Don't Miss!
- Finance ಭಾರತದ ಮೊದಲ ಬುಲೆಟ್ ರೈಲಿನ ಬ್ಯಾಲೆಸ್ಟ್ಲೆಸ್ ಟ್ರ್ಯಾಕ್ ಸಿಸ್ಟಮ್ ಹಳಿ ಚಿತ್ರ ಬಹಿರಂಗ
- Lifestyle ಮೈ ತೂಕ ಕಡಿಮೆಯಾಗಲು ಈ ಪುದೀನಾ ನೀರು ಸಹಕಾರಿಯೇ? ಇದರ ಇತರ ಪ್ರಯೋಜನಗಳೇನು?
- News Poornachandra Tejaswi: ವಿಸ್ಮಯಲೋಕವನ್ನೇ ತೆರೆದಿಡುವ ತೇಜಸ್ವಿಯವರ ಪುಸ್ತಕಗಳು
- Technology ಬಜೆಟ್ ದರದಲ್ಲಿ ಬೆಸ್ಟ್ 5G ಫೋನ್ ಬೇಕಿದ್ರೆ, ಈ ಲಿಸ್ಟ್ ಒಮ್ಮೆ ಗಮನಿಸಿ!
- Sports Kohli vs Gambhir: ಹೈ-ವೋಲ್ಟೇಜ್ ಪಂದ್ಯದ ಬಗ್ಗೆ ಕೌಂಟರ್ ನೀಡಿದ ದಿನೇಶ್ ಕಾರ್ತಿಕ್
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮನ, ಮನೆ ಎಲ್ಲ ಕಡೆ 'ಮಗಳು ಜಾನಕಿ' ಹಾಡಿನ ಇಂಪು
ಸಿನಿಮಾ ಹಾಡುಗಳ ಮಧ್ಯೆ ಧಾರಾವಾಹಿ ಹಾಡುಗಳು ಕಳೆದು ಹೋಗುತ್ತವೆ. ಅದೇ ಕಾರಣಕ್ಕೊ ಏನೋ ಕೆಲವು ಧಾರಾವಾಹಿಗಳಲ್ಲಿ ಹಾಡುಗಳಿಗೆ ಅಷ್ಟೊಂದು ಪ್ರಾಮುಖ್ಯತೆಯನ್ನು ನೀಡುವುದಿಲ್ಲ. ಆದರೆ, ಈಗೀಗ ಧಾರಾವಾಹಿಗಳಲ್ಲಿಯೂ ತುಂಬ ಒಳ್ಳೆಯ ಶೀರ್ಷಿಕೆ ಗೀತೆಗಳು ಬರುತ್ತಿದೆ.
ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ದೊಡ್ಡ ಮಟ್ಟದ ಮೆಚ್ಚುಗೆ ಗಳಿಸಿರುವ ಹಾಡು 'ಮಗಳು ಜಾನಕಿ' ಹಾಡು. ಈ ಹಾಡಿನ ಇಂಪು ಮನೆ ಮನಕ್ಕೆ ತಂಪು ನೀಡಿದೆ. 'ಮಗಳು ಜಾನಕಿ' ಕಲರ್ಸ್ ಸೂಪರ್ ವಾಹಿನಿಯ ಹೊಸ ಧಾರಾವಾಹಿ ಆಗಿದ್ದು, ಅದರ ಹಾಡು ಈಗ ಸೂಪರ್ ಹಿಟ್ ಆಗಿದೆ.
ನಿರ್ದೇಶಕ ಟಿ.ಎಸ್. ಸೀತಾರಾಮ್ ಈ ಧಾರಾವಾಹಿಯ ಮೂಲಕ ಮತ್ತೆ ಕಿರುತೆರೆಗೆ ಮರಳಿದ್ದಾರೆ. ತಮ್ಮ ಹಿಂದಿನ ಧಾರಾವಾಹಿಗಳಲ್ಲಿಯೂ ಒಳ್ಳೆಯ ಹಾಡುಗಳನ್ನೆ ಆಯ್ಕೆ ಮಾಡಿದ್ದ ಸೀತಾರಾಮ್ ಮತ್ತೊಮ್ಮೆ ಹಾಡಿನ ಮೂಲಕ ಭರವಸೆ ಮೂಡಿಸಿದ್ದಾರೆ. ಇಲ್ಲಿಯೂ 'ಮುಕ್ತ' ಕಾಂಬಿನೇಶನ್ ಮುಂದುವರೆದಿದ್ದು, ವಿಜಯ ಪ್ರಕಾಶ್ ಹಾಡಿಗೆ ಧ್ವನಿಯಾಗಿದ್ದಾರೆ.
ಹಾಡಿಗೆ ಪ್ರವೀಣ್ ಡಿ ರಾವ್ ಸಂಗೀತ ನೀಡಿದ್ದಾರೆ. ಎಚ್.ಎಸ್.ವೆಂಕಟೇಶ್ ಮೂರ್ತಿ ಮತ್ತೊಂದು ಅದ್ಬುತ ಸಾಹಿತ್ಯ ಬರೆದಿದ್ದಾರೆ. ಈ ಸುಂದರ ಹಾಡು ಅದೆಷ್ಟೋ ಮನಸುಗಳಿಗೆ ಹತ್ತಿರ ಆಗಿದೆ. ಅಂದಹಾಗೆ, 'ಮಗಳು ಜಾನಕಿ' ಧಾರಾವಾಹಿ ಜುಲೈ 2 ರಿಂದ ಶುರು ಆಗಲಿದ್ದು, ಸೋಮವಾರ ದಿಂದ ಶುಕ್ರವಾರದ ವರೆಗೆ ರಾತ್ರಿ 9.30ಕ್ಕೆ ಪ್ರಸಾರ ಆಗಲಿದೆ.