ಬಿಗ್ ಬಾಸ್ ಸೀಕ್ರೆಟ್ ರೂಂನಲ್ಲಿ ನೀತೂ ಏನ್ಮಾಡ್ತಿದ್ದಾರೆ?

ಈ ಬಾರಿ ಬಿಗ್ ಬಾಸ್ ಮನೆಯಲ್ಲಿ ಆರು ಮಂದಿ ನಾಮಿನೇಟ್ ಆಗಿದ್ದರು. ಮನೆಯಿಂದ ಯಾರು ಹೊರಬೀಳುತ್ತಾರೆ ಎಂದು ಎಲ್ಲರೂ ಕಾತುರದಿಂದ ವೀಕ್ಷಿಸುತ್ತಿದ್ದರೆ, 'ಬಿಗ್ ಬಾಸ್' ಈ ಬಾರಿ ವೀಕ್ಷಕರಿಗೆ ಹೊಸ ವರಸೆ ತೋರಿದ್ದಾರೆ. ನೀತೂ ಎಲಿಮಿನೇಟ್ ಆಗಿದ್ದರೂ ಮನೆಯಲ್ಲೇ ಉಳಿದಿದ್ದಾರೆ.

ಅಂದರೆ ಅವರಿಗೆ ಸೀಕ್ರೆಟ್ ರೂಂ ಕೊಡಲಾಗಿದೆ. ಅಲ್ಲಿ ಟಿವಿ ಇರುತ್ತದೆ. ಹಾಯಾಗಿ ಮಲಗಲು ಮಂಚ ಇದೆ. ಜೊತೆಗೆ ದೈನಂದಿನ ಕ್ರಿಯೆಗಳಿಗೆ ರೂಮುಗಳಿವೆ. ಮನೆಯ ಸದಸ್ಯರು ಏನೆಲ್ಲಾ ಮಾಡುತ್ತಿದ್ದಾರೆ ಎಂಬುದನ್ನು ಮೌನವಾಗಿ ನೋಡುವ ಹಿಂಸೆ ನೀತೂ ಅವರದು. [ಬಿಗ್ ಬಾಸ್ ಮನೆಯಿಂದ ನೀತೂ ಹೊರಕ್ಕೆ..ಆದರೆ]

ಇನ್ನು ನೀತೂ ಅವರು ಯಾರೊಂದಿಗೂ ಮಾತನಾಡುವಂತಿಲ್ಲ. ಎಲ್ಲವನ್ನೂ ಮೌನವಾಗಿ ನೋಡುತ್ತಾ, ಸಾಧ್ಯವಾದರೆ ನಗುತ್ತಾ, ದುಃಖವಾದರೆ ಒಂದೆರಡು ಹನಿ ಕಣ್ಣೀರು ಹರಿಸುತ್ತಾ ಎಲ್ಲವನ್ನೂ ಸಹಿಸಿಕೊಳ್ಳಬೇಕು. ವೀಕ್ಷಕರು ನೀತೂಗೆ ಇದ್ಯಾವ ಹಿಂಸೆ ಎಂದು ಮಾತನಾಡಿಕೊಳ್ಳುತ್ತಿದ್ದಾರೆ.