ಚರ್ಚ್ ಸ್ಟ್ರೀಟ್‌ನಲ್ಲಿ ನಮ್ರತಾ ಗೌಡ ಭರ್ಜರಿ ಶಾಪಿಂಗ್!

ನಮ್ರತಾ ಫ್ಯಾನ್ ಫಾಲೋಯಿಂಗ್!

ನಟ-ನಟಿಯರನ್ನು ಅಭಿಮಾನಿಗಳು ಸಾಕಷ್ಟು ವಿಚಾರದಲ್ಲಿ ಫಾಲೋ ಮಾಡುತ್ತಾರೆ. ಒಳ್ಳೆಯತನ, ನಟನೆ ಹೀಗೆ ಹಲವು ವಿಚಾರದಲ್ಲಿ ಮಾಡೆಲ್ ಆಗಿರುವ ಸೆಲೆಬ್ರೆಟಿಗಳು ಸ್ಟೈಲ್ ವಿಚಾರದಲ್ಲೂ ಮಾದರಿಯಾಗುತ್ತಾರೆ. ಆ ವಿಚಾರದಲ್ಲಿ ನಮ್ರತಾ ಎಲ್ಲರಿಗೂ ತುಂಬಾನೇ ಇಷ್ಟವಾಗುತ್ತಾರೆ. ಅವರ ಡ್ರೆಸ್ಸಿಂಗ್ ಸೆನ್ಸ್ ಸಿಕ್ಕಾಪಟ್ಟೆ ಅದ್ಭುತವಾಗಿದೆ. ಅವರ ಒಂದೊಂದು ಸ್ಟೈಲ್ ತುಂಬಾ ಇಂಪ್ರೆಸ್ ಮಾಡುತ್ತಿದೆ. ಸೀರೆ ಪ್ರಿಯರಿಗೆ ಸೀರೆಯ ವಿಭಿನ್ನತೆ, ಮಾಡ್ರನ್ ಪ್ರಿಯರಿಗೆ ಮಾಡ್ರನ್ ಡ್ರೆಸ್ ನಲ್ಲೂ ಕಾಣಿಸಿಕೊಂಡಿದ್ದಾರೆ.

ಸೋಷಿಯಲ್ ಮಿಡಿಯಾದಲ್ಲಿ ನಮ್ರತಾ ಸಕ್ರಿಯ!

ನಮ್ರತಾ ಗೌಡಗೆ ಸಿಕ್ಕಾಪಟ್ಟೆ ಅಭಿಮಾನಿ ಬಳಗವೂ ಇದೆ. ಅವರಿಗಾಗಿಯೇ ಫ್ಯಾನ್ ಪೇಜ್ ಕೂಡ ಕ್ರಿಯೇಟ್ ಆಗಿವೆ. ಧಾರಾವಾಹಿಯಲ್ಲಿ ಬ್ಯುಸಿ ಇರುವ ನಟಿ ಆಗಾಗ ತಮ್ಮ ಫಾಲೋವರ್ಸ್ ಖುಷಿಯಾಗುವಂತ ಸಂದೇಶಗಳನ್ನು ಹಂಚಿಕೊಳ್ಳುತ್ತಾ ಇರುತ್ತಾರೆ. ಬಿಡುವಿನ ವೇಳೆಯಲ್ಲಿ ಏನೆಲ್ಲಾ ಮಾಡುತ್ತೀವಿ, ಫ್ರೆಂಡ್ಸ್ ಯಾರು, ಎಲ್ಲೆಲ್ಲಾ ಟ್ರಿಪ್ ಹೋಗ್ತೀವಿ, ಇಂಡಸ್ಟ್ರಿಯಲ್ಲಿ ಯಾರು ಇಷ್ಟ ಹೀಗೆ ಅನೇಕ ಸಂಗತಿಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಇದೀಗ ಚರ್ಚ್ ಸ್ಟ್ರೀಟ್ ನಲ್ಲಿ ಶಾಪಿಂಗ್ ಮಾಡಿದ್ದಾರೆ. ಇದರ ವೀಡಿಯೋವನ್ನು ಇದೀಗ ತಮ್ಮ ಯೂಟ್ಯೂಬ್ ಚಾನೆಲ್ ನಲ್ಲಿ ಅಪ್ ಲೋಡ್ ಮಾಡಿದ್ದಾರೆ.

