Katheyondu Shuruvagide: 'ಕಥೆಯೊಂದು ಶುರುವಾಗಿದೆ' ಧಾರಾವಾಹಿ ಸೆಟ್‌ನಲ್ಲಿ ಖಳನಾಯಕಿ ಮಾತಂಗಿ ಖದರೇ ಬೇರೆ

ಮಾತಂಗಿ ಪಾತ್ರದಲ್ಲಿ ಭವಾನಿ ಮೋಡಿ

ಸದ್ಯ ಖಳನಾಯಕಿಯಾಗಿದ್ದರು, ಮನೆಯವರ ಮುಂದೆ ಮನೆಗೆ ಒಳಿತನ್ನೇ ಬಯಸುವ ಮಗಳಾಗಿದ್ದಾರೆ. ಆದರೆ ಒಳಗೊಳಗೆ ಮಾಡುವುದೆಲ್ಲ ಇಕ್ಕಟ್ಟಿಗೆ ಸಿಲುಕಿಸುವಂತ ಕೆಲಸ. ಮೊದಲಿನಿಂದಲೂ ಖಳನಾಯಕಿಯಾಗಿಯೃ ಅಭಿನಯಿಸುತ್ತಿರುವ ಭವಾನಿ ಪ್ರಕಾಶ್‌ಗೆ ಮಾತಂಗಿ ಪಾತ್ರ ಹೇಳಿ ಮಾಡಿಸಿದಂತೆ ಇದೆ. ಅದೆಂತಹದ್ದೇ ಪಾತ್ರವಾಗಿರಲಿ ಲೀಲಾಜಾಲವಾಗಿ ಅಭಿನಯಿಸುತ್ತಾರೆ. ಮಾತಂಗಿ ಪಾತ್ರವನ್ನು ಅಷ್ಟೇ ಅಚ್ಚುಕಟ್ಟಾಗಿ ನಿಭಾಯಿಸುತ್ತಾರೆ ಭವಾನಿ ಪ್ರಕಾಶ್.

ಶೂಟಿಂಗ್ ಸೆಟ್‌ನಲ್ಲಿ ಏನು ಮಾಡ್ತಾರೆ?

ಶೂಟಿಂಗ್ ಸಮಯದಲ್ಲಿ ಸೆಟ್‌ನಲ್ಲಿ ಬರೀ ಶೂಟಿಂಗ್ ಅಷ್ಟೇ ನಡೆಯೋದಿಲ್ಲ. ಅದರ ಹೊರತಾಗಿಯೂ ಹೆಚ್ಚಿನ ಫನ್ ನಡೆಯುತ್ತೆ. ಕಲಾವಿದರ ಟ್ಯಾಲೆಂಟ್ ಹೊರಗೆ ಬರುತ್ತೆ. ಇತ್ತೀಚೆಗೆ ರೀಲ್ಸ್‌ಗೆ ಹೆಚ್ಚಿನ ಪ್ರಾಶಸ್ತ್ಯ ಪಡೆದುಕೊಳ್ಳುತ್ತಿದೆ. ಸೋಶಿಯಲ್ ಮೀಡಿಯಾದಲ್ಲಿ ಆಕ್ಟಿವ್ ಆಗಿರುವ ಕಲಾವಿದರು, ಸೈಕಲ್ ಗ್ಯಾಪ್ ಸಿಕ್ಕಿದರು ರೀಲ್ಸ್‌ನಲ್ಲಿ ಮುಳುಗಿ ಹೋಗುತ್ತಾರೆ. ಇದೀಗ ಭವಾನಿ ಪ್ರಕಾಶ್ ಅವರ ಸೋಶಿಯಲ್ ಮೀಡಿಯಾಗೆ ಎಂಟ್ರಿ ಕೊಟ್ಟರೂ ಅದೇ ಕಾಣುತ್ತದೆ. ಹೆಚ್ಚಿನದ್ದು ರೀಲ್ಸ್ ಕಾಣಬಹುದು. ಜೊತೆಗೆ ಕಥೆಯೊಂದು ಶುರುವಾಗಿದೆ ಕಲಾವಿದರ ಜೊತೆಗೆ ಶೂಟಿಂಗ್ ಗ್ಯಾಪ್‌ನಲ್ಲಿ ಕುಣಿದು ಕುಪ್ಪಳಿಸುತ್ತಾರೆ.

