Srirasthu Shubhamasthu: ತುಳಸಿ ಮನೆಯಲ್ಲಿ ಹಬ್ಬದ ಸಂಭ್ರಮ

ಆತಂಕದಲ್ಲಿರುವ ತುಳಸಿ

ಆದರೆ ತುಳಸಿ ಮಾತ್ರ ಏನೂ ಇಲ್ಲ ಎಂಬಂತೆ ತಲೆ ಅಲ್ಲಾಡಿಸಿ ತನ್ನ ಉಳಿದ ಕೆಲಸಕ್ಕೆ ಹೋಗುತ್ತಾಳೆ. ದತ್ತ ಪೂಜೆ ಮಾಡುತ್ತಾ ಇರುವಾಗ ಶಿವರಾತ್ರಿ ವಿಶೇಷತೆ ಬಗ್ಗೆ ಸಿರಿ ದತ್ತನ ಬಳಿ ಪ್ರಶ್ನೆ ಮಾಡುತ್ತಾಳೆ. ಇದನ್ನು ಕೇಳಿಸಿಕೊಂಡ ದತ್ತ ಎಲ್ಲರಿಗೂ ತಿಳಿಸಿ ಹೇಳುತ್ತಾರೆ. ಇನ್ನು ರಾತ್ರಿಯ ವೇಳೆ ನಾಟಕ ಮಾಡಲು ಮನೆ ಮಂದಿ ಸಿದ್ದರಾಗುತ್ತಾ ಇರುತ್ತಾರೆ. ಅವರೊಂದಿಗೆ ಶೇಷ ಕೂಡ ಬರುತ್ತಾರೆ. ನಾಟಕ ಅಭ್ಯಾಸ ಮಾಡುತ್ತಾರೆ.

ಅಮ್ಮನಿಗೆ ನಿಜ ವಿಚಾರ ತಿಳಿಸಿದ ನಿಧಿ

ಇನ್ನು ನಿಧಿ ಅಮ್ಮನ ಬಳಿ ಓಡಿ ಬಂದು ಅಭಿ ಹುಡುಗಿಯನ್ನು ಲವ್ ಮಾಡುತ್ತಾ ಇರುವ ವಿಚಾರವನ್ನು ವಿಡಿಯೋ ಮಾಡಿ ತರುತ್ತಾಳೆ. ಆದರೆ ಅದನ್ನು ತಪ್ಪಿ ಅವಿ ನೋಡುತ್ತಾನೆ. ಅಲ್ಲಿಗೆ ಬಂದ ಅಭಿಯನ್ನು ನೋಡಿ ಅವಿ ನಿನ್ನಿಂದ ನಾನು ಎನು ನಿರೀಕ್ಷೆ ಮಾಡಿಯೇ ಇರಲಿಲ್ಲ, ನಿನಗೆ ನನ್ನ ಬಳಿ ಹೇಳಲು ಏನು ಮುಜುಗರ ನಿನ್ನ ಹೆಂಡತಿಯಾಗಿ ಬರುವವಳು ಈ ಮನೆಗೆ ಹೊಂದಿಕೆ ಆಗುತ್ತರೋ ಇಲ್ಲವೋ ಎಂಬುವುದನ್ನು ನೋಡಬೇಕು ಅಲ್ವಾ ಎಂದೆಲ್ಲ ಬಯ್ಯುತ್ತಾ ಇರುತ್ತಾನೆ.

ಅಭಿಗೆ ಬೈದ ಅವಿ

ಇದನ್ನು ಕೇಳಿದ ಅಭಿಗೆ ಏನು ಹೇಳಬೇಕೋ ತಿಳಿಯದೇ ಸುಮ್ಮನೆ ಇರುತ್ತಾನೆ. ಅವಿ ಹೋದ ಬಳಿಕ ಅಭಿ ಕೂಡ ಕೋಪದಿಂದ ಒಳಗೆ ಹೋಗುತ್ತಾನೆ. ಅವರಿಬ್ಬರೂ ಅಲ್ಲಿಂದ ಹೋದ ಬಳಿಕ ಶಾರ್ವರಿ ಜೋರಾಗಿ ನಗುತ್ತಾಳೆ. ನಿಧಿಗೆ ಮಾತ್ರ ಅಮ್ಮ ಯಾಕೆ ಹೀಗೆ ನಗುತ್ತಾ ಇದ್ದಾಳೆ ಎಂದು ಸಹ ಅರ್ಥವಾಗುವುದಿಲ್ಲ. ಇನ್ನು ಶಾರ್ವರಿ ಬಳಿ ಬಂದು ಅಭಿ ಕ್ಷಮೆ ಯಾಚಿಸುತ್ತಾನೆ. ನಿಮಗೆ ಇಷ್ಟ ಇಲ್ಲದ ಹುಡುಗಿಯನ್ನೇ ಮದುವೆ ಆಗುತ್ತಾ ಇದ್ದೇನೆ, ನಿಮಗೆ ಅದಕ್ಕೆ ನನ್ನ ಮೇಲೆ ಸಿಟ್ಟು ಇರಬೇಕು ಎಂದೆಲ್ಲ ಹೇಳಿದಾಗ ಶಾರ್ವರಿ ಸುಮ್ಮನೆ ಆಗುತ್ತಾಳೆ. ಬಳಿಕ ಶಾರ್ವರಿ ಅಭಿಯನ್ನು ಸಮಾಧಾನ ಮಾಡಿ ಮದುವೆಗೆ ಅವಿಯನ್ನು ಒಪ್ಪಿಸುವುದಾಗಿ ಭರವಸೆ ನೀಡುತ್ತಾಳೆ. ಹಾಗೆಯೇ ಮರು ದಿನ ಅಭಿ ಎದುರಲ್ಲಿ ಆವಿಯನ್ನು ಮದುವೆಗೆ ಒಪ್ಪಿಸಲು ಪ್ರಯತ್ನ ಮಾಡುತ್ತಾಳೆ. ಕೊನೆಗೆ ಮದುವೆಗೆ ಅವಿ ಒಪ್ಪುತ್ತಾನೆ. ಇದನ್ನು ನೋಡಿ ಅಭಿಗೆ ಬಹಳ ಖುಷಿ ಆಗುತ್ತದೆ. ಇತ್ತ ದತ್ತ ಮನೆಗೆ ಗಿಜರ್ ರಿಪೇರಿ ಮಾಡುವವನೂ ಬರುತ್ತಾನೆ. ಆತನಿಗೆ ದುಡ್ಡು ಹೇಗೆ ಕೊಡುವುದು ಎಂದು ತುಳಸಿಗೆ ಆತಂಕ ಆಗುತ್ತದೆ. ಮಾಧವನ ಬಳಿ ಅಭಿ ಮದುವೆ ಮಾತುಕತೆ ಆಗಿದ್ದರ ಬಗ್ಗೆ ಹೇಳದೆಯೇ ಮುಚ್ಚಿಡುತ್ತಾಳೆ ಶಾರ್ವರಿ.