Don't Miss!
- Sports 2024ರ ಟಿ20 ವಿಶ್ವಕಪ್ ರಾಯಭಾರಿಯಾಗಿ ಒಲಿಂಪಿಕ್ ಐಕಾನ್ ಉಸೇನ್ ಬೋಲ್ಟ್ ನೇಮಕ
- Automobiles Honda: ಹೊಸ ಮೈಲಿಗಲ್ಲು: ಈ ಭಾಗಗಳಲ್ಲಿ ಹೋಂಡಾ ದ್ವಿಚಕ್ರ ವಾಹನಗಳ ಅಬ್ಬರ
- Finance ಒಂದೇ ವರ್ಷದಲ್ಲಿ 210 ಕೋಟಿ ರೂ. ಆದಾಯ ಗಳಿಸಿದ ಭಾರತದಲ್ಲಿನ ಆಪಲ್ ಸ್ಟೋರ್ಗಳು
- News Subrahmanya Dhareshwara: ಖ್ಯಾತ ಭಾಗವತ ಸುಬ್ರಹ್ಮಣ್ಯ ಧಾರೇಶ್ವರ ವಿಧಿವಶ
- Technology ರೆಡ್ಮಿ ಸಂಸ್ಥೆಯ ಈ ಅಗ್ಗದ ಫೋನಿನ ಆಫರ್ ಬೆಲೆ ತಿಳಿದ್ರೆ, ನೀವು ವಾವ್ ಅಂತೀರಾ!
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ದೇವಿಯೋ.ಸಜ್ಜನೋ 'ಕೆಬಿಸಿ 6' ಸೆಪ್ಟಂಬರ್ 7ರಿಂದ
ಆರ್ಥಿಕ ಸಂಕಷ್ಟದಲ್ಲಿ ಸಿಲುಕಿ ಹಿನ್ನಡೆ ಅನುಭವಿಸಿದ್ದ ಸೂಪರ್ ಸ್ಟಾರ್ ಅಮಿತಾಬ್ ಬಚ್ಚನ್ ಜೀವನಕ್ಕೆ ಸಂಜೀವಿನಿಯಾಗಿದ್ದು ಕೌನ್ ಬನೇಗಾ ಕರೋಡ್ ಪತಿ ಕಾರ್ಯಕ್ರಮ. ಈ ಗೇಂ ಶೋ ಅನ್ನು ಸ್ಟಾರ್ ಪ್ಲಸ್ ಚಾನೆಲ್ 2000 ಇಸವಿಯಲ್ಲಿ ಪ್ರಾರಂಭಿಸಿತು. ಬ್ರಿಟನ್ ನಲ್ಲಿ ಜನಪ್ರಿಯವಾಗಿದ್ದ 'Who Wants to be Millionaire' ಕಾರ್ಯಕ್ರಮವನ್ನು ಹಿಂದಿ ಭಾಷೆಯ ಮೂಲಕ ಸ್ಟಾರ್ ವಾಹಿನಿ ನಮ್ಮ ದೇಶಕ್ಕೆ ಪರಿಚಯಿಸಿತು.
ತನ್ನ ವಿಶಿಷ್ಟವಾದ ನಿರೂಪಣಾ ಶೈಲಿ, ಮ್ಯಾನರಿಸಂ ನಿಂದ ಈ ಗೇಂ ಶೋ ಅಮಿತಾಬ್ ಅವರಿಗೆ ಯಾವ ಮಟ್ಟದ ಜನಪ್ರಿಯತೆ ತಂದು ಕೊಟ್ಟಿತ್ತು ಅಂದರೆ ಅವರ ಸಿನಿಮಾ ಜೀವನದಲ್ಲಿ ಹಿಂದಿರುಗಿ ನೋಡಲಾಗದಷ್ಟು ಅಮಿತಾಬ್ ಗಗನದೆತ್ತರಕ್ಕೆ ಬೆಳೆದು ಬಿಟ್ಟರು.
ಈಗ ಸೋನಿ ಎಂಟರ್ಟೈನ್ಮೆಂಟ್ ವಾಹಿನಿ 'ಕೆಬಿಸಿ 6' ಎನ್ನುವ ಹೆಸರಿನಲ್ಲಿ ಗೇಂ ಶೋ ಆರಂಭಿಸುತ್ತಿದೆ. ಮತ್ತೆ ನಿರೂಪಕರಾಗಿ ಅಮಿತಾಬ್ ಬಚ್ಚನ್ ಕಾಣಿಸಿಕೊಳ್ಳಲಿದ್ದು ಈ ಕಾರ್ಯಕ್ರಮ ಸೆಪ್ಟಂಬರ್ 7ರಿಂದ ಆರಂಭವಾಗಲಿದೆ. ಗೇಂ ಶೋನ ಮೊದಲ ಚಿತ್ರೀಕರಣ ಗುರುವಾರದಿಂದ (ಆ 23) ಮುಂಬೈ ಫಿಲಂ ಸಿಟಿಯಲ್ಲಿ ಆರಂಭವಾಗಲಿದೆ.
