'ಕೋಟ್ಯಧಿಪತಿ'ಯಲ್ಲಿ ನಿರಾಸೆ ಮೂಡಿಸಿದ 'ಬಿಗ್ ಬಾಸ್' ರೆಹಮಾನ್ ಗಳಿಸಿದೆಷ್ಟು.?

9 ಪ್ರಶ್ನೆಗೆ ಉತ್ತರ ಕೊಟ್ಟಿದ್ದ ರೆಹಮಾನ್

ಕನ್ನಡದ ಕೋಟ್ಯಧಿಪತಿಯಲ್ಲಿ ಕೇಳಲಾದ 9 ಪ್ರಶ್ನೆಗಳಿಗೆ ರೆಹಮಾನ್ ಸರಿಯಾದ ಉತ್ತರ ನೀಡಿದ್ದರು. ಆದ್ರೆ, ಹತ್ತನೇ ಪ್ರಶ್ನೆಗೆ ತಮ್ಮ ಆಟವನ್ನ ಮುಗಿಸಿದರು. ಹತ್ತನೇ ಪ್ರಶ್ನೆಗೆ ಸರಿಯಾದ ಉತ್ತರ ಗೊತ್ತಿದ್ದರೂ ಅದರಲ್ಲಿ ಗೊಂದಲ ಉಂಟಾದ ಕಾರಣ ಆಟವನ್ನ ಕ್ವಿಟ್ ಮಾಡಲು ನಿರ್ಧರಿಸಿ, ಸಾಧಾರಣ ಮೊತ್ತಕ್ಕೆ ತೃಪ್ತಿಪಟ್ಟುಕೊಂಡರು.

ಯಾವುದು ಹತ್ತನೇ ಪ್ರಶ್ನೆ.?

2018ರ ಕಾಮನ್ ವೆಲ್ತ್ ಕ್ರೀಡಾಕೂಟದಲ್ಲಿ ತೂಕ ಎತ್ತುವ ಸ್ಪರ್ಧೆಯಲ್ಲಿ ಬೆಳ್ಳಿ ಪದಕ ಗೆಲ್ಲುವ ಮೂಲಕ ಭಾರತಕ್ಕೆ ಮೊದಲ ಪದಕ ತಂದವರು ಯಾರು.?
A ವಿಕಾಸ್ ಠಾಕೂರ್
B ದೀಪಕ್ ಲಾಥರ್
C ಸತೀಶ್ ಕುಮಾರ್ ಶಿವಲಿಂಗಂ
D ಗುರುರಾಜ ಪೂಜಾರಿ

ಊಹೆ ಸರಿಯಾಗಿತ್ತು, ಆದ್ರೆ, ಗೊಂದಲ

ಹತ್ತನೇ ಪ್ರಶ್ನೆಗೆ ಉತ್ತರ ಕೊಡಲು ಕೇವಲ 60 ಸೆಕೆಂಡ್ ಮಾತ್ರ ಸಮಯ ಇತ್ತು. ರೆಹಮಾನ್ ಅವರು ಆಯ್ಕೆ D ಗುರುರಾಜ ಪೂಜಾರಿ ಎಂದು ಊಹೆ ಮಾಡಿದ್ದರು. ಆದ್ರೆ, ರಿಸ್ಕ್ ತೆಗೆದುಕೊಳ್ಳಲು ಇಷ್ಟವಾಗದೇ ಆಟ ಕ್ವಿಟ್ ಮಾಡಿದರು. ಅಂತಿಮವಾಗಿ ಅದೇ ಉತ್ತರ ಸರಿಯಾಗಿತ್ತು ಎನ್ನುವುದು ಅಚ್ಚರಿ.

1.60 ಲಕ್ಷ ಗೆದ್ದ ರೆಹಮಾನ್

ಅಲ್ಲಿಗೆ ಒಂಭತ್ತು ಪ್ರಶ್ನೆಗಳಿಗೆ ಸರಿಯಾದ ಉತ್ತರ ನೀಡಿದ್ದ ರೆಹಮಾನ್ ಅವರಿಗೆ 1.60 ಲಕ್ಷ ಹಣ ಬಹುಮಾನವಾಗಿ ಸಿಕ್ತು. ನಿರಾಸೆಯಾದರೂ ಬಹಳ ಖುಷಿಯಿಂದ ರೆಹಮಾನ್ ಆಟವನ್ನ ಅಂತ್ಯಗೊಳಿಸಿದರು.

ಮುಂದಿನ ಸ್ಪರ್ಧಿ ಪುಟ್ಟಗೌರಿ ಮಹೇಶ್

ಇನ್ನು ರೆಹಮಾನ್ ಅವರ ಕನ್ನಡ ಕೋಟ್ಯಧಿಪತಿಯಿಂದ ನಿರ್ಗಮಿಸಿದ ನಂತರ 'ಫಾಸ್ಟೆಸ್ಟ್ ಫಿಂಗರ್ ಫಸ್ಟ್' ಪ್ರಶ್ನೆಗೆ ಉತ್ತರ ನೀಡಿ, ಪುಟ್ಟಗೌರಿ ಖ್ಯಾತಿಯ ಮಹೇಶ್ (ರಕ್ಷಿತ್) ಅವರು ಹಾಟ್ ಸೀಟ್ ನಲ್ಲಿ ಕೂತಿದ್ದಾರೆ. ಇವರು ಎಷ್ಟು ಗೆದ್ದರು ಎಂಬುದು ಕುತೂಹಲ ಮೂಡಿಸಿದೆ.