Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಿಗ್ ಬಾಸ್ 'ಫಿಕ್ಸ್ಡ್' ಶೋ ಎಂಬುದಕ್ಕೆ ಸಾಕ್ಷಿ: ಕಂಟ್ರೋಲ್ ರೂಮ್ ನಿಂದ ವಿಡಿಯೋ ಲೀಕ್.!
Recommended Video
ಬಿಗ್ ಬಾಸ್ ಫಿಕ್ಸ್ಡ್ ಶೋ ಎಂಬ ಆರೋಪ ಪ್ರತಿ ವರ್ಷವೂ ಕೇಳಿಬರುತ್ತದೆ. ವಿನ್ನರ್ ಯಾರು ಎಂದು ಮೊದಲೇ ನಿರ್ಧಾರವಾಗಿರುತ್ತದೆ ಎಂಬ ಅನುಮಾನ ಹಲವು ವೀಕ್ಷಕರನ್ನು ಕಾಡುತ್ತಲೇ ಇದೆ.
ಮೊನ್ನೆ ಮೊನ್ನೆಯಷ್ಟೇ ಮುಕ್ತಾಯವಾದ 'ಬಿಗ್ ಬಾಸ್-13'ನಲ್ಲೂ ಕಿರುತೆರೆ ನಟ ಸಿದ್ಧಾರ್ಥ್ ಶುಕ್ಲಾ ವಿನ್ನರ್ ಆಗಿರುವುದು ಹಲವು ವೀಕ್ಷಕರಿಗೆ ಖುಷಿ ಕೊಟ್ಟಿಲ್ಲ. ಕಾಶ್ಮೀರಿ ಮಾಡೆಲ್ ಆಸಿಮ್ ರಿಯಾಝ್ ಗೆ ವೀಕ್ಷಕರ ಬೆಂಬಲ ಇದ್ದರೂ, ವಾಹಿನಿ ಅವರನ್ನು ಗೆಲ್ಲಿಸಿಲ್ಲ. ಹೀಗಾಗಿ, ಸಿದ್ಧಾರ್ಥ್ ಶುಕ್ಲಾ 'ಫಿಕ್ಸ್ಡ್ ವಿನ್ನರ್' ಅಂತಲೇ ಬ್ರ್ಯಾಂಡ್ ಆಗಿದ್ದಾರೆ.
ಬಿಗ್ ಬಾಸ್ ಸೈಡ್ ಎಫೆಕ್ಟ್: 'ಕಲರ್ಸ್ ಟಿವಿ' ಬ್ಯಾನ್ ಮಾಡಿ ಎಂದು ರೊಚ್ಚಿಗೆದ್ದ ನೆಟ್ಟಿಗರು
ಇದಕ್ಕೆ ಪುಷ್ಠಿ ನೀಡುವಂತೆ ವಾಹಿನಿಯ ಪ್ರೋಗ್ರಾಂ ಕಂಟ್ರೋಲ್ ರೂಮ್ ನಿಂದ ಒಂದು ವಿಡಿಯೋ ಲೀಕ್ ಆಗಿದೆ. ಆ ವಿಡಿಯೋ ಕುರಿತ ಹೆಚ್ಚಿನ ಮಾಹಿತಿ ಇಲ್ಲಿದೆ. ಓದಿರಿ...
|
ಲೀಕ್ ಆಗಿರುವ ವಿಡಿಯೋದಲ್ಲಿ ಏನಿದೆ.?
'ಬಿಗ್ ಬಾಸ್-13' ಗ್ರ್ಯಾಂಡ್ ಫಿನಾಲೆಯಂದು ವಿಜೇತರ ಘೋಷಣೆ ಆಗುವ ಸಂದರ್ಭದಲ್ಲಿ, ವಾಹಿನಿಯ ಪ್ರೋಗ್ರಾಂ ಕಂಟ್ರೋಲ್ ರೂಮ್ ನಿಂದ ಒಂದು ವಿಡಿಯೋ ಲೀಕ್ ಆಗಿದೆ. ಆ ವಿಡಿಯೋದಲ್ಲಿ ಮಹಿಳೆಯೊಬ್ಬರು, ''ಸಿದ್ಧಾರ್ಥ್ ಶುಕ್ಲಾ ಮತ್ತು ಆಸಿಮ್ ರಿಯಾಝ್ ಗೆ ಸಮವಾಗಿ ವೋಟ್ಸ್ ಲಭಿಸಿದೆ'' ಎಂದು ಹೇಳುತ್ತಾರೆ.
