ಕೋಟ್ಯಧಿಪತಿಯಲ್ಲಿ ನಿವೇದಿತಾ ಗೌಡ ಕಮಾಲ್: ಎಷ್ಟು ಹಣ ಗೆದ್ದರು?

ನಿವೇದಿತಾ ಆಯ್ಕೆಯಾದ ಪ್ರಶ್ನೆ

ಫಾಸ್ಟೆಸ್ಟ ಫಿಂಗರ್ ಪ್ರಶ್ನೆಯಲ್ಲಿ ಅಕುಲ್, ಕೃಷಿ ತಾಪಂಡ ಅವರಿಗಿಂತ ಮೊದಲು ನಿವೇದಿತಾ ಗೌಡ ಉತ್ತರಿಸಿದ್ದಾರೆ. ಆ ಪ್ರಶ್ನೆ ಇಲ್ಲಿದೆ.

ಚಿಕ್ಕದರಿಂದ ಪ್ರಾರಂಭಿಸಿ ಈ ಪಕ್ಷಿಗಳನ್ನು ಅವುಗಳ ಸಾಮಾನ್ಯ ವಯಸ್ಕ ಗಾತ್ರಕ್ಕೆ ಅನುಗುಣವಾಗಿ ಏರಿಕೆ ಕ್ರಮದಲ್ಲಿ ಜೋಡಿಸಿ?

A ಆಸ್ಟ್ರಿಚ್

B ರಣಹದ್ದು

C ಕೋಗಿಲೆ

D ಗುಬ್ಬಚ್ಚಿ

ಸರಿಯಾದ ಉತ್ತರ: D ಗುಬ್ಬಚ್ಚಿ, C ಕೋಗಿಲೆ, B ರಣಹದ್ದು, A ಆಸ್ಟ್ರಿಚ್

1.60 ಲಕ್ಷ ಉಳಿಸಿಕೊಂಡ ಗೊಂಬೆ

ಒಂಭತ್ತು ಪ್ರಶ್ನೆಗಳಿಗೆ ಸರಿ ಉತ್ತರ ನೀಡಿದ ನಿವೇದಿತಾ ಗೌಡ 1.60 ಲಕ್ಷವನ್ನ ಗೆದ್ದುಕೊಂಡರು. ತನ್ನಲ್ಲಿ ಇದ್ದ ಮೂರು ಲೈಫ್ ಲೈನ್ ಬಳಸಿಕೊಂಡು ನಿವೇದಿತಾ ಗೌಡ ಎರಡನೇ ಸೇಫ್ ಝೋನ್ ಬಳಿ ಬಂದು ಆಟವನ್ನ ಕೈಚೆಲ್ಲಿದರು. ಹತ್ತನೇ ಪ್ರಶ್ನೆಗೆ ಉತ್ತರ ಕೊಡಲು ಮುಂದಾಗಲಿಲ್ಲ. ಹಾಗಾಗಿ, 3.20 ಲಕ್ಷದ ಪ್ರಶ್ನೆಗೆ ಉತ್ತರ ಕೊಡಲಿಲ್ಲ.

ಯಾವುದು ಆ ಪ್ರಶ್ನೆ

2017 ರ ಮಹಿಳಾ ಕ್ರಿಕೆಟ್ ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ ಭಾರತವನ್ನು ಸೋಲಿಸಿದ ತಂಡ ಯಾವುದು?

A ಐರ್ಲೆಂಡ್

B ವೆಸ್ಟ್ ಇಂಡೀಸ್

C ಇಂಗ್ಲೆಂಡ್

D ಆಸ್ಟ್ರೇಲಿಯಾ

ಕ್ವಿಟ್ ಮಾಡಿದ ನಿವೇದಿತಾ

ಹತ್ತನೇ ಪ್ರಶ್ನೆ ನೋಡಿದ ಬಳಿಕ ಉತ್ತರ ಬಗ್ಗೆ ಯಾವುದೇ ಸ್ಪಷ್ಟನೆ ಇರದ ನಿವೇದಿತಾ ಗೌಡ, ಆಟವನ್ನ ಕ್ವಿಟ್ ಮಾಡಲು ತೀರ್ಮಾನಿಸಿದರು. ಕ್ರಿಕೆಟ್ ಬಗ್ಗೆ ಅಷ್ಟಾಗಿ ಗೊತ್ತಿಲ್ಲ ಎಂಬ ಕಾರಣ ನೀಡಿ, ಗೇಮ್ ಕ್ವಿಟ್ ಮಾಡಿದರು. ಈ ಮೂಲಕ ಒಂಭತ್ತು ಪ್ರಶ್ನೆಗಳಿಗೆ ಸರಿ ಉತ್ತರ ನೀಡಿದ್ದಕ್ಕೆ 1.60 ಲಕ್ಷ ಮಾತ್ರ ತನ್ನ ಖಾತೆಯಲ್ಲಿ ಉಳಿಸಿಕೊಂಡರು. 3.20 ಲಕ್ಷ ಸಿಕ್ಕಲಿಲ್ಲ.

ಧೀನ ಬಂಧು ಟ್ರಸ್ಟ್ ಮಕ್ಕಳಿಗಾಗಿ ಆಟ

ಅಂದ್ಹಾಗೆ, ಸೆಲೆಬ್ರಿಟಿಗಳು ಕನ್ನಡದ ಕೋಟ್ಯಧಿಪತಿ ಆಟ ಆಡಿದ್ದು ಧೀನ ಬಂಧು ಟ್ರಸ್ಟ್ ಮಕ್ಕಳಿಗಾಗಿ. ಕಿರುತೆರೆ ನಟ ಭವಾನಿ ಸಿಂಗ್ 1.60 ಲಕ್ಷ, ಜೆಕೆ 10 ಸಾವಿರ ಹಾಗೂ ನಿವೇದಿತಾ ಗೌಡ 1.60 ಲಕ್ಷ ಗೆದ್ದುಕೊಟ್ಟರು. ಹತ್ತನೇ ಪ್ರಶ್ನೆಗೆ ಸರಿಯಾದ ಉತ್ತರ: C ಇಂಗ್ಲೆಂಡ್