ದಾಂಪತ್ಯ ಕಲಹ; ಪತಿಯ ಅನೈತಿಕ ಸಂಬಂಧ ಬಹಿರಂಗ ಪಡಿಸಿ ಪತ್ರಿಕಾಗೋಷ್ಠಿಯಲ್ಲಿ ಕಣ್ಣೀರಿಟ್ಟ ನಟಿ ನಿಶಾ

ಕರಣ್ ಗೆ ಅನೈತಿಕ ಸಂಬಂಧವಿದೆ

ಕರಣ್‌ಗೆ ಅನೈತಿಕ ಸಂಬಂಧವಿದೆ. ಮಗುವಿನ ಜವಾಬ್ದಾರಿಯನ್ನು ತೆಗೆದುಕೊಳ್ಳುವುದಿಲ್ಲ. ನಿರಂತರವಾಗಿ ನಿಂದನೆ ಮಾಡುತ್ತಾ ಬಂದಿದ್ದಾರೆ. ಆದೆರ ನಾನು ಈ ಬಗ್ಗೆ ಎಲ್ಲೂ ಮಾತನಾಡಿರಲಿಲ್ಲ. ನನ್ನ ಬಳಿ ಇದಕ್ಕೆಲ್ಲ ಸಾಕ್ಷಿಗಳಿವೆ' ಎಂದು ನಿಶಾ ಹೇಳಿದ್ದಾರೆ. ಕಳೆದ ಕೆಲವು ತಿಂಗಳ ಹಿಂದೆ ಕರಣ್ ಬೇರೊಬ್ಬ ಮಹಿಳೆ ಜೊತೆ ಇದ್ದಿದ್ದನ್ನು ನೋಡಿದ್ದೇನೆ. ಆಕೆಯ ಜೊತೆಗಿನ ಚಾಟ್ ಮಾಡಿದ ಸಂದೇಶಗಳನ್ನು ನೋಡಿದ್ದೇನೆ.

ಎಲ್ಲವನ್ನೂ ನನ್ನ ಕುಟುಂಬದಿಂದ ಬಚ್ಚಿಟ್ಟಿದ್ದೆ

'ಬಳಿಕ ಈ ಬಗ್ಗೆ ಮಾತನಾಡಲು ಮಾಡಲು ಕೇಳಿಕೊಂಡೆ. ಆದರೆ ಮಾತನಾಡಲು ಆಸಕ್ತಿ ತೋರಲಿಲ್ಲ. ಕೆಲವು ವಾರಗಳ ಹಿಂದೆ ನನ್ನ ತಾಯಿಗೆ ಈ ವಿಷಯ ಗೊತ್ತಾಗಿದೆ. ನಾನು ನನ್ನ ಸಂಸಾರವನ್ನು ಉಳಿಸಿಕೊಳ್ಳಲು ಪ್ರಯತ್ನ ಪಟ್ಟಿದ್ದರಿಂದ ನಾನು ಇದನ್ನು ಕುಟುಂಬದಿಂದ ಮತ್ತು ಸ್ನೇಹಿತರಿಂದ ಬಚ್ಚಿಟ್ಟಿದ್ದೆ.' ಎಂದಿದ್ದಾರೆ.

ನನ್ನ ಮಗನಿಗಾಗಿ ಏನೆ ಕೆಲಸ ಮಾಡಲು ಸಿದ್ಧಳಿದ್ದೇನೆ

'ಹೀಗೆ ಮುಂದುವರೆದರೆ ಬೇರೆ ಬೇರೆ ಆಗಬೇಕಾಗುತ್ತೆ ಎಂದ ಹೇಳಿದ್ದೆ. ಅದನ್ನು ಒಪ್ಪಿಕೊಂಡಿದ್ದರು. ಆದರೆ ಕರಣ್ ಅದನ್ನೇ ಮುಂದುವರೆಸಿದರು. ಬಳಿಕ ಬೇರೆ ಆಗಲು ನಿರ್ಧರಿಸಿ ನಾನು ಕೆಲಸ ಹುಡುಕಲು ಪ್ರಾರಂಭಿಸಿದೆ. ಮಗನಿನಾಗಿ ಏನು ಕೆಲಸ ಮಾಡಲು ಸಿದ್ಧಳಿದ್ದೇನೆ' ಎಂದು ಹೇಳಿದ್ದಾರೆ.

ಇಬ್ಬರದ್ದು ಪ್ರೇಮ ವಿವಾಹ

ಕರಣ್ ಮತ್ತು ನಿಶಾ ಅವರದ್ದು ಪ್ರೇಮ ವಿವಾಹ. 7 ವರ್ಷಗಳ ಕಾಲ ಡೇಟಿಂಗ್‌ನಲ್ಲಿದ್ದ ಇಬ್ಬರು 2012ರಲ್ಲಿ ಮದುವೆಯಾಗಿದ್ದರು. ಮದುವೆಯಾಗಿ 9 ವರ್ಷಗಳಾಗಿದ್ದು, ಈ ದಂಪತಿಗೆ 4 ವರ್ಷದ ಒಬ್ಬ ಮಗನಿದ್ದಾನೆ. ಕರಣ್ ಮೆಹ್ರಾ ಹಿಂದಿ ಧಾರಾವಾಹಿ ಲೋಕದಲ್ಲಿ ಪ್ರಸಿದ್ಧಿಗಳಿಸಿದ್ದಾರೆ. ಜೊತೆ ಹಿಂದಿ ಬಿಗ್ ಬಾಸ್ 10ರಲ್ಲೂ ಸ್ಪರ್ಧಿಯಾಗಿ ಭಾಗಿಯಾಗಿದ್ದರು. ಇನ್ನು ಪತ್ನಿ ನಿಶಾ ಕೂಡ ಕಿರುತೆರೆಯ ಸ್ಟಾರ್.