ಪುಟ್ಟಕ್ಕನಿಗೆ ಕಾದಿದೆಯಾ ಗಂಡಾಂತರ?

ಮನೆಗೆ ಕಂಟಕ ಇದೆ ಎಂದ ಸ್ವಾಮೀಜಿ

ಈ ಮನೇನೆ ನಮಗೆ ಎಲ್ಲಾ ಇದ್ದ ಹಾಗೆ. ಈ ಮನೇನೆ ನಮ್ಮ ಗುಡಿ ಇದ್ದ ಹಾಗೆ. ಹಂಗಿರುವಾಗ ಇಲ್ಲಿ ಎನು ಸಮಸ್ಯೆ ಹೇಳಿ ಸ್ವಾಮಿ, ಎಂದಾಗ ಸ್ವಾಮಿ ಹೇಳುತ್ತಾರೆ ಗುಡಿ ಮೇಲೂ ದಾಳಿ ಮಾಡೋರು ಇದ್ದಾರೆ. ಈ ಮನೆ ಮೇಲೆ ದಾಳಿ ಮಾಡಲು ಜನರು ಕಾಯುತ್ತಾ ಇದ್ದಾರೆ. ಎಂದಾಗ ಪುಟ್ಟಕ್ಕಗೆ ನಿಂತ ನೆಲ ಕುಸಿದ ಹಾಗಾಗುತ್ತದೆ. ಮನೆ ಮೇಲೆ ಕಣ್ಣಿಟ್ಟಿರುವವಳು ರಾಜೇಶ್ವರಿ ಒಬ್ಬಳೇ. ತೊಂದರೆ ಆದರೆ ಆಕೆಯಿಂದಲೆ ಆಗಬೇಕು ಇಲ್ಲವಾದರೆ ತೊಂದರೆ ಬರುವುದಿಲ್ಲ.

ಮದುವೆ ಮಾತುಕತೆ ನಿಂತಿದ್ದನ್ನು ನೆನಪಿಸಿಕೊಳ್ಳುವ ಪುಟ್ಟಕ್ಕ

ಎಷ್ಟಾದರೂ ನಾನು ಎರಡನೇ ಹೆಂಡತಿ ಅಲ್ವಾ ಎನ್ನುವ ಮಾತುಗಳು ಪುಟ್ಟಕ್ಕನ ಮನಸ್ಸಿಗೆ ಪದೇ ಪದೇ ಬರುತ್ತಿತ್ತು. ಬಳಿಕ ಮಾತು ಮುಂದುವರೆಸಿದ ಸ್ವಾಮಿಗಳು ಇತ್ತೀಚಿಗೆ ನಿಮ್ಮ ಮನೆಯಲ್ಲಿ ನಡೆಯಬೇಕಾಗಿದ್ದ ಶುಭ ಕಾರ್ಯಗಳು ನಿಂತಿರಬೇಕಲ್ವಾ ಅಮ್ಮ ಎಂದು ಹೇಳುತ್ತಾರೆ ಅದಕ್ಕೆ ಪುಟ್ಟಕ್ಕ ಹೌದು ಹೌದು ನನ್ನ ಮಗಳ ಮದುವೆ ಮಾತು ಕತೆ ನಿಂತು ಹೋಯಿತು ಎನ್ನುತ್ತಾಳೆ.

ದೊಡ್ಡ ಮಗಳ ವಿಷಯದಲ್ಲಿ ಜೋಪಾನ ಎಂದ ಸ್ವಾಮೀಜಿ

'ನೀನು ಒಂಟಿ ತಾಯಿ, ಕಷ್ಟ ಪಟ್ಟಿದ್ದಿಯಾ ನಿನಗೆ ಹೆಣ್ಣು ಮಕ್ಕಳೇ ದಿಕ್ಕು. ಒಳ್ಳೇದೇ ಆಗುತ್ತದೆ ಆದರೆ ಸಮಯ ಆಗುತ್ತದೆ. ನಿನ್ನ ಮೊದಲ ಮಗಳ ವಿಷಯದಲ್ಲಿ ಜೋಪಾನ ಎಂದು ಹೇಳುತ್ತಾರೆ ಸ್ವಾಮೀಜಿ ಇದನ್ನು ಕೇಳಿದ ಪುಟ್ಟಕ್ಕಗೆ ಆತಂಕ ಮೂಡುತ್ತದೆ. ಆತಂಕದಿಂದಲೇ ಪುಟ್ಟಕ್ಕ ಕೇಳುತ್ತಾಳೆ ಯಾಕೆ ಸ್ವಾಮಿ ಎಂದು ಅದಕ್ಕೆ ಹೇಳುತ್ತಾರೆ ಕಂಟಕ ಇದೆ, ನನ್ನ ನಾಲಗೆಯಲ್ಲಿ ಮಚ್ಚೆ ಇದೆ. ನಾನು ಹೇಳಿದ್ದು ಯಾವುದು ಸುಳ್ಳು ಆಗುವುದಿಲ್ಲ. ಮನೆ ಹಾಗೂ ಮಕ್ಕಳನ್ನು ಜೋಪಾನವಾಗಿ ನೋಡಿಕೋ ಎನ್ನುತ್ತಾನೆ ಸ್ವಾಮೀಜಿ.

ನಿಜ ಸ್ವಾಮೀಜಿಯೊ, ಕಳ್ಳ ಸ್ವಾಮೀಜಿಯೊ?

''ನಿನ್ನ ದೊಡ್ಡ ಮಗಳ ಮದುವೆ ವಿಚಾರದಲ್ಲಿ ಅವಸರ ಬೇಡ ನನ್ನ ಸಲಹೆ ಇಲ್ಲದೆ ಮುಂದುವರೆಯಬೇಡ ಎಂದಾಗ ಪುಟ್ಟಕ್ಕ ಆತಂಕದಿಂದ ಹೇಳುತ್ತಾಳೆ ಆದರೆ ನಾನು....ಎಂದಾಗ ಸ್ವಾಮೀಜಿ ಹೇಳುತ್ತಾರೆ ಸರಿಯಾದ ಸಮಯಕ್ಕೆ ನಾನು ಬರುತ್ತೀನಿ ಎಂದು ಹೇಳಿ ಹೋಗುತ್ತಾರೆ'' ಈತ ನಿಜವಾದ ಸ್ವಾಮೀಜಿಯೋ ಅಥವಾ ಪುಟ್ಟಕ್ಕನ ಶತ್ರುಗಳು ಕಳಿಸಿರೊ ಕಳ್ಳ ಸ್ವಾಮೀಜಿಯೋ ಎಂಬುದನ್ನುನ ಮುಂದೆ ಕಾದು ನೋಡಬೇಕಿದೆ.