ಸಂತ್ರಸ್ತರ ಬದುಕು ಬದಲಾಯಿಸುತ್ತ 'ಮನರಂಜನೆ' ಆಟದಲ್ಲಿ ಗೆದ್ದ 12.5 ಲಕ್ಷ?

12.5 ಲಕ್ಷದಿಂದ ಏನು ಮಾಡಲು ಸಾಧ್ಯ?

ಇಬ್ಬರು ಸಂಸದರು ಮನರಂಜನೆ ಕಾರ್ಯಕ್ರಮದಲ್ಲಿ ಕುಳಿತು ಗೆದ್ದಿರುವ 12,50,000 ಹಣದಿಂದ ಏನು ಮಾಡಲು ಸಾಧ್ಯವಾಗುತ್ತೆ. ಇದರಿಂದ ಎಷ್ಟು ಜನರಿಗೆ ಮನೆ ಕಟ್ಟಿಸಿ ಕೊಡಲು ಸಾಧ್ಯ, ಹೆಚ್ಚು ಅಂದರೆ ಎರಡು ಮನೆಗಳನ್ನು ಕಟ್ಟಿಸಬಹುದು. ಈ ಹಣದಿಂದ ಕುಡಿಯುವ ನೀರನ್ನೂ ಪೂರೈಸಲು ಸಾಧ್ಯವಾಗುವುದಿಲ್ಲ. ಸಂತ್ರಸ್ತರಿಗೆ ಬೇಕಾದ ಮೂಲಭೂತ ಅವಶ್ಯಕವಸ್ತುಗಳು ಸಹ ಈ ಹಣದಿಂದ ಸಿಗುವುದಿಲ್ಲ. ಅಂತಹದ್ರಲ್ಲಿ ಈ 12.5ಲಕ್ಷಕ್ಕಾಗಿ ಸಂತ್ರಸ್ತರ ಸಂಕಷ್ಟವನ್ನು ಮುಂದಿಟ್ಟುಕೊಂಡು ನಾಟಕೀಯ ಆಟಗಳನ್ನು ಆಡುತ್ತಿರುವುದು ಜನರ ಕೋಪಕ್ಕೆ ಕಾರಣವಾಗಿದೆ. ಕರ್ತವ್ಯ ಮರೆತು ಎಂಟರ್ ಟೇನ್ ಮಾಡುವುದು ಜನಪ್ರತಿನಿಧಿಗಳ ಸ್ಥಾನದಲ್ಲಿರುವವರಿಗೆ ಶೋಭೆ ತರುವುದಿಲ್ಲ.

ಕೇಂದ್ರದ ಸರ್ಕಾರದ ಬಳಿ ಹಣ ಕೇಳುವ ತಾಕತ್ತಿಲ್ಲ

ರಾಜ್ಯದ ನೆರೆ ಸಂತ್ರಸ್ತರಿಗೆ ನಿರೀಕ್ಷೆಯ ಪರಿಹಾರ ಕೇಂದ್ರದಿಂದ ಸಿಕ್ಕಿಲ್ಲ. ಕೇಂದ್ರದಲ್ಲಿರುವುದು ಬಿಜೆಪಿ ಸರ್ಕಾರ. ರಾಜ್ಯದ 25 ಬಿಜೆಪಿ ಸಂಸದರು ಕೇಂದ್ರದ ಮೇಲೆ ಒತ್ತಡ ಹೇರಿದ್ದರೆ ಅನುದಾನ ಹೆಚ್ಚಾಗಿಯಾದರು ಬರುತ್ತಿತ್ತು. ಆದ್ರೆ ಮೋದಿ ಮುಂದೆ ನಿಂತು ಪರಿಹಾರ ಕೇಳುವ ತಾಕತ್ತು ಇವರಿಗಿಲ್ಲ. ಇಲ್ಲಿ ಬಂದು ಯಾರದ್ದೊ ಟಿ ಆರ್ ಪಿ ಹೆಚ್ಚಿಸಿ, ಅವರು ಪ್ರಚಾರ ಗಿಟ್ಟಿಸಿಕೊಂಡು ಹಣ ಗಳಿಸಬೇಕಾ ಎಂದು ಜನ ತರಾಟೆಗೆ ತೆಗೆದುಕೊಳ್ಳುತ್ತಿದ್ದಾರೆ.

