ಹಿಂದಿನ ಜೀವನದ ಬಗ್ಗೆ ಮಕ್ಕಳ ಬಳಿ ಹೇಳಿಕೊಳ್ಳುತ್ತಾಳ ಪುಟ್ಟಕ್ಕ?

ಪುಟ್ಟಕ್ಕನ ಆಸೆಗೆ ಕೊಳ್ಳಿ ಇಟ್ಟಿದ್ದು ಯಾರು?

ಬಳಿಕ ಶಾಂತ ಪುಟ್ಟಕ್ಕನ ಬಳಿಯೇ ಎಲ್ಲಾ ವಿಚಾರವನ್ನು ಮಕ್ಕಳಿಗೆ ತಿಳಿಸುವಂತೆ ಹೇಳುತ್ತಾಳೆ. ಬಳಿಕ ಪುಟ್ಟಕ್ಕ ತನ್ನ ಹಿಂದಿನ ದಿನದ ಕಷ್ಟದ ದಿನಗಳ ಮೆಲುಕನ್ನು ಹಾಕುತ್ತಾಳೆ. ತುಂಬಾ ಚಿಕ್ಕ ಹಳ್ಳಿಯಲ್ಲಿ ಬೆಳೆದವಳು ಪುಟ್ಟಕ್ಕ. ಎಲ್ಲರೊಂದಿಗೆ ಕೂಡಿ ಆಡುವ ಸಮಯದಲ್ಲಿ ತನ್ನ ತಂದೆಯನ್ನು ಕಿತ್ತುಕೊಂಡು ಬಿಟ್ಟ ಆ ದೇವರು. ಚಿಕ್ಕ ವಯಸ್ಸಿನಲ್ಲಿ ಎಲ್ಲರೂ ಆಟ ಆಡುತ್ತಿರುತ್ತಾರೆ. ತನಗೂ ಆಡಬೇಕು ಎಂಬ ಹಂಬಲ. ಆದರೆ ಮನೆಯಲ್ಲಿ ಕಷ್ಟ. ಆ ಊರಿನ ಜನಕ್ಕೆ ಒಂದು ಕೊಡ ನೀರು ಬೇಕು ಅಂದರೂ 8 ಕಿಲೋ ಮೀಟರ್ ದೂರ ನಡೆದುಕೊಂಡು ಹೋಗಿ ನೀರು ತರಬೇಕಾದ ಪರಿಸ್ಥಿತಿ ಇತ್ತು'' ಎಂದು ತನ್ನ ಬಾಲ್ಯದ ಕತೆ ಹೇಳಲು ಶುರು ಮಾಡುತ್ತಾಳೆ.

ಗಂಡನನ್ನು ಕಳೆದುಕೊಂಡ ಅಮ್ಮನಿಗೆ ಬಲ ನೀಡಿದ ಪುಟ್ಟಕ್ಕ

ಅಮ್ಮನಿಗೆ ಆರೋಗ್ಯ ಸರಿಯಾಗಿ ಇರದ ಕಾರಣ ಬಾಲ್ಯದ ಜೀವನದಲ್ಲಿಯೇ ಮನೆಯ ಜವಾಬ್ದಾರಿಯನ್ನು ಕೊಂಚ ಮಟ್ಟಿಗೆ ನಿಭಾಯಿಸಬೇಕಾಗಿತ್ತು. ಹಾಗಾಗಿ, ಹೀಗೆ ದಿನಕ್ಕೆ 5 ಬಾರಿ ಆದರೂ ನೀರು ತರಲು ಹೋಗುತ್ತಿದ್ದರು. ಇನ್ನೂ ಅಪ್ಪನ ಆಸರೆ ಇಲ್ಲದೆ ಬದುಕಿದ್ದ ಪುಟ್ಟಕ್ಕಗೆ ಅಣ್ಣನೇ ಆಧಾರ ಸ್ಥಂಭ ಇದ್ದ ಹಾಗೆ. ಅವನು ಹೇಳಿದ ಪ್ರಕಾರ ಇರುತ್ತಿದ್ದರು ಪುಟ್ಟಕ್ಕ. ಹಿಂದಿನ ಕಾಲದಲ್ಲಿ ಹೆಣ್ಣು ಮಕ್ಕಳಿಗೆ ಶಿಕ್ಷಣ ಇರುತ್ತಿರಲಿಲ್ಲ. ಹಾಗೆಯೇ ಮನೆಯವರು ಶಾಲೆಗೆ ಹೆಣ್ಣು ಮಕ್ಕಳನ್ನು ಕಳುಹಿಸುತ್ತಾ ಇರಲಿಲ್ಲ.