'ದೇವಿಯೋ.. ಸಜ್ಜನೋ .. ನಮಸ್ಕಾರ್' ಎಂದು ಕಾರ್ಯಕ್ರಮ ಆರಂಭಿಸುವ ಅಮಿತಾಬ್ ಅವರ ಹಿಂದಿ ಉಚ್ಚಾರಣೆ ಸರಳ ಮತ್ತು ಸ್ಪಷ್ಟ. ಈ 90 ನಿಮಿಷದ ಕಾರ್ಯಕ್ರಮದ ಬಗ್ಗೆ ಈಗಾಗಲೇ ಜನ ಬಹಳ ಉತ್ಸುಕರಾಗಿದ್ದಾರೆ. ಪ್ರತಿ ಶುಕ್ರವಾರದಿಂದ ಭಾನುವಾರದವರೆಗೆ ರಾತ್ರಿ 8.30ಕ್ಕೆ ಈ ಕಾರ್ಯಕ್ರಮ ಪ್ರಸಾರವಾಗಲಿದೆ.
ಕಾರ್ಯಕ್ರಮಕ್ಕೆ ಭಾಗವಹಿಸಲು ಕನಿಷ್ಠ 18 ವರ್ಷವಾಗಿರಬೇಕು ಮತ್ತು ಭಾರತೀಯರಾಗಿರಬೇಕು. ಈ ಕಾರ್ಯಕ್ರಮವನ್ನು ಕ್ರಿಯೇಟ್ ಮಾಡಿದವರು ಸಿದ್ದಾರ್ಥ್ ಬಸು ಮತ್ತು ಬಿಗ್ ಸಿನರ್ಜಿ ಪ್ರೊಡಕ್ಷನ್ ಕಾರ್ಯಕ್ರಮದ ಆಯೋಜಕರು.
ನಿಮ್ಮೆಲ್ಲರ ಸಹಕಾರದಿಂದ 'ಕೆಬಿಸಿ 5' ಗೇಂ ಶೋ ಸಂಪೂರ್ಣ ಯಶಸ್ವಿಯಾಗಿತ್ತು. ಮತ್ತೆ ಕೆಬಿಸಿ 6 ಮೂಲಕ ಸೋನಿ ವಾಹಿನಿಯಲ್ಲಿ ಬರಲಿದ್ದೇನೆ, ನಿಮ್ಮ ಸಹಕಾರವಿರಲಿ ಎಂದು ಅಮಿತಾಬ್ ಟ್ವೀಟ್ ಮಾಡಿದ್ದಾರೆ. 2000 ಇಸವಿಯಿಂದ 2007ರ ವರೆಗೆ ಸ್ಟಾರ್ ಪ್ಲಸ್ ಈ ಕಾರ್ಯಕ್ರಮವನ್ನು ಪ್ರಸಾರ ಮಾಡಿದ್ದರೆ, 2010 ರಿಂದ ಸೋನಿ ವಾಹಿನಿ ಪ್ರಸಾರ ಮಾಡುತ್ತಿದೆ.
15.08.2011 ರಲ್ಲಿ ಆರಂಭವಾಗಿದ್ದ ಕೆಬಿಸಿ 5 ಕಾರ್ಯಕ್ರಮ ಭಾರೀ ಜನಪ್ರಿಯಗೊಂಡು ಕಿರುತೆರೆ ಟಿಆರ್ಪಿಯಲ್ಲಿ ಹೊಸ ದಾಖಲೆಯನ್ನೇ ಸೃಷ್ಟಿಸಿತ್ತು. ಇದೆ ಸ್ಪೂರ್ತಿಯಿಂದ ಕನ್ನಡ, ತಮಿಳು, ಮಲಯಾಳಂ ಭಾಷೆಗಳಲ್ಲಿ ಕೂಡಾ ಈ ಗೇಂ ಶೋ ಪ್ರಸಾರ ಕಂಡಿತು. ಪುನೀತ್ ರಾಜಕುಮಾರ್ ನಿರೂಪಕರಾಗಿದ್ದ 'ಕನ್ನಡದ ಕೊಟ್ಯಾಧಿಪತಿ' ಕಾರ್ಯಕ್ರಮ ಪ್ರಚಂಡ ಯಶಸ್ಸು ಕಂಡಿತ್ತು.