ತಂದೆ ಸಿ.ಎಸ್.ಪಿ ಮುಂದೆ 'ಮಗಳು ಜಾನಕಿ' ಮದುವೆ.!

ದೂರ ಇರಬೇಕು ಅಂದುಕೊಂಡರೂ ಆಗುತ್ತಿಲ್ಲ.!

ಚಂದು ಭಾರ್ಗಿ ಹಾಗೂ ಕುಟುಂಬದಿಂದ ದೂರ ಇರಬೇಕು ಅಂತ ಸಿ.ಎಸ್.ಪಿ ಎಷ್ಟೇ ಪ್ರಯತ್ನ ಪಟ್ಟರೂ ಸಾಧ್ಯ ಆಗುತ್ತಿಲ್ಲ. ಚಂದು ಭಾರ್ಗಿ ವಿರುದ್ಧ ಒಂದಲ್ಲಾ ಒಂದು ಕೇಸ್ ಸಿ.ಎಸ್.ಪಿ ರನ್ನ ಹುಡುಕಿಕೊಂಡು ಬರುತ್ತಿದೆ. ಇದೀಗ, ಜಾನಕಿ ಕೂಡ ಸಿ.ಎಸ್.ಪಿ ರನ್ನ ಅರಸಿ ಬಂದಿದ್ದಾಳೆ.

ಅಂತೂ ಸಿ.ಎಸ್.ಪಿ ಮನೆ ಸೇರಿದ ಜಾನಕಿ

ಕುಟುಂಬದವರ ಕಣ್ತಪ್ಪಿಸಿ, ದಾರಿ ಮಧ್ಯೆ ಎದುರಾದ ಗಂಡಾಂತರಗಳಿಂದ ತಪ್ಪಿಸಿಕೊಂಡು ಜಾನಕಿ-ಆನಂದ್ ರನ್ನ ಸಿ.ಎಸ್.ಪಿ ಮನೆಗೆ ತಲುಪಿಸುವಲ್ಲಿ ಗೆಳತಿ ಲಕ್ಷ್ಮಿ ಯಶಸ್ವಿ ಆದಳು.

ಸಿ.ಎಸ್.ಪಿ ಮುಂದೆ ಸುಳ್ಳು.!

ಸಿ.ಎಸ್.ಪಿಗೂ ಚಂದು ಭಾರ್ಗಿಗೂ ಆಗ್ಬರಲ್ಲ ಎಂಬ ಸತ್ಯ ಜಾನಕಿಗೆ ಗೊತ್ತು. ಹೀಗಾಗಿ ತಾನು ಚಂದು ಭಾರ್ಗಿ ಮಗಳು ಅಂತ ಸಿ.ಎಸ್.ಪಿ ಹೇಳದೇ ಇರಲು ಜಾನಕಿ ನಿರ್ಧರಿಸಿದಳು. ಅದರಂತೆ ಸಿ.ಎಸ್.ಪಿ ಮುಂದೆ ಲಕ್ಷ್ಮಿ ಸುಳ್ಳು ಹೇಳಿದಳು.

ಕರುಳು ಅರಿಯದೆ.?

''ಕಣ್ಣರಿಯದಿದ್ದರೇನು...ಕರುಳು ಅರಿಯದೇ.?'' ಎಂಬ ಮಾತಿನಂತೆ ಜಾನಕಿಯನ್ನ ನೋಡಿದ ಕೂಡಲೆ ತಂದೆ ಸಿ.ಎಸ್.ಪಿ ಮನದಲ್ಲಿ ಏನೋ ಒಂಥರಾ ತಳಮಳ. ''ನನ್ನ ಹೆಸರು ಚಾರುಲತಾ'' ಅಂತ ಜಾನಕಿ ಸುಳ್ಳು ಹೇಳಿದ್ದು ಸಿ.ಎಸ್.ಪಿಗೆ ಗೊತ್ತಾಯಿತು.

ಸಿ.ಎಸ್.ಪಿ ಮನೆಗೆ ರಶ್ಮಿ

ಇತ್ತ ಜಾನಕಿ ಹಾಗೂ ಆನಂದ್, ಸಿ.ಎಸ್.ಪಿ ಮನೆಗೆ ಹೋಗಿರುವುದು ಚಂದು ಭಾರ್ಗಿ ಹಾಗೂ ರಶ್ಮಿಗೆ ಖಾತ್ರಿ ಆಗಿದೆ. ಹೀಗಾಗಿ, ನೇರವಾಗಿ ಹೋಗಿ ಸಿ.ಎಸ್.ಪಿ ಜೊತೆಗೆ ಮಾತನಾಡಲು ರಶ್ಮಿಗೆ ಚಂದು ಭಾರ್ಗಿ ಸೂಚಿಸಿದ್ದಾರೆ.

ಮುಂದೇನಾಗುತ್ತೋ.?

ಅತ್ತ ಜಾನಕಿ, ಸಿ.ಎಸ್.ಪಿ ಮುಂದೆ ಸುಳ್ಳು ಹೇಳಿರಬಹುದು. ಆದ್ರೆ, ರಶ್ಮಿ ಬಂದ್ಮೇಲೆ ಸಿ.ಎಸ್.ಪಿಗೆ ಸತ್ಯ ಗೊತ್ತಾಗಲೇಬೇಕಲ್ಲವೇ.? ಸಿ.ಎಸ್.ಪಿ ಸಮ್ಮುಖದಲ್ಲಿ 'ಮಗಳು ಜಾನಕಿ' ಮದುವೆ ನಡೆಯುತ್ತಾ.? ಜಾನಕಿಗೆ ಸತ್ಯ ಗೊತ್ತಾಗುತ್ತಾ.? ಉತ್ತರ ಇಂದಿನ ಸಂಚಿಕೆಯಲ್ಲಿ....