Don't Miss!
- Finance April 25 Gold Rate: ಇಂದಿನ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರ ಎಷ್ಟಿದೆ ತಿಳಿಯಿರಿ
- Lifestyle ಬೆಳ್ಳುಳ್ಳಿ ಕಬಾಬ್ ಅಂದುಕೊಂಡ್ರಾ? ಇದು ಚಿಕನ್ ರುಚಿಯ ಹೂವಿನ ಫ್ರೈ..!
- Sports 2009ರ ಐಪಿಎಲ್ ಫೈನಲ್ನಲ್ಲಿ ಆರ್ಸಿಬಿ ಸೋಲಲು ಕಾರಣ ತಿಳಿಸಿದ ಅನಿಲ್ ಕುಂಬ್ಳೆ
- News Srivari Seva: ತಿರುಮಲ ಶ್ರೀವಾರಿಯ ಸೇವಕರಾಗಲು ಒಂದು ಅದ್ಭುತ ಅವಕಾಶ.. ಕೂಡಲೇ ಬುಕ್ ಮಾಡಿ
- Automobiles XUV300: ಮಹೀಂದ್ರಾ ಎಕ್ಸ್ಯುವಿ300 ಕಾರನ್ನು ನಿಮ್ಮ ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Technology OnePlus: ಒನ್ಪ್ಲಸ್ ವಾಚ್ 2 ನಾರ್ಡಿಕ್ ಬ್ಲೂ ಆವೃತ್ತಿ ಲಾಂಚ್! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಲಕ್ಷ್ಮೀ ಬಾರಮ್ಮ' ಹೋಗ್ತಾಳೆ, 'ಕನ್ನಡತಿ' ಬರ್ತಾಳೆ: ಮತ್ತೆ 'ಪುಟ್ಟಗೌರಿ' ಹವಾ ಶುರು.!
Recommended Video
ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಜನಪ್ರಿಯತೆ ಪಡೆದ ಮೆಗಾ ಸೀರಿಯಲ್ ಗಳಾದ 'ಪುಟ್ಟಗೌರಿ ಮದುವೆ', 'ಅಗ್ನಿಸಾಕ್ಷಿ', 'ರಾಧಾ ರಮಣ' ಮುಕ್ತಾಯಗೊಂಡಿದೆ. ಈಗ ಇದೇ ಸಾಲಿಗೆ ಸೇರುತ್ತಿರುವ ಮತ್ತೊಂದು ಸೀರಿಯಲ್ 'ಲಕ್ಷ್ಮೀ ಬಾರಮ್ಮ'.
ಆರುವರೆ ವರ್ಷಗಳಿಂದ, 2100ಕ್ಕೂ ಹೆಚ್ಚು ಸಂಚಿಕೆಗಳಿಂದ ಕಿರುತೆರೆ ವೀಕ್ಷಕರನ್ನು ರಂಜಿಸಿರುವ 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ ಇದೀಗ ಕ್ಲೈಮ್ಯಾಕ್ಸ್ ಹಂತ ತಲುಪಿದೆ. ಇದೇ ತಿಂಗಳು (ಜನವರಿ) 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ ಕೊನೆಗೊಳ್ಳಲಿದೆ.
'ಲಕ್ಷ್ಮೀ ಬಾರಮ್ಮ' ಸೀರಿಯಲ್ ಪ್ರಸಾರ ಆಗುತ್ತಿದ್ದ ಸಮಯಕ್ಕೆ 'ಪುಟ್ಟಗೌರಿ ಮದುವೆ' ಖ್ಯಾತಿಯ ರಂಜನಿ ರಾಘವನ್ 'ಕನ್ನಡತಿ'ಯಾಗಿ ಎಂಟ್ರಿ ಕೊಡಲಿದ್ದಾರೆ. ಮುಂದೆ ಓದಿರಿ...
ಮುಕ್ತಾಯವಾಗಲಿದೆ 'ಲಕ್ಷ್ಮೀ ಬಾರಮ್ಮ'
ಅಂತೂ-ಇಂತೂ ಗೊಂಬೆ-ಚಿನ್ನು ಕಥೆಗೆ ಅಂತ್ಯ ಹಾಡುವ ಕಾಲ ಬಂದೇ ಬಿಟ್ಟಿದೆ. ಮುಂದಿನ ವಾರ 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ 'ದಿ ಎಂಡ್' ಆಗಲಿದೆ. ಗೊಂಬೆ ಮತ್ತು ಚಿನ್ನು ಸಮಾಗಮದಿಂದ 'ಲಕ್ಷ್ಮೀ ಬಾರಮ್ಮ'ಗೆ ಹ್ಯಾಪಿ ಎಂಡಿಂಗ್ ಸಿಗಲಿದೆ.
