Namma Lacchi: ಲಚ್ಚಿಯ ತಂದೆ ಹೆಸರೇಳಿ ಗಿರಿಜಾಳ ಬಾಯಿ ಮುಚ್ಚಿಸಿದ ಶಾಂತಾ..!

ಇನ್ನು ಗಿರಿಜಾಳ ಸಂಕಷ್ಟ ಜಾಸ್ತಿ..!

ಗಿರಿಜಾ ತನ್ನ ಎದೆಯೊಳಗೆ ಕೆಂಡದಂತಹ ಸತ್ಯವನ್ನು ಮುಚ್ಚಿಟ್ಟುಕೊಂಡಿದ್ದಾಳೆ. ಸಂಗಮ್ ಸಾತನೂರ್ ಕನ್ನಡದಲ್ಲಿಯೇ ಅತಿ ಫೇಮಸ್ ಸಿಂಗರ್. ಸಂಗಮ್ ಹಾಡು ಎಂದರೆ ಎಲ್ಲರೂ ತಣ್ಣಗಾಗಿ ಕೂತು ಬಿಡುತ್ತಾರೆ. ಆದರೆ ಆತನೆ ಲಚ್ಚಿಯ ಅಪ್ಪ ಅನ್ನೋದು ಇಡೀ ಊರಲ್ಲಿ ಯಾರಿಗೂ ಗೊತ್ತಿಲ್ಲ. ಊರಿಗೆ ಇರಲಿ ಲಚ್ಚಿಗೂ ಗೊತ್ತಿಲ್ಲ. ಆದ್ರೆ ಲಚ್ಚಿಯ ಮಾವ, ಗಿರಿಜಾಳ ಅಣ್ಣ ಯಾವುದೋ ನಿದ್ದೆ ಕಣ್ಣಿನಲ್ಲಿ ಹೇಳಿದ ಸತ್ಯ ಇಂದು ಶಾಂತಾಳ ಅಸ್ತ್ರವಾಗಿ ಬದಲಾಗಿದೆ. ಗಿರಿಜಾಳನ್ನು ಕೈಗೊಂಬೆ ಮಾಡಿಕೊಂಡಿದ್ದಾಳೆ.

ತಾಯಿ ಮಾತನ್ನೇ ಮೀರಿಸಿತು ಸಂಗೀತ..!

ಲಚ್ಚಿಗೆ ಸಂಗೀತ ತಂದೆಯಿಂದಾನೇ ಒಲಿದು ಬಂದಿದೆ. ಆದರೆ, ಅದಕ್ಕಾಗಿ ಮನೆಯಲ್ಲಿ ಯುದ್ಧವೇ ನಡೆಯುತ್ತಿದೆ. ಸಂಗೀತದ ವಿಚಾರಕ್ಕೆ ಗಿರಿಜಾ ತನ್ನ ಮಗಳು ಲಚ್ಚಿಯನ್ನು ಮಾತಿನ ನಂಬಿಕೆಯಿಂದ ಕಟ್ಟು ಹಾಕಿದ್ದಳು. "ಮಾರವ್ವನ ಗುಡಿ ಮುಂದೆ ದೀಪ ಹಚ್ಚಿ ಬರುವ ತನಕ ಈ ಗೆರೆ ದಾಟಬಾರದು" ಎಂದು ಗಿರಿಜಾ ತಾಕೀತು ಮಾಡಿ ಹೋಗಿದ್ದಳು. ಆದರೆ, ಲಚ್ಚಿಗೆ ಅವರ ಅಪ್ಪ ಅಂದ್ರೆ ಸಂಗಮ್ ಹಾಡು ಎಂದರೆ ಮೈಮರೆತು ಹೊರಟೆ ಬಿಡುತ್ತಾಳೆ. ಅದರಂತೆ ಸಂಗಮ್ ಸಾತನೂರು ಧ್ವನಿಗೆ ಮೈಮರೆತು ಗೆರೆಯನ್ನು ದಾಟಿ ಹೊರಟೆ ಬಿಟ್ಟಳು.

