ಬಿಗ್‌ ಬಾಸ್‌ ಸೈಡ್ ಎಫೆಕ್ಟ್: 'ಕಲರ್ಸ್ ಟಿವಿ' ಬ್ಯಾನ್ ಮಾಡಿ ಎಂದು ರೊಚ್ಚಿಗೆದ್ದ ನೆಟ್ಟಿಗರು

boycottcolorstv ಟ್ರೆಂಡಿಂಗ್

'ಬಿಗ್ ಬಾಸ್ 13ನೇ' ಆವೃತ್ತಿಯ ವಿನ್ನರ್ ಆಗಿ ಸಿದ್ದಾರ್ಥ್ ಶುಕ್ಲಾ ಹೊರಹೊಮ್ಮಿದ್ದಾರೆ. ಸಿದ್ದಾರ್ಥ್ ವಿನ್ನರ್ ಅಂತ ಅನೌನ್ಸ್ ಮಾಡುತ್ತಿದ್ದಂತೆ ಅಭಿಮಾನಿಗಳು ರೊಚ್ಚಿಗೆದ್ದಿದ್ದಾರೆ. ಬಿಗ್ ಬಾಸ್ ಒಂದು ಪಕ್ಷಪಾತದ ಶೋ ಆಗಿದೆ. ಕಲರ್ಸ್ ಟಿವಿ ಚಂದಾದಾರರಾಗಿರುವವರು ಈಗಲೆ ಕ್ಯಾನ್ಸಲ್ ಮಾಡಿ, ಕಲರ್ಸ್ ಟಿವಿಯನ್ನು ಅನ್ ಫಾಲೋ ಮಾಡಿ, boycottcolorstv ಎಂದು ಟ್ರೆಂಡ್ ಮಾಡುತ್ತಿದ್ದಾರೆ.

ಬೇಸರ ತರಿಸಿದ ಸಿದ್ಧಾರ್ಥ್ ಗೆಲುವು

ಈ ಬಾರಿಯ ಬಿಗ್ ಬಾಸ್ ವಿನ್ನರ್ ಆಸಿಮ್ ರಿಯಾಜ್ ಆಗುತ್ತಾರೆ ಎಂದು ಎಲ್ಲರು ಅಂದುಕೊಂಡಿದ್ದರು. ಬಿಗ್ ಮನೆಯಲ್ಲಿದ್ದ ಆಸಿಮ್ ಎಲ್ಲರ ಮನಗೆದ್ದಿದ್ದರು. ಬಹುತೇಕರು ಆಸಿಮ್ ಅವರೆ ವಿನ್ ಆಗುತ್ತಾರೆ ಎಂದು ಅಂದುಕೊಂಡಿದ್ದರು. ಆದರೆ ಕೊನೆಕ್ಷಣದಲ್ಲಿ ಸಿದ್ದಾರ್ಥ್ ಶುಕ್ಲಾ ವಿನ್ ಆಗಿ ಟ್ರೋಫಿ ಗೆದ್ದಿದ್ದಾರೆ. ಇದರಿಂದ ಸಿಟ್ಟಿಗೆದ್ದ ಅಭಿಮಾನಿಗಳು ರಾತ್ರೋರಾತ್ರಿ, ಬಿಗ್ ಬಾಸ್ ವಿರುದ್ಧ, ಸಲ್ಮಾನ್ ಖಾನ್ ವಿರುದ್ದ ಮತ್ತು ಕಲರ್ಸ್ ಟಿವಿ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿ ಟ್ರೆಂಡ್ ಮಾಡಲಾಗುತ್ತಿದೆ.

ಕಾಶ್ಮೀರಿ ಮಾಡೆಲ್ ಆಸಿಮ್

ಆಸಿಮ್ ರಿಯಾಜ್ ಕಾಶ್ಮೀರ ಮೂಲದ ಸ್ಪರ್ಧಿ. ಮಾಡಲಿಂಗ್ ನಲ್ಲಿ ಖ್ಯಾತಿಗಳಿದ್ದ ಆಸಿಮ್ ಈ ಬಾರಿಯ ಬಿಗ್ ಬಾಸ್ ಪ್ರಿಯರ ನೆಚ್ಚಿನ ಸ್ಪರ್ಧಿಯಾಗಿದ್ದರು. "ಬಿಗ್ ಬಾಸ್ ಗೆಲ್ಲುವ ಎಲ್ಲಾ ಅರ್ಹತೆ ಕಾಶ್ಮೀರಿ ಮಾಡೆಲ್ ಗೆ ಇತ್ತು. ಆದರೆ ಕಲರ್ಸ್ ಟಿವಿ ಮೋಸ ಮಾಡಿದೆ. ಪಕ್ಷಪಾತ ಮಾಡಿ ಸಿದ್ಧಾರ್ಥ್ ಅನ್ನು ವಿನ್ ಮಾಡಲಾಗಿದೆ, ನಿಜವಾದ ವಿನ್ನರ್ ಆಸಿಮ್" ಎನ್ನುವ ಕಮೆಂಟ್ ಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

ಆಸಿಮ್ ಮೇಲೆ ಸಿದ್ಧಾರ್ಥ್ ಹಲ್ಲೆ ಮಾಡಿದ್ದರು

ಸಿದ್ಧಾರ್ಥ್ ಬಿಗ್ ಮನೆಯಲ್ಲಿ ಆಸಿಮ್ ರಿಯಾಜ್ ಅವರನ್ನು ನಿಂದಿಸಿದ್ದರು, ದೈಹಿಕವಾಗಿ ಹಲ್ಲೆ ಮಾಡಿದ್ದರು ಅಲ್ಲದೆ ಹೆತ್ತವನ್ನು ನಿಂದಿಸಿದ್ದರು. ಆದರೆ ಬಿಗ್ ಬಾಸ್ ಆಯೋಜಕರು ಯಾವುದೆ ಕ್ರಮ ಕೈಗೊಂಡಿಲ್ಲ. ಆಗಲು ಆಯೋಜಕರು ನಡೆದುಕೊಂಡ ರೀತಿ ಸರಿ ಇರಲಿಲ್ಲ. ಮತ್ತೊಬ್ಬರ ಮೇಲೆ ಹಲ್ಲೆ ಮಾಡಿದ ವ್ಯಕ್ತಿಯನ್ನು ಗೆಲ್ಲಿಸಲಾಗಿದೆ. ಮೊದಲು ಸಲ್ಮಾನ್ ಖಾನ್ ಅವರನ್ನು ಶೋಯಿಂದ ತೆಗೆದು ಹಾಕಿ ಎಂದು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ಇನ್ಮುಂದೆ ಬಿಗ್ ಬಾಸ್ ಶೋ ನೋಡುವುದಿಲ್ಲ ಎಂದು ನೆಟ್ಟಿಗರು ಸಿಡಿದೆದ್ದಿದ್ದಾರೆ. ಎಷ್ಟೆ ವಿರೋದ ವ್ಯಕ್ತವಾದರು ಬಿಗ್ ಬಾಸ್ ಖ್ಯಾತಿ ಮಾತ್ರ ಇದುವರೆಗೂ ಕಮ್ಮಿ ಆಗಿಲ್ಲ.