'ಲಕ್ಷ್ಮೀ ಬಾರಮ್ಮ' ಸೀರಿಯಲ್ ಫ್ಯಾನ್ಸ್ ಗೆ ಕಾದಿದೆ ಬಹುದೊಡ್ಡ ಶಾಕಿಂಗ್ ನ್ಯೂಸ್.!
ಹೊಸ ಧಾರಾವಾಹಿ ಶುರು.!
ಇಲ್ಲಿಯವರೆಗೂ 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ ಸಂಜೆ 7.30ಕ್ಕೆ ಪ್ರಸಾರ ಆಗುತ್ತಿತ್ತು. 'ಲಕ್ಷ್ಮೀ ಬಾರಮ್ಮ' ಮುಗಿಯುತ್ತಿದ್ದಂತೆಯೇ, ಅದೇ ಸಮಯಕ್ಕೆ ಜನವರಿ 27 ರಿಂದ ಹೊಸ ಧಾರಾವಾಹಿ 'ಕನ್ನಡತಿ' ಆರಂಭ ಆಗಲಿದೆ.
'ಕನ್ನಡತಿ' ಭುವನೇಶ್ವರಿ ಆಗಿ ಮತ್ತೆ ನಿಮ್ಮ ಮನೆಗೆ ಬರ್ತಿದ್ದಾರೆ ರಂಜನಿ ರಾಘವನ್.!
ಮತ್ತೆ 'ಪುಟ್ಟಗೌರಿ' ಹವಾ
'ಪುಟ್ಟಗೌರಿ ಮದುವೆ' ಧಾರಾವಾಹಿ ಮೂಲಕ ಕನ್ನಡಿಗರ ಮನೆ ಮನಗಳಲ್ಲಿ ಜನಪ್ರಿಯತೆ ಪಡೆದಿದ್ದ ನಟಿ ರಂಜನಿ ರಾಘವನ್. 'ಪುಟ್ಟಗೌರಿ ಮದುವೆ' ಮುಗಿದ ಮೇಲೆ ತೆರೆ ಹಿಂದೆ ಸರಿದು 'ಇಷ್ಟ ದೇವತೆ'ಗೆ ಕ್ರಿಯೇಟಿವ್ ಡೈರೆಕ್ಟರ್, ಸ್ಕ್ರಿಪ್ಟ್ ರೈಟರ್ ಮತ್ತು ಕೋ-ಪ್ರೊಡ್ಯೂಸರ್ ಆಗಿ ಕಾರ್ಯ ನಿರ್ವಹಿಸಿದ್ದ ರಂಜನಿ ರಾಘವನ್ ಇದೀಗ ಮತ್ತೆ 'ಕನ್ನಡತಿ' ಸೀರಿಯಲ್ ಮೂಲಕ ನಿಮ್ಮೆಲ್ಲರ ಮುಂದೆ ಬಂದಿದ್ದಾರೆ. ಅಲ್ಲಿಗೆ, ಕನ್ನಡ ಕಿರುತೆರೆಯಲ್ಲಿ ಮತ್ತೆ ರಂಜನಿ ಹವಾ ಶುರುವಾದ ಹಾಗೆ.!
ಕನ್ನಡ ಟೀಚರ್ ಆಗಿ ರಂಜನಿ
'ಕನ್ನಡತಿ' ಧಾರಾವಾಹಿಯಲ್ಲಿ ಕನ್ನಡ ಟೀಚರ್ ಭುವನೇಶ್ವರಿ ಆಗಿ ರಂಜನಿ ಅಭಿನಯಿಸಿದ್ದಾರೆ. ಹೆಮ್ಮೆಯ ಕನ್ನಡತಿ ಭುವನೇಶ್ವರಿ ಮತ್ತು ದೊಡ್ಡ ಬಿಸಿನೆಸ್ ಮ್ಯಾನ್ ಸುತ್ತ ಸುತ್ತವ ಕಥೆಯೇ 'ಕನ್ನಡತಿ' ಧಾರಾವಾಹಿಯ ಹೂರಣ.