ಖೋ ಖೋ ಆಟವನ್ನು ಹಠದಿಂದ ಕಲಿತ ಪುಟ್ಟಕ್ಕ

ಗಂಡು ಮಕ್ಕಳಿಗೆ ಮಾತ್ರ ಶಿಕ್ಷಣ ನೀಡುತ್ತಿದ್ದರು. ಇದರಿಂದಾಗಿ ಮನೆಯಲ್ಲಿ ಇರಬೇಕಾಯಿತು ಪುಟ್ಟಕ್ಕ. ಒಂದು ದಿನ ಪಕ್ಕದ ಊರಿನ ಬಳಿ ಖೋ-ಖೋ ಆಟ ಹೇಳಿಕೊಡುತ್ತಾರೆ ಎಂಬುವುದು ತಿಳಿಯುತ್ತದೆ. ಆ ಮಾಹಿತಿ ಮೇರೆಗೆ ಪುಟ್ಟಕ್ಕ ಖೋ ಖೋ ಆಟ ಆಡಲು ಮನೆಯವರ ಒಪ್ಪಿಗೆ ತೆಗೆದುಕೊಂಡು ಆಡಲು ಹೋಗುತ್ತಾರೆ. ಹೀಗೆ ಪುಟ್ಟಕ್ಕ ಮಕ್ಕಳಿಗೆ ತನ್ನ ಬಾಲ್ಯದ ವಿಚಾರವನ್ನು ವಿವರವಾಗಿ ಹೇಳುತ್ತಾರೆ.

ಅಮ್ಮನ ಕಷ್ಟದ ಜೀವನ ತಿಳಿದು ಮರುಕ ಪಟ್ಟ ಮಕ್ಕಳು

ಇದನ್ನೆಲ್ಲ ಕೇಳಿಸಿಕೊಂಡ ಮಕ್ಕಳಿಗೆ ಶಾಕ್ ಆಗುತ್ತದೆ. ಸಹನಾ ಹಾಗೂ ಸ್ನೇಹಾ ಮುಖ ಮುಖ ನೋಡಿಕೊಳ್ಳುತ್ತಾರೆ. ಇನ್ನೂ ಅಮ್ಮನ ಹಿನ್ನೆಲೆ ತಿಳಿದುಕೊಂಡ ಮಕ್ಕಳು ಮಾತ್ರ ಹೆಮ್ಮೆ ಪಡುತ್ತಾರೆ. ಅದೆಷ್ಟು ಸವಾಲುಗಳನ್ನು ಮೆಟ್ಟಿ ನಿಂತು ಈ ಆಟವನ್ನು ಕರಗತ ಮಾಡಿಕೊಂಡಿರಬಹುದು ಪುಟ್ಟಕ್ಕ. ಖೋ-ಖೋ ಆಟದಲ್ಲಿ ಪುಟ್ಟಕ್ಕಗೆ ಎದುರಾಳಿಯಾಗಿ ಸಿಕ್ಕವರನ್ನು ಆಕೆ ಎಂದಿಗೂ ಬಿಟ್ಟಿಲ್ಲ. ಇಷ್ಟೆಲ್ಲ ಇದ್ದರೂ ಪುಟ್ಟಕ್ಕ ತನ್ನ ಗುರಿಯನ್ನು ತಲುಪಲು ಅಸಾಧ್ಯವಾದದ್ದು ಹೇಗೆ ಎಂಬುವುದನ್ನು ಕಾದು ನೋಡಬೇಕಿದೆ. ಇನ್ನೂ ಅಮ್ಮ ಒಬ್ಬ ಖೋ-ಖೋ ಪ್ಲೇಯರ್ ಎನ್ನುವುದನ್ನು ಮನದಟ್ಟು ಮಾಡಿಕೊಳ್ಳಬೇಕಾದ ಸರದಿ ಸುಮಳದ್ದು. ಅಮ್ಮನ ಬಗ್ಗೆ ತುಚ್ಛವಾಗಿ ಮಾತನಾಡಿದ ಸುಮಾ ಅಮ್ಮನ ಬಳಿ ಕ್ಷಮೆ ಕೇಳುತ್ತಾಳ ಎಂಬುವುದನ್ನು ಕಾದು ನೋಡಬೇಕಿದೆ.