ಸಿ.ಎಸ್.ಪಿ ತಲೆಯಲ್ಲಿ ಕೊರೆಯುತ್ತಿದ್ದ ಪ್ರಶ್ನೆಗೆ ಕಡೆಗೂ ಉತ್ತರ ಸಿಕ್ತು.!

ಸಿ.ಎಸ್.ಪಿ ಮನೆಯಲ್ಲಿ ಜಾನಕಿ-ನಿರಂಜನ್

ಮೋಸದ ಮದುವೆ ಬಗ್ಗೆ ಆನಂದ್ ಬೆಳಗೂರು ತನಿಖೆ ಮಾಡುತ್ತಿರುವ ಕಾರಣ, ನಿರಂಜನ್ ಗೆ ಬಂಧನದ ಭೀತಿ ಕಾಡುತ್ತಿದೆ. ಆದ್ರೆ, ನಿರಂಜನ್ ಅರೆಸ್ಟ್ ಆಗುವುದು ಜಾನಕಿಗೆ ಇಷ್ಟವಿಲ್ಲ. ಹೀಗಾಗಿ, ಸಿ.ಎಸ್.ಪಿ ಮುಂದೆ ತಮ್ಮ ಸಮಸ್ಯೆ ಹೇಳಿಕೊಳ್ಳಲು ಜಾನಕಿ ಮತ್ತು ನಿರಂಜನ್ ಮುಂದಾಗಿದ್ದರು.

ಸಿ.ಎಸ್.ಪಿಗೆ ಡೌಟು

ದಿಢೀರ್ ಅಂತ ಮನೆಗೆ ಬಂದ ನಿರಂಜನ್ ಹಾಗೂ ಜಾನಕಿಯ ವರ್ತನೆ ನೋಡಿ ಸಿ.ಎಸ್.ಪಿಗೆ ಅನುಮಾನ ಮೂಡಿತು. ಜಾನಕಿಯ ಗಂಡ ಇದೇ ನಿರಂಜನ್ ಇರಬಹುದಾ ಅಂತ ಸಿ.ಎಸ್.ಪಿ ಯೋಚಿಸುತ್ತಿರುವಾಗಲೇ ಸತ್ಯ ಬಟಾ ಬಯಲಾಯಿತು.

ನಾನೇ ಜಾನಕಿ ಗಂಡ ಎಂದು ಒಪ್ಪಿಕೊಂಡ ನಿರಂಜನ್

ಸಿ.ಎಸ್.ಪಿ ಮುಂದೆ ''ನಾನೇ ಜಾನಕಿ ಗಂಡ'' ಎಂದು ನಿರಂಜನ್ ಒಪ್ಪಿಕೊಂಡರು. ಇದನ್ನು ಕೇಳಿ ಕೋಪಗೊಂಡ ಸಿ.ಎಸ್.ಪಿ, ನಿರಂಜನ್ ಗೆ ಛೀಮಾರಿ ಹಾಕಲು ಶುರು ಮಾಡಿದರು. ಅವಮಾನ ಸಹಿಸದ ಜಾನಕಿ-ನಿರಂಜನ್ ಹೆಚ್ಚು ಮಾತನಾಡದೆ ಹೊರಟರು.

ಮುಂದೇನಾಗುತ್ತೆ.?

ಮಗಳು ಜಾನಕಿಗೆ ಮೋಸ ಮಾಡಿದ ಗಂಡು ಯಾರು ಎಂಬುದು ಸಿ.ಎಸ್.ಪಿಗೆ ಗೊತ್ತಾಗಿದೆ. ಅವರ ಮುಂದಿನ ನಡೆ ಏನು ಎಂಬುದೇ ಸದ್ಯ ವೀಕ್ಷಕರಿಗೆ ಕಾಡುತ್ತಿರುವ ಕುತೂಹಲ.