ನಮ್ರತಾ ಯೂಟ್ಯೂಬ್ ಚಾನೆಲ್!

ನಾಲ್ಕು ತಿಂಗಳ ಹಿಂದೆ ಯೂಟ್ಯೂಬ್ ಚಾನೆಲ್ ಅನ್ನು ನಮ್ರತಾ ಗೌಡ ಅವರು ತೆರೆದರು. ತಮಗಿರುವ ಆಸೆ, ಅನಿಸಿಕೆ, ದೈನಂದಿನ ಚಟುವಟಿಕೆಗಳನ್ನೆಲ್ಲಾ ಆ ಯೂಟ್ಯೂಬ್ ನಲ್ಲಿ ಹಾಕಿಕೊಂಡು ಫ್ಯಾನ್ಸ್ ಗೆ ಇನ್ನು ಹತ್ತಿರವಾಗುತ್ತಿದ್ದಾರೆ. ಜಯನಗರದಲ್ಲಿ ಶಾಪಿಂಗ್, ಕಾಶ್ಮೀರ್, ಥೈಲ್ಯಾಮಡ್ ಗೋವಾ ಟ್ರಿಪ್, ಹೋಮ್ ಡೆಕೋರ್, ಹೇರ್ ಕೇರ್ ವೀಡಿಯೋ ಮಾಡಿ ಅಪ್ ಲೋಡ್ ಮಾಡಿದ್ದಾರೆ. ತಮ್ಮ ಧಾರಾವಾಹಿಯಿಲ್ಲದ ಬಿಡುವಿನ ವೇಳೆಯಲ್ಲಿ ಯೂಟ್ಯೂಬ್ ಗಾಗಿ ಸಮಯ ನೀಡುತ್ತಿದ್ದಾರೆ. ನಮ್ರತಾ ಅವರನ್ನು ಇನ್ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡುವವರ ಸಂಖ್ಯೆ ಹೆಚ್ಚಾಗಿದೆ. ರೀಲ್ಸ್ ನೋಡಿ ಖುಷಿ ಪಡುತ್ತಿದ್ದವರು ಇದೀಗ, ಯೂಟ್ಯೂಬ್ ನಲ್ಲಿ ಮತ್ತಷ್ಟು ವೆರೈಟಿ ವಿಡಿಯೋಗಳನ್ನು ನೋಡುತ್ತಿದ್ದಾರೆ.

ಚರ್ಚ್ ಸ್ಟ್ರೀಟ್ ನಲ್ಲಿ ಶಾಪಿಂಗ್!

ಇದೀಗ ನಮ್ರತಾ ಗೌಡ ಚರ್ಚ್ ಸ್ಟ್ರೀಟ್‌ನಲ್ಲಿ ಶಾಪಿಂಗ್ ಮಾಡಿದ್ದಾರೆ. ಚರ್ಚ್ ಸ್ಟ್ರೀಟ್‌ನಲ್ಲಿ ಏನೆಲ್ಲಾ ಸಿಗುತ್ತದೆ ಎಂದು ವೀಡಿಯೋ ಮಾಡಿದ್ದು, ಅವರು ಕೂಡ ಕೆಲ ವಸ್ತುಗಳನ್ನು ಶಾಪಿಂಗ್ ಮಾಡಿದ್ದಾರೆ. ಮೊದಲಿಗೆ ಇಷ್ಟ ಪಟ್ಟು ಶುಗರ್ ಕ್ಯಾಂಡಿ ಅನ್ನು ಖರೀದಿಸಿ ತಿಂದ ನಮ್ರತಾ ನಂತರ ಹ್ಯಾಟ್ ಪರ್ಚೇಸ್ ಮಾಡಿದರು. ಬಳಿಕ ಬ್ಯಾಗ್ ಅಂಗಡಿಗೆ ಹೋದರು. ಹೀಗೆ ಡೆನಿಮ್ಸ್, ಮ್ಯೂಸಿಕ್ ಭಾರಿಸುವ ವಸ್ತು ಸೇರಿದಂತೆ ಕೆಲ ವಸ್ತುಗಳನ್ನು ಶಾಪ್ ಮಾಡಿದರು. ಇದನ್ನು ಯೂಟ್ಯೂಬ್‌ನಲ್ಲಿ ಅಪ್ ಲೋಡ್ ಮಾಡಿದ್ದಾರೆ.