ಕನ್ನಡ ಕಿರುತೆರೆಯಲ್ಲೂ ಬಂದೆ ಬಿಡ್ತು ಕೆಜಿಎಫ್ ಚಾಪ್ಟರ್ 1.!

ಕಲರ್ಸ್ ಕನ್ನಡದಲ್ಲಿ ಕೆಜಿಎಫ್

ಕೆಜಿಎಫ್ ಚಿತ್ರದ ಟಿವಿ ಹಕ್ಕು ಯಾರು ಖರೀದಿಸಿರಬಹುದು ಎಂಬ ಕುತೂಹಲ ಅನೇಕರನ್ನ ಕಾಡ್ತಿತ್ತು. ಜೀ ಕನ್ನಡ ಅಥವಾ ಕಲರ್ಸ್ ಕನ್ನಡ ಅಥವಾ ಉದಯ ಟಿವಿ ಅಂತ ಗೆಸ್ ಮಾಡ್ತಿದ್ರು. ಇದೀಗ, ಕೆಜಿಎಫ್ ಚಿತ್ರ ಕಲರ್ಸ್ ಕನ್ನಡ ಪಾಲಾಗಿರುವುದು ಖಚಿತವಾಗಿದ್ದು, ರಿಲೀಸ್ ಪ್ರೋಮೋ ಟೆಲಿಕಾಸ್ಟ್ ಆಗ್ತಿದೆ.

ಕ್ರೇಜ್ ಕಮ್ಮಿಯಾಗಿಲ್ಲ

ಕೆಜಿಎಫ್ ಸಿನಿಮಾವನ್ನ ಥಿಯೇಟರ್ ನಲ್ಲಿ ನೋಡಿದ್ದಾರೆ, ಅಮೇಜಾನ್ ಪ್ರೈಮ್ ನಲ್ಲಿ ನೋಡಿದ್ದಾರೆ. ಇನ್ನು ಕೆಲವರು ಮೊಬೈಲ್ ನಲ್ಲಿ ಕೂಡ ನೋಡಿದ್ದಾರೆ. ಈಗ ಟಿವಿಯಲ್ಲಿ ಬರ್ತಿದೆ ಅಂದಿದ್ದಕ್ಕೆ ಅಲ್ಲಿಯೂ ನೋಡ್ತೀವಿ ಎಂಬ ಕ್ರೇಜ್ ಇನ್ನು ಇದೆ. ಹಾಗಾಗಿ, ಕೆಜಿಎಫ್ ಪ್ರಸಾರದ ದಿನ ಟಿಆರ್ ಪಿ ಹೆಚ್ಚಬಹುದು.

50 ದಿನದಿಂದ ನೂರು ಕಡೆಗೆ

ರಾಜ್ಯದ ಹಲವು ಚಿತ್ರಮಂದಿರದಲ್ಲಿ ಕೆಜಿಎಫ್ ಪ್ರದರ್ಶನವಾಗ್ತಿದ್ದು, ಕೆಲವು ಸೆಂಟರ್ ನಲ್ಲಿ ನೂರು ದಿನ ಮುಂದುವರಿಯುವ ಸಾಧ್ಯತೆ ಇದೆ. ಕೆಲಕ್ಷನ್ ನಲ್ಲಿ ನೂತನ ಇತಿಹಾಸ ನಿರ್ಮಿಸಿರುವ ಕೆಜಿಎಫ್ ಒಟ್ಟಾರೆ 200 ಕೋಟಿ ಗಳಿಕೆ ಕಂಡಿದೆಯಂತೆ.

ಶಿವರಾತ್ರಿ ಅಥವಾ ಯುಗಾದಿ

ಸದ್ಯ ಕೆಜಿಎಫ್ ಸಿನಿಮಾ ಪ್ರಸಾರ ದಿನ ಅಧಿಕೃತವಾಗಿಲ್ಲ. ಯಾವುದಾದರೂ ವಿಶೇಷ ದಿನದಂದು ಕೆಜಿಎಫ್ ಟೆಲಿಕಾಸ್ಟ್ ಆಗಬಹುದು ಎಂಬ ನಿರೀಕ್ಷೆ. ಹಾಗ್ನೋಡಿದ್ರೆ, ಮಾರ್ಚ್ 4 ರಂದು ಶಿವರಾತ್ರಿ ಹಬ್ಬವಿದೆ. ಏಪ್ರಿಲ್ ಮೊದಲ ವಾರದಲ್ಲಿ ಯುಗಾದಿ ಹಬ್ಬವಿದೆ. ಹಾಗಾಗಿ, ಈ ಎರಡರಲ್ಲಿ ಒಂದು ದಿನ ಕೆಜಿಎಫ್ ಪ್ರಸಾರವಾಗಬಹುದು.