ಪ್ರಶ್ನೆಗಳ ಸುರಿಮಳೆ
ಸಮನಾಗಿ ವೋಟ್ಸ್ ಸಿಕ್ಕಿದ್ದರೂ, ವಾಹಿನಿಯವರು ಸಿದ್ಧಾರ್ಥ್ ಶುಕ್ಲಾರನ್ನ ಮಾತ್ರ ವಿಜೇತರನ್ನಾಗಿ ಆಯ್ಕೆ ಮಾಡಿದ್ದು ಯಾಕೆ.? ಆಸಿಮ್ ರಿಯಾಝ್ ರನ್ನ ಯಾಕೆ ಪರಿಗಣಿಸಲಿಲ್ಲ.? ಎಂಬ ಪ್ರಶ್ನೆಗಳು ವಿಡಿಯೋ ವೈರಲ್ ಆದ್ಮೇಲೆ ಉದ್ಭವ ಆಗಿದೆ. ಜೊತೆಗೆ 'ಫಿಕ್ಸ್ಡ್ ವಿನ್ನರ್' ಸಿದ್ಧಾರ್ಥ್ ಶುಕ್ಲಾರನ್ನ ವಾಹಿನಿಯವರು ಬೇಕು ಅಂತ ಗೆಲ್ಲಿಸಿದ್ದಾರೆ. 'ಪಬ್ಲಿಕ್ ವಿನ್ನರ್' ಆಸಿಮ್ ರಿಯಾಝ್ ಗೆ ವಾಹಿನಿ ಮನ್ನಣೆ ಕೊಟ್ಟಿಲ್ಲ ಎಂದು ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ.
ಪಕ್ಷಪಾತ ಮಾಡಿದ 'ಬಿಗ್ ಬಾಸ್' ಮೇಲೆ ಮುನಿಸು: ಶೋಗೆ ಸಲ್ಮಾನ್ ಗುಡ್ ಬೈ.?
ಆಸಿಮ್ ರಿಯಾಝ್ ಏನಂತಾರೆ.?
ಇನ್ನೂ 'ಫಿಕ್ಸ್ಡ್ ವಿನ್ನರ್' ಬಗ್ಗೆ ಪ್ರಶ್ನೆ ಕೇಳಿದಾಗ, ''ಆ ತರಹ ಏನೂ ಇಲ್ಲ. ಯಾವುದೂ ಫಿಕ್ಸ್ಡ್ ಇಲ್ಲ. ನಾನು ಇಲ್ಲಿಯವರೆಗೂ ತಲುಪಿದ್ದೀನಿ. ಸಿದ್ಧಾರ್ಥ್ ಗೆದ್ದಿದ್ದಾರೆ. ಇದೆಲ್ಲವೂ ಸಾಧ್ಯವಾಗಿದ್ದು ವೀಕ್ಷಕರ ಪ್ರೀತಿಯಿಂದ'' ಎಂದು ರನ್ನರ್ ಅಪ್ ಆಸಿಮ್ ರಿಯಾಝ್ ಹೇಳಿದ್ದಾರೆ.
ಬಿಗ್ ಬಾಸ್ ಫೈನಲ್ ಫಿಕ್ಸ್ ಎಂದು ಕೆಲಸ ಬಿಟ್ಟ ಯುವತಿ! 'ವಾಹಿನಿ' ಕೊಟ್ಟ ಸ್ಪಷ್ಟನೆ ಏನು?
ವಿನ್ನರ್ ಸಿದ್ಧಾರ್ಥ್ ಶುಕ್ಲಾ ಏನಂತಾರೆ.?
''ಬಿಗ್ ಬಾಸ್' ಮನೆಯಲ್ಲಿ ಕಷ್ಟದ ಹಾದಿ ತುಳಿದು ವಿನ್ನರ್ ಟ್ರೋಫಿ ಪಡೆದುಕೊಂಡಿದ್ದೇನೆ. ಅಂಥದ್ರಲ್ಲಿ ಫಿಕ್ಸ್ಡ್ ವಿನ್ನರ್ ಅಂದ್ರೆ ಬೇಸರ ಆಗುತ್ತೆ. ಇಡೀ ಸೀಸನ್ ನ ಫಾಲೋ ಮಾಡಿದ್ದರೆ, ನನಗೆ 'ಬಿಗ್ ಬಾಸ್' ಪಯಣ ಸುಲಭ ಆಗಿರಲಿಲ್ಲ ಎಂಬುದು ನಿಮಗೆ ಗೊತ್ತಾಗುತ್ತೆ'' ಎಂದು 'ಫಿಕ್ಸ್ಡ್ ವಿನ್ನರ್' ಪಟ್ಟದ ಬಗ್ಗೆ 'ಬಿಗ್ ಬಾಸ್-13' ವಿಜೇತ ಸಿದ್ಧಾರ್ಥ್ ಶುಕ್ಲಾ ಪ್ರತಿಕ್ರಿಯೆ ನೀಡಿದ್ದಾರೆ.