ಹಿಂದಿ ಡೇಟಿಂಗ್ ರಿಯಾಲಿಟಿ ಶೋನಲ್ಲಿ ಫಿನಾಲೆ ತಲುಪಿದ 'ಕಿರಿಕ್' ಸಂಯುಕ್ತ.!

ಗ್ರ್ಯಾಂಡ್ ಫಿನಾಲೆಗೆ ಕಾಲಿಟ್ಟ ಸಂಯುಕ್ತ

ಸ್ಪ್ಲಿಟ್ಸ್ ವಿಲ್ಲಾ-11 ರಿಯಾಲಿಟಿ ಶೋಗೆ ಪದಾರ್ಪಣೆ ಮಾಡಿದ ಮೇಲೆ ಸಂಯುಕ್ತ ಹೆಗ್ಡೆ ಹೆಚ್ಚು ಕ್ಲೋಸ್ ಆಗಿದ್ದು ಶಗುನ್ ಜೊತೆ. ಈಗ ಅದೇ ಶಗುನ್ ಜೊತೆಗೆ ಸಂಯುಕ್ತ ಹೆಗ್ಡೆ ಗ್ರ್ಯಾಂಡ್ ಫಿನಾಲೆಗೆ ಲಗ್ಗೆ ಇಟ್ಟಿದ್ದಾರೆ.

ಸಂಯುಕ್ತ-ಶಗುನ್ ಲವ್ ಸ್ಟೋರಿ

ಸಂಯುಕ್ತ ಹೆಗ್ದೆ ಡಾನ್ಸ್ ನೋಡಿ ಕ್ಲೀನ್ ಬೌಲ್ಡ್ ಆಗಿದ್ದ ಶಗುನ್ ಆಕೆಗಾಗಿ ಲವ್ ಲೆಟರ್ ಅನ್ನೂ ಈ ಶೋನಲ್ಲಿ ಬರೆದಿದ್ದರು. ತಮ್ಮ ಮೇಲೆ ಶಗುನ್ ಇಟ್ಟಿರುವ ಪ್ರೀತಿಗೆ ಸಂಯುಕ್ತ ಕೂಡ ಫಿದಾ ಆಗಿದ್ದರು. ಸೆಮಿ ಫಿನಾಲೆ ಟಾಸ್ಕ್ ನಲ್ಲಿ ಉತ್ತಮ ಪ್ರದರ್ಶನ ಕೊಟ್ಟ ಈ ಜೋಡಿ ಗ್ರ್ಯಾಂಡ್ ಫಿನಾಲೆಯಲ್ಲಿ ಏನ್ ಮಾಡ್ತಾರೋ.?

ಮಾಜಿ ಗೆಳೆಯನ ವಿರುದ್ಧ ಸೆಣಸಲಿರುವ ಸಂಯುಕ್ತ

'ಸ್ಪ್ಲಿಟ್ಸ್ ವಿಲ್ಲಾ-11'ಗೆ ಸಂಯುಕ್ತ ಬಂದ ಮೇಲೆ ಆಕೆಯ ಎಕ್ಸ್ ಬಾಯ್ ಫ್ರೆಂಡ್ ಗೌರವ್ ಕೂಡ ವೈಲ್ಡ್ ಕಾರ್ಡ್ ಎಂಟ್ರಿಕೊಟ್ಟರು. ಸದ್ಯ ಗೌರವ್-ಶೃತಿ ಜೋಡಿ ಮತ್ತು ಸಂಯುಕ್ತ-ಶಗುನ್ ಜೋಡಿ ಗ್ರಾಂಡ್ ಫಿನಾಲೆ ತಲುಪಿದೆ. ಮಾಜಿ ಗೆಳೆಯನ ವಿರುದ್ಧ ಸಂಯುಕ್ತ ಗೆಲುವಿನ ನಗೆ ಬೀರುತ್ತಾರಾ.?

ಪ್ರಸಾರ ಯಾವಾಗ.?

ಸ್ಪ್ಲಿಟ್ಸ್ ವಿಲ್ಲಾ-11 ಗ್ರಾಂಡ್ ಫಿನಾಲೆ ಸಂಚಿಕೆ ಬರುವ ಭಾನುವಾರ ಸಂಜೆ 7 ಗಂಟೆಗೆ ಎಂಟಿವಿಯಲ್ಲಿ ಪ್ರಸಾರವಾಗಲಿದೆ. ರೋಡೀಸ್ ಗೆಲ್ಲದ ಸಂಯುಕ್ತ ಸ್ಪ್ಲಿಟ್ಸ್ ವಿಲ್ಲಾ-11 ಗೆಲ್ತಾರಾ ಎಂಬುದೇ ಸದ್ಯದ ಪ್ರಶ್ನೆ.