತ್ತಾಳೆ. ಇದನ್ನು ಕೇಳಿದ ಸ್ನೇಹಾಗೆ ಕೋಪ ಉಕ್ಕಿ ಬರುತ್ತದೆ ಬಳಿಕ ಸುಮಾ ಮೆತ್ತಗೆ ಜೋಕ್ ಮಾಡಿ ನಗುತ್ತಾಳೆ.

ಬಂಗಾರಮ್ಮನಿಗೆ ವಿಡಿಯೋ ಕಾಲ್ ಮಾಡಿದ ಪೂರ್ವಿ

ಇದೀಗ ಗಣೇಶ ವಿಗ್ರಹ ತರಲು ಪುಟ್ಟಕ್ಕ ಹುಂಡಿಯನ್ನು ಕೊಡುತ್ತಾರೆ. ಮೆಸ್ ಗೆ ಬರುವವರು ಎಲ್ಲಾ ಇದಕ್ಕೆ ಕೊಂಚ ಪ್ರಮಾಣ ಆದರೂ ಹಾಕಿರುತ್ತಾರೆ ಈ ಹಣದಲ್ಲಿ ಗಣೇಶ ಹಬ್ಬ ಮಾಡೋಣ ಎಂಬುವುದು ಆವರ ಆಶಯ. ಇದಕ್ಕೆ ಕಂಠಿ ಯು ಹಣ ಹಾಕುತ್ತಾನೆ. ಇದನ್ನು ಕಂಡ ಪುಟ್ಟಕ್ಕ ಹಾಗೂ ಅವರ ಮಕ್ಕಳು ಇನ್ನೂ ಖುಷಿ ಪಡುತ್ತಾರೆ. ಇನ್ನೂ ಅಲ್ಲಿಗೆ ಬಂದ ಪೂರ್ವಿಯನ್ನು ನೋಡಿ ಕಂಠಿ ಕೊಂಚ ಶಾಕ್ ಆಗುತ್ತಾನೆ ಬಳಿಕ ಪೂರ್ವಿ, ಬಂಗಾರಮ್ಮಗೆ ವಿಡಿಯೋ ಕಾಲ್ ಮೂಲಕ ಮಾತನಾಡಿ ಕಂಠಿಯನ್ನು ಮಾತನಾಡುತ್ತಾನೆ.

ಕಂಠಿಯನ್ನು ಕಂಡು ಪೂರ್ವಿ ಸಿಡಿಮಿಡಿ

ಈ ವೇಳೆ ಬಂಗಾರಮ್ಮ ಕಂಠಿ ಬಳಿ ಕೇಳುತ್ತಾರೆ ಪುಟ್ಟಕ್ಕ ನ ಮೆಸ್ ಬಳಿ ಯಾಕೆ ಬಂದು ನಿಂತಿದ್ದಿಯಾ ಎಂದು ಕೇಳಿದ ವೇಳೆ ಪುಟ್ಟಕ್ಕಗೆ ಕೊಂಚ ಸಹಾಯ ಆಗುತ್ತದಲ್ವಾ ಎಂದು ಬಂದೆ ಎಂದು ಹೇಳುತ್ತಾರೆ. ಬಳಿಕ ಕರೆಯನ್ನು ಕಟ್ ಮಾಡುತ್ತಾನೆ. ಬಂಗಾರಮ್ಮಗೆ ಮುಂದೆ ಮಾತನಾಡಲು ಅವಕಾಶವೇ ಕೊಡುವುದಿಲ್ಲ. ಬಂಗಾರಮ್ಮ ಕೂಡ ಪುಟ್ಟಕ್ಕನ ಮನೆಗೆ ಹೊರಟು ನಿಂತಿದ್ದಾಳೆ. ಇದನ್ನು ಕಂಠಿ ಗೆ ಹೇಳಲು ವಸು ಕೂಡ ಒದ್ದಾಡುತ್ತಿದ್ದಾಳೆ. ಇತ್ತ ಕಂಠಿ ಪೂರ್ವಿ ಬಳಿ ಆದಷ್ಟು ಬೇಗ ಮದುವೆ ಇಷ್ಟ ಇಲ್ಲ ಎಂದು ಹೇಳು ಅಮ್ಮನ ಬಳಿ ಎಂದು ಹೇಳುತ್ತಾಳೆ. ಮುಂದೇನು ಎಂಬುವುದನ್ನು ಕಾದು ನೋಡಬೇಕಿದೆ.