ಬಂಗಾರಮ್ಮ ಗೆ ಮಗನ ವಿಚಾರದಲ್ಲಿ ಮೂಡಿದ ಆತಂಕ

ರಾಜಿಗೆ ಪಾಠ ಕಲಿಸುವುದಾಗಿ ಹೇಳಿದ ಸ್ನೇಹಾ

ಆಗ ಸ್ನೇಹಾ ಬಳಿ ಪುಟ್ಟಕ್ಕ ಹೇಳುತ್ತಾಳೆ, ಇವಳು ಫೈನಲ್ ಗೆಲ್ಲಲಿ ಆಗ ನಾನು ರಾಜಿ ಮನೆಗೆ ಹೋಗಿ ಹಬ್ಬ ಮಾಡ್ತೀನಿ ಎಂದಾಗ ಪುಟ್ಟಕ್ಕ, ಸುಮ್ಮನೆ ಅವರಿವರ ತಂಟೆಗೆ ಯಾಕೆ ಹೋಗುವುದು ನಮಗೆ ಈಗಿರುವ ತೊಂದರೆ ಹೆಚ್ಚಾಗಿದೆ ಎಂದು ಹೇಳುತ್ತಿರುವಾಗ ಸಹನಾ, ಸ್ನೇಹಾ ಬಳಿ ರಾಜಿ, ಮುರಳಿ ಮನೆಗೆ ಹೋಗಿರುವ ವಿಚಾರವನ್ನು ಹೇಳುತ್ತಾರೆ. ಇದನ್ನು ಕೇಳಿದ ಸ್ನೇಹಾ ಕೆಂಡಾಮಂಡಲ ಆಗುತ್ತಾಳೆ.

ಪುಟ್ಟಕ್ಕನ ಬಳಿ ನಿಜ ವಿಚಾರ ಹೇಳಲು ಬಂದ ಗೋಪಾಲಯ್ಯ

ಬಳಿಕ ಕಾಲೇಜಿಗೆ ಹೋಗಬೇಕು ಎಂದು ಹೊರಡಲು ಹೋಗುತ್ತಾಳೆ. ಈ ವೇಳೆ ಅಲ್ಲಿಗೆ ಬಂದ ಗೋಪಾಲ ಪುಟ್ಟಕ್ಕನನ್ನೂ ಕರೆದು ರಾಜಿ ಮದುವೆ ತಪ್ಪಿಸಲು ಮುರಳಿ ಮೇಷ್ಟ್ರ ಮನೆಗೆ ಹೋಗಿರುವ ವಿಚಾರವನ್ನು ಹೇಳುತ್ತಾನೆ. ಇದನ್ನು ಕೇಳಿದ ಪುಟ್ಟಕ್ಕ ಈ ವಿಚಾರ ನನಗೆ ಗೊತ್ತಿದೆ. ಆತನ ಅಕ್ಕ ಬಂದು ಹೇಳಿದರು ಎಂದಾಗ ಸ್ನೇಹಾ ಅಮ್ಮನನ್ನು ಕರೆದುಕೊಂಡು ಅಲ್ಲಿಗೆ ಬರುತ್ತಾಳೆ. ಇದನ್ನು ನೋಡಿದ ಪುಟ್ಟಕ್ಕ ಏನವ್ವ ಎಂದಾಗ ಸ್ನೇಹಾ ಅನುಮಾನದಿಂದ ನೀನು ಇಲ್ಲಿ ಏನು ಮಾಡುತ್ತಾ ಇದ್ದೀಯಾ ಎಂದು ಹೇಳುತ್ತಾಳೆ. ಆಗ ಪುಟ್ಟಕ್ಕ ಏನಿಲ್ಲ ಎಂದು ಹೇಳುತ್ತಾಳೆ ಬಳಿಕ ಮನೆಯ ಒಳಗೆ ಕರೆದುಕೊಂಡು ಹೋಗುತ್ತಾಳೆ. ಗೋಪಾಲಯ್ಯ ಸ್ನೇಹಾ ಬರುವುದನ್ನು ಕಂಡು ಅಡಗಿ ಕೂರುತ್ತಾನೆ.

ಒಳ್ಳೆ ಸೊಸೆ ಬರುತ್ತಾಳೆ ಎಂದ ಜ್ಯೋತಿಷಿ

ಇನ್ನು ಬಂಗಾರಮ್ಮ ಮಗನಿಗೆ ಬರುತ್ತಿರುವ ಗಂಡಾಂತರದಿಂದ ಆತನಿಗೆ ಮುಕ್ತಿ ಯಾವಾಗ ಎಂದು ಜ್ಯೋತಿಷಿಯ ಬಳಿ ಕೇಳುತ್ತಿರುತ್ತಾಳೆ. ನಿಮ್ಮ ಮಗನ ಸಮಸ್ಯೆಗೆ ಉತ್ತರ ನೀಡಲು ಹಾಗೂ ಈ ಮನೆಗೆ ನಿಮಗೆ ತಕ್ಕನಾಗೆ ಇರುವ ಹುಡುಗಿ ಸೊಸೆಯಾಗಿ ಬರುತ್ತಾಳೆ. ಆಕೆಯಿಂದ ನಿಮ್ಮ ಮನೆಯಲ್ಲಿ ಇರುವ ಎಲ್ಲ ಸಮಸ್ಯೆನೂ ಪರಿಹಾರ ಆಗುತ್ತದೆ ಎಂದು ಹೇಳುತ್ತಾರೆ ಜ್ಯೋತಿಷಿ.

ಸೊಸೆಯ ನಿರೀಕ್ಷೆಯಲ್ಲಿ ಇದ್ದಾರೆ

ಇದನ್ನು ಕೇಳಿ ಖುಷಿಗೊಂಡ ಬಂಗಾರಮ್ಮ ಸೊಸೆಯ ನಿರೀಕ್ಷೆಯಲ್ಲಿ ಇದ್ದಾರೆ. ಆದರೆ ಕಂಠಿ ತಂದೆಗೆ ಈಗಾಗಲೇ ಅನುಮಾನ ಶುರು ಆಗಿದೆ. ಪ್ರೀತಿ ಬಲೆಯಲ್ಲಿ ಕಂಠಿ ಬಿದ್ದಿದ್ದಾನೆಯೆ ಎಂದು ತಿಳಿಯಲು ಅವರ ಬಳಿಯೆ ಕೇಳುತ್ತಾ ಇರುತ್ತಾರೆ. ಕಂಠಿ ಇದಕ್ಕೆ ಏನು ಉತ್ತರ ನೀಡುತ್ತಾನೆ ಕಾದು ನೋಡಬೇಕಿದೆ.