ಯಾವ ಪಾತ್ರಗಳ ಆಯ್ಕೆ ಹೆಚ್ಚು ?

ಭವಾನಿ ಪ್ರಕಾಶ್ ಎಂದಾಕ್ಷಣಾ ಎಲ್ಲರಿಗೂ ಹೆಚ್ಚು ನೆನಪಾಗುವುದು 'ದೊರೆಸಾನಿ' ಧಾರಾವಾಹಿಯ ಸತ್ಯವತಿ ಪಾತ್ರ. ಆ ಪಾತ್ರಕ್ಕೆ ಅದೆಷ್ಟು ಒತ್ತು ನೀಡಿದ್ದರು ಎಂಬುದು ಅವರು ಮಾಡಿದ ಪಾತ್ರದಲ್ಲಿಯೇ ತಿಳಿಯುತ್ತಿತ್ತು. ಅಂಥಹ ಪಾತ್ರವನ್ನು ಹೆಚ್ಚಾಗಿ ಯಾರು ಒಪ್ಪುಕೊಳ್ಳುವುದಿಲ್ಲ. ಯಾಕಂದ್ರೆ ತಮ್ಮ ಹಾವಭಾವದಿಂದಾನೇ ಆ ಪಾತ್ರ ಕೂಡಿತ್ತು. ಅಂತಹ ಪಾತ್ರವನ್ನು ಭವಾನಿ ಪ್ರಕಾಶ್ ಮಾಡಿ ಗೆದ್ದಿದ್ದರು. ಹೀಗಾಗಿ ಅವರನ್ನು ಸತ್ಯವತಿ ಎಂದೇ ಗುರುತಿಸುತ್ತಾರೆ. ಭವಾನಿ ಪ್ರಕಾಶ್ ಕೂಡ ಇಂಥದ್ದೆ ಪಾತ್ರ ಬೇಕು ಎನ್ನುವವರು ಅಲ್ಲ. ಸಿಕ್ಕ ಪಾತ್ರಗಳಿಗೆ ಜೀವ ತುಂಬುವ ಗುಣ ಅವರದ್ದು.

ಸೋಶಿಯಲ್ ಮೀಡಿಯಾದಲ್ಲೂ ಆಕ್ಟಿವ್

ಭವಾನಿ ಪ್ರಕಾಶ್ ಒಂದೊಂದು ಧಾರಾವಾಹಿಯಲ್ಲಿ ಒಂದೊಂದು ರೀತಿಯ ಪಾತ್ರವನ್ನು ಮಾಡುತ್ತಾರೆ. ಅವರು ತೆರೆಯ ಮೇಲೆ ಹೇಗೆ ಇದ್ದರು, ರಿಯಲ್ ಆಗಿ ತುಂಬಾ ಹಂಬಲ್ ಪರ್ಸನ್ ಎನ್ನುವವರೇ ಜಾಸ್ತಿ. ತನ್ನ ಸುತ್ತಮುತ್ತ ಇರುವವರನ್ನು ಯಾವಾಗಲೂ ನಗಿಸುತ್ತಾ ಇಟ್ಟುಕೊಳ್ಳಬೇಕೆಂಬ ಸ್ವಭಾವದವರು. ಜೊತೆಗೆ ತುಂಬಾ ಕಾಳಜಿ ತೋರುವಂತ ಗುಣ ಇದೆ ಭವಾನಿ ಪ್ರಕಾಶ್ ಅವರಿಗೆ. ಹೀಗಾಗಿ ಧಾರಾವಾಹಿಯಲ್ಲಿ ದುಷ್ಮನ್ ಆದವರು ಕೂಡ ರಿಯಲ್ ಲೈಫ್‌ನಲ್ಲಿ ಅವರಿಗೆ ಫ್ರೆಂಡ್ ಆಗದೆ ಇರುವುದಿಲ್ಲ.