Srirasthu Shubhamasthu: ಸೊಸೆ ಟಿವಿಯಲ್ಲಿ ಬಂದಿರುವುದನ್ನು ನೋಡಿ ಖುಷಿಪಟ್ಟ ದತ್ತ?

ದತ್ತನಿಗೆ ತಂಡದ ಶ್ರಮದ ಬಗ್ಗೆ ತಿಳಿ ಹೇಳಿದ ಮಾಧವ

ಇದನ್ನು ಕೇಳಿಸಿಕೊಂಡ ಬಳಿಕ ಮಾಧವ ದತ್ತನ ಬಳಿ ನೀವು ನನ್ನ ನೋಡಿ ಹೇಳಬೇಡಿ ನನ್ನ ತಂಡದ ಶ್ರಮ ನೋಡಿ ಹೇಳಿ ಯಾಕೆ ಎಂದರೆ ತನ್ನ ತಂಡ ಬಹಳ ಕಷ್ಟ ಪಟ್ಟಿದೆ ಬಹಳ ಖರ್ಚು ಮಾಡಿದೆ ಪ್ರೊಡ್ಯೂಸರ್ ಗೆ ಹಣ ಸಿಗಬೇಕು ಎಂದರೆ ಅವರಿಗೆ ಈ ಎಪಿಸೋಡ್ ಟೆಲಿಕಾಸ್ಟ್ ಆಗಬೇಕು, ಆಗ ಅವರ ಶ್ರಮ ಪಟ್ಟಿದ್ದು ಸಾರ್ಥಕ ಆಗುತ್ತದೆ ಎಂದು ಹೇಳುತ್ತಾನೆ. ಇದನ್ನು ಕೇಳಿಸಿಕೊಂಡ ದತ್ತ ಆಯಿತು ಎಂದು ಒಪ್ಪಿಗೆ ನೀಡಿ ತುಳಸಿಗೆ ಈ ವಿಚಾರ ಹೇಳಬಾರದು ಎಂದು ಹೇಳುತ್ತಾನೆ.

ಅಭಿ ಮನಸ್ಸನ್ನು ಕಲಕಿದ ಶಾರ್ವರಿ

ಇನ್ನು ಅಭಿ ಮನಸು ಮದುವೆ ವಿಚಾರವಾಗಿ ಕದಡಿ ಹೋಗಿರುತ್ತದೆ. ಶಾರ್ವರಿ ಅದರ ಮೇಲೆ ತುಪ್ಪ ಸುರಿಯುತ್ತಾ ಇದ್ದಾಳೆ. ಇದನ್ನೆಲ್ಲ ನೆನೆದು ಕೋಪಗೊಂಡ ಅಭಿ ಯೋಚನೆಯಲ್ಲಿ ಮಗ್ನನಾಗಿರುತ್ತಾನೆ. ಆ ವೇಳೆ ಅಲ್ಲಿಗೆ ಬಂದ ಪೂರ್ಣಿಮಾ ಅಭಿಯನ್ನು ಸಮಾಧಾನ ಮಾಡಲು ಪ್ರಯತ್ನಿಸಿದಾಗ ಬಹಳ ಖಾರವಾಗಿ ನನ್ನ ಮದುವೆಯ ಬಗ್ಗೆ ನೀವು ಯೋಚನೆ ಮಾಡಬೇಡಿ, ಅದನ್ನು ನನಗೆ ಬಿಡಿ ನಾನು ಅದನ್ನೆಲ್ಲ ನೋಡಿಕೊಳ್ಳುತ್ತೇನೆ ಎಂದು ಹೇಳುತ್ತಾನೆ. ಇದನ್ನು ಕೇಳಿಸಿಕೊಂಡ ಪೂರ್ಣಿಮಾಗೆ ಮುಖಕ್ಕೆ ಹೊಡೆದ ಹಾಗೆ ಆಗುತ್ತದೆ.

ತುಳಸಿ ಮನೆಯಲ್ಲಿ ಮನೆ ಮಾಡಿದ ಹಬ್ಬದ ಸಂಭ್ರಮ

ಇನ್ನು ತುಳಸಿ ಮನೆಯಲ್ಲಿ ಹಬ್ಬದ ವಾತಾವರಣ ಸೃಷ್ಟಿ ಆಗಿದೆ. ದತ್ತ ಎಲ್ಲರನ್ನೂ ಕರೆ ಮಾಡಿ ಮನೆಗೆ ಬರಲು ಹೇಳುತ್ತಾರೆ. ಇವತ್ತು ಸರ್ಪ್ರೈಸ್ ಇದೆ ನಾನು ಎಲ್ಲರಿಗೂ ಸರ್ಪ್ರೈಸ್ ನೀಡುತ್ತೇನೆ ಎಂದು ಹೇಳುತ್ತಾರೆ. ಸಮರ್ಥ ಕೂಡ ಆಫೀಸ್ ನಿಂದಾ ಬಹಳ ಬೇಗ ಬರುತ್ತಾನೆ . ಬಳಿಕ ತಾತನ ಬಳಿ ಬರ ಹೇಳಿದ ಕಾರಣ ಕೇಳುತ್ತಾನೆ. ಇನ್ನು ದತ್ತ ಏನೂ ಹೇಳದೆ ಎಲ್ಲರಿಗೂ ಹೇಳುವಾಗ ನಿನಗೂ ಹೇಳುತ್ತೇನೆ ಎಂದು ಹೇಳಿ ಒಗ್ಗರಣೆ ಡಬ್ಬಿ ಕಾರ್ಯಕ್ರಮವನ್ನು ಹಾಕುತ್ತಾರೆ. ಅದರಲ್ಲಿ ತುಳಸಿ ಅಡುಗೆ ಮಾಡುತ್ತಾ ಇರುವುದನ್ನು ನೋಡಿ ಬಹಳ ಖುಷಿ ಪಡುತ್ತಾರೆ. ತುಳಸಿಗೆ ಶಾಕ್ ಆಗುತ್ತದೆ. ಟೆಲಿಕಾಸ್ಟ್ ಮಾಡಬೇಡಿ ಎಂದರೂ ಯಾಕೆ ಇದನ್ನು ಟೆಲಿಕಾಸ್ಟ್ ಮಾಡಿದರು ಗೊತ್ತಾಗಲಿಲ್ಲ ಎಂದು ಹೇಳುತ್ತಾಳೆ. ಆಗ ದತ್ತ ತುಳಸಿಯನ್ನು ಮಾತನಾಡಲು ಬಿಡದೆ ಬಾಯಿ ಮುಚ್ಚಿಸಿ ಬಿಡುತ್ತಾನೆ. ಮುಂದೇನು ಕಾದು ನೋಡಬೇಕಿದೆ.