ಕಾರ್ಯಕ್ರಮದಲ್ಲಿ ಹಾಡಿಯೇ ಬಿಟ್ಟಳು ಲಚ್ಚಿ..!

ಗಿರಿಜಾಗೆ ಇದನ್ನು ನಂಬುವುದಕ್ಕೆ ಆಗುತ್ತಿಲ್ಲ. ಮಗಳು ವೇದಿಕೆ ಮೇಲೆ ಹಾಡುತ್ತಿದ್ದನ್ನು ನೋಡಿ, ಕೆಮ್ಮು ಜಾಸ್ತಿಯಾಗಿದೆ. ಅವ್ವನ ಕೆಮ್ಮು ಕೇಳಿಸಿಕೊಂಡು ಮಗಳು ವೇದಿಕೆಯಿಂದ ಹಾಡುವುದನ್ನು ನಿಲ್ಲಿಸಿ ಓಡೋಡಿ ಬಂದಿದ್ದಾಳೆ. ಅವ್ವನನ್ನು ಅಪ್ಪಿಕೊಂಡು ತಪ್ಪಾಯ್ತು ಎಂದು ಕೇಳಿದ್ದಾಳೆ. ಇನ್ಯಾವತ್ತು ಹಾಡುವುದಿಲ್ಲ ಎಂದು ಬೇಡಿಕೊಂಡಿದ್ದಾಳೆ. ಆದರೆ ಗಿರಿಜಾಗೆ ಏನು ಮಾಡಬೇಕು ಎಂಬುದು ಗೊತ್ತಾಗುತ್ತಿಲ್ಲ. ಸುಮ್ಮನೆ ಕಣ್ಣೀರು ಹಾಕಿದ್ದಾಳೆ.

ಗಿರಿಜಾಳ ವೀಕ್ನೆಸ್ ತಿಳಿದ ಶಾಂತಾ..!

ಶಾಂತಾಳಿಗೆ ನಾದಿನಿ, ಮಗು ಎಂಬ ಪ್ರೀತಿಗಿಂತ ಅವರನ್ನು ಸಾಕುತ್ತಿರುವುದೇ ಭಾರ ಎಂದುಕೊಂಡಿದ್ದಾಳೆ. ತನ್ನ ಮಕ್ಕಳನ್ನು ಒಂದು ರೀತಿಯಾಗಿ ನೋಡಿದರೆ, ಗಿರಿಜಾ ಮತ್ತು ಲಚ್ಚಿಯನ್ನು ಬೇರೆ ರೀತಿಯಾಗಿ ನೋಡುತ್ತಾಳೆ. ಆದರೆ, ಈಗ ಶಾಂತಾ ಬಯಸಿದಂತ ದಿನ ಬಂದಿದೆ. ಲಚ್ಚಿಯ ಅಪ್ಪ ಯಾರು ಎಂಬ ಸತ್ಯ ಗೊತ್ತಾಗಿದೆ. ಅದನ್ನು ಬಂಡವಾಳ ಮಾಡಿಕೊಂಡು ಹಣ ಮಾಡಲು ನಿಂತಿದ್ದಾಳೆ. ಲಚ್ಚಿ ಹಾಡುವುದಕ್ಕೆ ಬಿಡದೆ ಹೋದರೆ ಸಂಗಮ್ ಸಾತನೂರೇ ಅವಳ ಅಪ್ಪ ಅಂತ ಇಡೀ ಊರಿಗೆ ಹೇಳಿ ಬಿಡುತ್ತೀನಿ ಅಂತ ಧಮ್ಕಿ ಹಾಕುತ್ತಿದ್ದಾಳೆ. ಆ ಸತ್ಯ ಬಹಿರಂಗವಾಗಬಾರದು ಎಂಬ ಕಾರಣಕ್ಕೆ ಇರುವುದಕ್ಕೆ ಗಿರಿಜಾ ಮೌನವಾಗಿ ನಿಂತಿದ್ದಾಳೆ.