'ನಾಗಿಣಿ 2' ಹೀರೋ ನಿನಾದ್, ರಮ್ಯಾ ಮದುವೆ ದಿನಾಂಕ ಫಿಕ್ಸ್: ಇವ್ರ ಲವ್ ಸ್ಟೋರಿಯೆ ಬಲು ಚೆಂದ!

ಮೇ 20ಕ್ಕೆ ರಮ್ಯಾ- ನಿನಾದ್ ಮದುವೆ!

ಸದ್ಯ ಈ ಜೋಡಿಯ ಮದುವೆ ನಿಶ್ಚಿತಾರ್ಥ ಕಾರ್ಯ ನೆರವೇರಿದೆ. ಫೆಬ್ರವರಿ 7ರಂದು ಕುಟುಂಬಸ್ಥರು, ಗುರು ಹಿರಿಯರ ಸಮ್ಮುಖದಲ್ಲಿ ನಿಶ್ಚಿತಾರ್ಥ ನೆರವೇರಿದೆ. ಇದೀಗ ಮದುವೆ ದಿನಾಂಕ ಕೂಡ ನಿಗದಿ ಆಗಿದೆ. ಇದೇ ಮೇ 20ಕ್ಕೆ ಈ ಜೋಡಿ ಸಪ್ತಪದಿ ತುಳಿಯಲಿದೆ. ಬೆಂಗಳೂರಿನಲ್ಲಿಯೇ ಮದುವೆ ನಡೆಯಲಿದೆ. ಅದ್ದೂರಿಯಾಗಿ ನಿನಾದ್, ರಮ್ಯಾ ವೈವಾಹಿಕ ಜೀವನಕ್ಕೆ ಕಾಲಿಡಲಿದ್ದಾರೆ.

ನಯನತಾರ ವಿಘ್ನೇಶ್ ಮದುವೆ: ಗುರುಬಲ ಇಲ್ಲ ಎಂದ ಜ್ಯೋತಿಷಿ!

ನಿನಾದ್ ಬಾಳಿಗೆ ಬೆಳಕಾಗುತ್ತಿದ್ದಾರೆ ರಮ್ಯಾ!

ನಿನಾದ್ ಮದುವೆ ಆಗುತ್ತಿರುವ ಹುಡುಗಿಯ ಹೆಸರು ರಮ್ಯಾ. ಇವರಿಗೆ ಸಿನಿಮಾ, ಸೀರಿಯಲ್ ನಂಟಿಲ್ಲ. ಅವರು ಸೀದಾ ಸಾದ ಸಿ.ಎ ಓದುತ್ತಿರುವ ಹುಡುಗಿ‌. ಇಬ್ಬರಿಗೂ ಹಲವು ವರ್ಷಗಳಿಂದ ಪರಿಚಯ ಇದ್ದು, ಮನೆಯವರ ಒಪ್ಪಿಗೆಯ ಮೇರೆಗೆ ಅರೇಂಜ್ ಮ್ಯಾರೇಜ್ ಆಗ್ತಿದ್ದಾರೆ. ಇದು ಲವ್ ಮ್ಯಾರೇಜ್ ಎನ್ನುವುದಕ್ಕಿಂತಲೂ ಅರೇಂಜ್ ಮ್ಯಾರೇಜ್ ಎನ್ನಬಹುದು ಹಾಗೆ ನಡೆಯುತ್ತಿದೆ. ಎನ್ನುತ್ತಾರೆ ನಟ ನಿನಾದ್.

ಬಹುಕಾಲದ ಗೆಳತಿಯೇ, ನಿನಾದ್ ಬಾಳ ಸಂಗಾತಿ!

ನಿನಾದ್ ಅವರು ಹೇಳುವ ಹಾಗೆ. ರಮ್ಯಾ ಮತ್ತು ನಿನಾದ್ ಇಬ್ಬರು ಒಬ್ಬ ಕಾಮನ್ ಫ್ರೆಂಡ್ ಮೂಲಕ ಪರಿಚಯ ಆಗಿದ್ದಾರೆ. ನಂತರ ಅವರ ಸ್ನೇಹ ಪ್ರೀತಿಯಾದ ಬಳಿಕ , ಇಬ್ಬರೂ ಒಟ್ಟಿಗೆ ಕೂಡಿ ಬಾಳಲು ನಿರ್ಧರಿಸಿದ್ದಾರೆ. ಇಬ್ಬರ ಮನೆಯಲ್ಲೂ ಇವರ ಪ್ರೀತಿಗೆ ಗ್ರೀನ್ ಸಿಗ್ನಲ್ ಸಿಕ್ಕಿದೆ. ಈಗ ಈ ಜೋಡಿ ವೈವಾಹಿಕ ಬಾಳಿಗೆ ಕಾಲಿಡಲು ಸಜ್ಜಾಗಿದೆ. ರಮ್ಯಾ ಅವರು ಈಗ ಬಾಳ ಸಂಗಾತಿ ಆಗುತ್ತಿರುವ ಬಗ್ಗೆ ನಿನಾದ್ ಅವರು ಸಂತಸ ವ್ಯಕ್ತಪಡಿಸಿದ್ದಾರೆ.

ನಿಕ್ಕಿ ಗಲ್ರಾನಿ, ಆದಿ ಪಿನಿಶೆಟ್ಟಿ ಮದುವೆ ದಿನಾಂಕ ಫಿಕ್ಸ್!

ಮುಂದೆ ಸಿನಿಮಾದಲ್ಲಿ ನಿನಾದ್ ನಟನೆ!

ನಟ ನಿನಾದ್ ಅವರಿಗೆ ಬೇಡಿಕೆ ಹೆಚ್ಚಾಗಿದೆ. ನಾಗಿಣಿ ಧಾರಾವಾಹಿ ಮೂಲಕ ಜನಮನ ಗೆದ್ದ ನಿನಾದ್ ಅವರಿಗೆ ಸಿನಿಮಾ ಮತ್ತು ವೆಬ್ ಸರಣಿಯ ಆಫರ್‌ಗಳು ಬರ್ತಿವೆ. ಆದರೆ ಸದ್ಯ ನಾಗಿಣಿ ಧಾರಾವಾಹಿಯಲ್ಲಿ ನಿನಾದ್ ಬ್ಯೂಸಿ ಇದ್ದಾರೆ. ಹಾಗಾಗಿ ಈ ಧಾರಾವಾಹಿ ಮುಗಿದ ಬಳಿಕ ಹೊಸ ಪ್ರಾಜೆಕ್ಟ್ ಶುರುಮಾಡಲಿದ್ದಾರೆ. ನಾಗಿಣಿ ಧಾರಾವಾಹಿ ಜೊತೆ ಜೊತೆಗೆ ಸಿನಿಮಾದಲ್ಲಿ ನಟಿಸು ಯೋಜನೆಯಲ್ಲಿದ್ದಾರೆ.