ಕಂಠಿಯೇ ಶ್ರೀ ಎನ್ನುವುದು ಸ್ನೇಹಾಗೆ ಖಾತ್ರಿ! ಮುಂದೇನು ಮಾಡ್ತಾಳೆ?

ಸಹನಾ ಬಗ್ಗೆ ಕೆಟ್ಟದಾಗಿ ಮಾತನಾಡಿದ ಗಂಗವ್ವ

ಸಹನಾಳನ್ನು ನೋಡಿ ಎನಾವ್ವ ಸಹನಾ ಮದುವೆ ಮಾತುಕತೆ ಆಯಿತಂತೆ. ಮದುವೆ ಯಾವಾಗ? ಇಷ್ಟ ಪಟ್ಟು ಮದುವೇ ಆಗುತ್ತಾ ಇರುವುದಂತೆ ಹೌದಾ ಎಂದು ಕೇಳಿದಾಗ ಸಹನಾಗೆ ಏನು ಹೇಳಬೇಕು ಎಂದು ಅರಿಯದೆ ಹೋಗುತ್ತದೆ. ಇದನ್ನು ನೋಡಿದ ಶಾಂತ ಏನು ಗಂಗಕ್ಕ ವಿಚಾರಣೆ ಎಲ್ಲಾ ಜೋರಾಗಿದೆ ಎಂದು ಕೇಳುತ್ತಾಳೆ. ಬಳಿಕ ಗಂಗಮ್ಮ, ಸ್ನೇಹಾ ಬಗ್ಗೆಯೂ ಕೆಟ್ಟದಾಗಿ ಮಾತನಾಡುತ್ತಾಳೆ. ಆದರೆ ಇದನ್ನೆಲ್ಲ ಕೇಳಿದ ಶಾಂತಕ್ಕ ಖಡಕ್ ಆಗಿ ಬೈಯುತ್ತಾಳೆ. ಇನ್ನು ಗಂಗಮ್ಮನಿಗೆ ಇಡ್ಲಿ ಪಾರ್ಸಲ್ ಕೊಟ್ಟು ಕಳುಹಿಸುತ್ತಾರೆ. ಇದನ್ನೆಲ್ಲ ನೋಡಿ ಪುಟ್ಟಕ್ಕ ಬಹಳ ಬೇಸರ ಮಾಡಿಕೊಳ್ಳುತ್ತಾಳೆ. ಇನ್ನೂ ಸ್ನೇಹಾ ಏನಾದರೂ ಪ್ರೀತಿ ಮಾಡಿ ಮದುವೆ ಆದರೆ ಸ್ನೇಹಾನಿಗೂ ಹೀಗೆ ಅನ್ನುತ್ತಾರೆ ಎಂದು ಹೇಳಿ ಅಲ್ಲಿಂದ ಒಳಗೆ ಹೋಗುತ್ತಾರೆ.

ಕಂಠಿ ಪ್ರಪೊಸ್ ಮಾಡಿದಂತೆ ಕನಸ ಕಂಡ ಸ್ನೇಹಾ

ಇದನ್ನು ನೋಡಿದ ಸಹನಾಗೆ ಬಹಳ ಬೇಸರ ಆಗುತ್ತದೆ. ಇನ್ನು ಕೆರೆಯ ಬಳಿ ಒಬ್ಬಳೇ ಕುಳಿತ ಸ್ನೇಹಾ, ಶ್ರೀ ಬಗ್ಗೆ ಯೋಚನೆಯಲ್ಲಿ ಮಗ್ನಳಾಗಿರುತ್ತಾಳೆ. ಯಾಕೆ ಶ್ರೀ ನನ್ನ ಬಳಿ ಸುಳ್ಳು ಹೇಳಿದಿರಿ ನೀವು ದೊರೆ ಆಗಿ ಇದ್ದುಕೊಂಡೇ ಇಷ್ಟೆಲ್ಲ ಸಹಾಯ ಮಾಡಿದಿರಿ ಎಂದು ಹೇಳುತ್ತಾ ಇರುತ್ತಾಳೆ. ನನಗೆ ನಿಮ್ಮ ಮೇಲೆ ಬಹಳ ಅಕ್ಕರೆ ಅದಕ್ಕಾಗಿ ಇಷ್ಟೆಲ್ಲ ಸಹಾಯ ಮಾಡಿದೆ ಎಂದು ಹೇಳುತ್ತಾನೆ. ಬಳಿಕ ಸ್ನೇಹಾಗೆ ಡೈರೆಕ್ಟ್ ಆಗಿ ಪ್ರಪೋಸ್ ಮಾಡುತ್ತಾನೆ. ಇದನ್ನು ನೋಡಿ ಸ್ನೇಹಾ ಎದ್ದು ನಿಲ್ಲುತ್ತಾಳೆ ಅಷ್ಟೊತ್ತಿಗೆ ಶ್ರೀ ಅಲ್ಲಿ ಇರುವುದಿಲ್ಲ. ಇದು ಸ್ನೇಹಾಳ ಭ್ರಮೆ ಆಗಿರುತ್ತದೆ.

