ಹೊಸ ತಂತ್ರಜ್ಞಾನದಲ್ಲಿ ಆಕರ್ಷಿಸುತ್ತಿದೆ 'ಮೌನರಾಗ' ಪ್ರೋಮೋ

ಕನ್ನಡ ಕಿರುತೆರೆಯಲ್ಲಿ ಇದೇ ಮೊದಲ ಬಾರಿಗೆ ಇಂಕ್ ಬ್ಲಾಟ್ ಟೆಕ್ನಾಲಜಿ ಬಳಸಿ, ಧಾರವಾಹಿಯ ಪ್ರೋಮೋ ರಿಲೀಸ್ ಆಗಿದೆ. ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಶೀಘ್ರದಲ್ಲೇ ಪ್ರಸಾರವಾಗಲಿರುವ 'ಮೌನರಾಗ' ಧಾರವಾಹಿಗೆ ಈ ರೀತಿ ಪ್ರಮೋಷನ್ ಮಾಡಲಾಗಿದೆ.

ಕಲಾವಿದ ವಿಕ್ರಾಂತ್ ಅವರ ಪ್ರತಿಭೆ ಈ ಪ್ರೋಮೋದಲ್ಲಿ ಅನಾವರಣವಾಗಿದೆ. ಕನ್ನಡಿಗರ ಅಚ್ಚುಮೆಚ್ಚಿನ ಚಿತ್ರ ಸಾಹಿತಿ ಜಯಂತ್ ಕಾಯ್ಕಿಣಿಯವರು ಬರೆದಿರುವ 'ಮೌನರಾಗ'ದ ಶೀರ್ಷಿಕೆ ಗೀತೆ ಭಾವ ತರಂಗ ಸೃಷ್ಟಿಸಿದೆ.

ಮೌನರಾಗದ ಗೀತೆಗೆ ಅಭಿಲಾಷ್ ಮತ್ತು ಜೋಯಿಲ್ ಸಂಗೀತ ನೀಡಿದ್ದು, ಸಿರಿ ಮತ್ತು ಅನನ್ಯ ಪ್ರಕಾಶ್ ಅವರು ದನಿಯಾಗಿದ್ದಾರೆ.

ಇನ್ನುಳಿದಂತೆ ಈ ಧಾರಾವಾಹಿ ಯಾವಾಗ ಪ್ರಸಾರವಾಗಲಿ ಎಂಬ ಮಾಹಿತಿ ಲಭ್ಯವಾಗಿಲ್ಲ. ಆದ್ರೆ, ಅತಿ ಶೀಘ್ರದಲ್ಲೇ ಬರಲಿದೆ ಎಂಬ ಪ್ರೋಮೋ ಈಗಾಗಲೇ ಧಾರಾವಾಹಿ ಪ್ರೇಕ್ಷಕರನ್ನ ಆಕರ್ಷಿಸುತ್ತಿದೆ.