ಮತ್ತೆ ಪ್ರವಾಹದ ಭೀತಿ ಕಾಡುತ್ತಿದೆ

ಇಬ್ಬರ ಮೇಲೆ ಈಗ ದೊಡ್ಡ ಜವಾಬ್ದಾರಿ ಇದೆ. ಅದರಲ್ಲೂ ರಾಜ್ಯ ಸಂಕಷ್ಟದಲ್ಲಿದ್ದಾಗ, ನೆರೆ ಹಾವಳಿಯಿಂದ ಜನರು ಮನೆ-ಮಠ ಕಳೆದುಕೊಂಡು ಊಟಕ್ಕು ಪರದಾಡುತ್ತಿದ್ದಾರೆ. ಇಂತ ಸ್ಥಿತಿಯಲ್ಲಿ ಜನಪ್ರತಿನಿಧಿಗಳಾದವರು ಸಾಮಾನ್ಯ ಜನರ ಕಷ್ಟಕ್ಕೆ ಜೊತೆಯಾಗಬೇಕು. ಮತ್ತೆ ಉತ್ತರ ಕರ್ನಾಟಕ ಮುಳುಗುವ ಭೀತಿ ಕಾಡುತ್ತಿದೆ. ಇಂತಹ ಸಂದರ್ಭದಲ್ಲಿ ಏನು ಮಾಡಬೇಕು? ಹೆಚ್ಚಿನ ಪರಿಹಾರಕ್ಕಾಗಿ ಕೇಂದ್ರದ ಮೇಲೆ ಹೇಗೆ ಒತ್ತಡ ಹೇರಬೇಕು ಎನ್ನುವುದನ್ನು ಬಿಟ್ಟು ಈ ರೀತಿ ಶೋ ಕೊಟ್ಟು, ಆಟವಾಡುತ್ತ ಕುಳಿತುಕೊಳ್ಳುವುದು ಎಷ್ಟು ಸರಿ ಎನ್ನುವುದು ಸಾಮಾನ್ಯ ಜನರ ಪ್ರಶ್ನೆ.

ಜನಪ್ರತಿನಿಧಿಗಳು ಮಾಡುವ ಕೆಲಸನ ಇದು?

ಜನಪ್ರತಿನಿಧಿಗಳ ಕೆಲಸವೇನು, ಆದ್ರೆ ಇವರಿಬ್ಬರು ತಮ್ಮ ಕೆಲಸ ಮಾಡುವುದನ್ನು ಬಿಟ್ಟು ಮನರಂಜನೆಯ ಕಾರ್ಯಕ್ರಮದಲ್ಲಿ ಬಂದು ಕುಳಿತು ಆಟವಾಡುತ್ತ ಶೋ ಕೊಡುತ್ತಿದ್ದಾರೆ. ಇಲ್ಲಿ ಕುಳಿತು ಮಾತನಾಡುವ ಬದಲು ಕೇಂದ್ರದ ಮುಂದೆ ನಿಂತು ಮಾತನಾಡಿದ್ದರೆ ಇವರು ನಿಜಕ್ಕು ಜನಪ್ರತಿನಿಧಿಗಳು, ಜನರ ಕಷ್ಟಕ್ಕೆ ಸ್ಫಂದಿಸುತ್ತಾರೆ ಅಂತ ಒಪ್ಪಿಕೊಳ್ಳಬಹುದು. ಆದ್ರೆ ಇಬ್ಬರೀಗ ಮಾಡುತ್ತಿರುವುದೇನು ಎಂದು ಜನ ಆಕ್ರೋಶ ಹೊರಹಾಕುತ್ತಿದ್ದಾರೆ.

ಕನ್ನಡದ ಕೋಟ್ಯಧಿಪತಿಯ ಉದ್ದೇಶವೇನು?

ಮನರಂಜನೆಯ ವಾಹಿನಿಯಲ್ಲಿ ಮನರಂಜನೆ ಬಿಟ್ಟು ಏನನ್ನು ನಿರೀಕ್ಷೆ ಮಾಡಲು ಸಾಧ್ಯ. ಕನ್ನಡದ ಕೋಟ್ಯಧಿಪತಿ ಕಾರ್ಯಕ್ರಮ ಮನರಂಜನೆಯ ಜೊತೆಗೆ ಜ್ಞಾನವನ್ನು ಹೆಚ್ಚಿಸುತ್ತಿದೆ. ಇದು ಸಾಮಾನ್ಯ ಜನರ ಆಟ. ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಡೆಸಿಕೊಡುತ್ತಾರೆ. ಆದ್ರೆ ಇಂತವರನ್ನು ಕರೆಸಿದ್ರೆ ಕಾರ್ಯಕ್ರಮ ನೋಡುವಿದನ್ನೆ ಬಿಡಬೇಕಾಗುತ್ತೆ ಎಂದು ವೀಕ್ಷಕರು ಅಸಮಾಧಾನ ಹೋರಹಾಕುತ್ತಿದ್ದಾರೆ.