ಕಂಠಿಗೆ ಸ್ನೇಹಾಳ ನೆನಪು

ಇನ್ನೂ ಮನೆಯಲ್ಲಿ ಇರುವ ಕಂಠಿ ಗೆ ನಿಧಾನವಾಗಿ ಎಚ್ಚರ ಆಗುತ್ತದೆ. ಆ ವೇಳೆ ಬಂಗಾರಮ್ಮ ಹೇಳುತ್ತಾರೆ ಇನ್ನೂ ಮುಂದೆ ನಾನು ನಿನ್ನನ್ನು ನೋಡಿಕೊಳ್ಳುತ್ತೇನೆ ಎನ್ನುತ್ತಾಳೆ. ಬಳಿಕ ಆಯಿತು ಎಂದ ಕಂಠಿ ಅಮ್ಮನನ್ನು ರೂಮಿನಿಂದ ಹೊರಗೆ ಕಳುಹಿಸುತ್ತಾನೆ. ಬಳಿಕ ಮೆತ್ತಗೆ ಎದ್ದೆಳುತ್ತಾನೆ. ಬಳಿಕ ಮುಂಗುಸಿ ಬಳಿ ಅಮ್ಮ ಏನಾದರು ಸ್ನೇಹಾನ ನೋಡಿದ್ರ ಎಂದು ಕೇಳಿದಾಗ ಮುಂಗುಸಿ ಜೆಸ್ಟ್ ಮಿಸ್ ಅಣ್ಣ ಎಂದು ಹೇಳಿದಾಗ ಕಂಠಿಗೆ ಸ್ನೇಹಾ ನೆನಪಾಗಿ ಸ್ನೇಹಾ ಎಲ್ಲಿ ಹೋದಳು ಎಂದು ಕೇಳುತ್ತಾನೆ. ಆದರೆ ಮುಂಗುಸಿ, ಸ್ನೇಹಾ ಎಲ್ಲಿ ಹೋದಳು ಎಂಬುವುದೇ ಗೊತ್ತಾಗುವುದಿಲ್ಲ ಎಂದಾಗ ಕಂಠಿ ಸ್ನೇಹಾ ಬಳಿ ಮಾತನಾಡಲು ಫೋನ್ ಕೇಳುತ್ತಾನೆ. ಅದೇ ವೇಳೆಗೆ ಚಂದ್ರು ವಸುನ ಫೋಟೋ ನೋಡಿ ಮರುಗುತ್ತಾತ್ತಾನೆ.

ಸ್ನೇಹಾಗೆ ಕರೆ ಮಾಡಿದ ಕಂಠಿ

ವಸು ಒಂದೇ ಒಂದು ಬಾರಿ ನಾವು ಕೂತು ಮಾತನಾಡಿ ಇದ್ದಿದ್ದರೆ ನಾವು ಇವತ್ತು ಹೀಗೆ ಇರುತ್ತಿರಲಿಲ್ಲ. ನೀನು ನನ್ನ ಬಿಟ್ಟು ದೂರ ಹೋಗುತ್ತಿಯಾ ಎಂದು ಯೋಚನೆ ಮಾಡುತ್ತಾ ಇರುತ್ತಾನೆ ಚಂದ್ರು ಆಗ ಅಲ್ಲಿಗೆ ಬಂದ ಚಂದ್ರು ತಂಗಿ ಚಾರ್ಜರ್ ಕೇಳುತ್ತಾಳೆ. ಬಳಿಕ ಅಣ್ಣನ ಬಳಿ ಅತ್ತಿಗೆಯ ಬಗ್ಗೆ ಯೋಚನೆ ಮಾಡುತ್ತಾ ಇದ್ದೀಯಾ ಅಣ್ಣ ಎಂದು ಹೇಳಿದಾಗ ಅಲ್ಲಿಗೆ ಬಂದ ನಂಜಮ್ಮ ಮಗನಿಗೆ ಸಮಾಧಾನ ಹೇಳಿ ನಾಳೆ ಕೋರ್ಟ್ ಇರುವ ಬಗ್ಗೆ ನೆನಪಿಸುತ್ತಾಳೆ. ಬಳಿಕ ಅಲ್ಲಿಂದ ಹೊರಡುತ್ತಾಳೆ. ಇನ್ನು ಶ್ರೀ ಸ್ನೇಹಾ ಗೆ ಕರೆ ಮಾಡಿ ಎಲ್ಲಿದ್ದಿರಾ ಎನು ಮಾಡುತ್ತಾ ಇದ್ದೀರಾ ಎಂದೆಲ್ಲ ಕ್ಷೇಮ ಸಮಾಚಾರ ವಿಚಾರಣೆ ಮಾಡುತ್ತಾನೆ. ಇದನ್ನೆಲ್ಲ ಕೇಳಿದ ಸ್ನೇಹಾ ಚೆನ್ನಾಗಿದ್ದೀನಿ. ನೀವು ಹೇಗೆ ಇದ್ದೀರಾ ಎಂದೆಲ್ಲ ಕೇಳುತ್ತಾಳೆ ಕೊನೆಗೆ ಆತನ ಬಳಿ ಒಂದು ವಿಚಾರದ ಬಗ್ಗೆ ಪ್ರಸ್ತಾಪ ಮಾಡಲು ಅನುವಾಗುತ್ತಾಳೆ. ಆದರೆ ಈ ವಿಚಾರ ಕೇಳಲು ಸ್ನೇಹಾಗೆ ಮುಜುಗರ ಆಗುತ್ತದೆ. ಮುಂದೇನು ಕಾದು ನೋಡಬೇಕಿದೆ.