'ದಿಲ್ ಬರ್' ನಟಿಯನ್ನು ಅನುಚಿತವಾಗಿ ಸ್ಪರ್ಶಿಸಿದ್ರಾ ಕೊರಿಯೋಗ್ರಾಫರ್?: ಪ್ರತಿಕ್ರಿಯೆ ನೀಡಿದ ನೋರಾ ಫತೇಹಿ

ಅನುಚಿತವಾಗಿ ಸ್ಪರ್ಶಿಸಿದ್ರಾ ಟೆರೆನ್ಸ್?

ಟೆರೆನ್ಸ್ ಮತ್ತು ನೋರಾ ವಿಡಿಯೋ ವೈರಲ್ ಆದ ಬಳಿಕ ಟೆರೆನ್ಸ್ ಅನುಚಿತವಾಗಿ ನೋರಾ ಅವರನ್ನು ಸ್ಪರ್ಶಿಸಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ವಿವಾದವೀಗ ದೊಡ್ಡದಾಗಿ ಇಬ್ಬರು ಸಿಕ್ಕಾಪಟ್ಟೆ ಟ್ರೋಲ್ ಗೆ ಗುರಿಯಾಗಿದ್ದಾರೆ. ಇದೀಗ ನೋರಾ ಮತ್ತು ಟೆರೆನ್ಸ್ ಇಬ್ಬರು ಸಾಮಾಜಿಕ ಜಾಲತಾಣದಲ್ಲಿ ಪ್ರತಿಕ್ರಿಯೆ ನೀಡಿದ್ದಾರೆ.

ವಿಡಿಯೋ ಮಾರ್ಫಿಂಗ್ ಎಂದ ನೋರಾ

ಈ ಬಗ್ಗೆ ನಟಿ ನೋರಾ ವಿಡಿಯೋವನ್ನು ಫೋಟೋಶಾಪ್ ಮಾಡಲಾಗಿದೆ ಎಂದು ಹೇಳಿದ್ದಾರೆ. 'ಧನ್ಯವಾದಗಳು, ಟೆರೆನ್ಸ್. ಇಂದಿನ ಸಮಯದಲ್ಲಿ ಸಾಮಾಜಿಕ ಜಾಲತಾಣಗಳು ಟ್ರೋಲ್ ಮಾಡಲು ವಿಡಿಯೋವನ್ನು ಮಾರ್ಫಿಂಗ್ ಮತ್ತು ಫೋಟೋಶಾಪ್ ಮಾಡುತ್ತಾರೆ. ನಿಮಗೆ ತೊಂದರೆ ಕೊಡಲು ಬಿಡದಿರುವುದು ಖುಷಿ ತಂದಿದೆ. ನೀವು ಘನತೆಯನ್ನು ಕಾಪಾಡಿಕೊಂಡಿದ್ದೀರಿ. ನೀವು ಮತ್ತು ಗೀತಾ ಮೇಡಮ್ ಇಬ್ಬರು ನನ್ನೊಂದಿಗೆ ತುಂಬಾ ಗೌರವದಿಂದ ಇದ್ದೀರಿ. ಜಡ್ಜ್ ಆಗಿ ಇಬ್ಬರೂ ನನ್ನನ್ನು ತುಂಬಾ ಇಷ್ಟಪಡುತ್ತೀರಿ. ಇದು ಉತ್ತಮ ಜೀವನ ಕಲಿಯುವ ಅನುಭವವಾಗಿದೆ' ಎಂದು ಬರೆದುಕೊಂಡಿದ್ದಾರೆ.

ಜೆನ್ ಕಥೆ ಹೇಳಿದ ಟೆರೆನ್ಸ್

ಇನ್ನು ಕೊರಿಯೋಗ್ರಾಫರ್ ಟೆರೆನ್ಸ್ ಲೂಯಿ ಸಾಮಾಜಿಕ ಜಾಲತಾಣದಲ್ಲಿ ದೀರ್ಘವಾಗಿ ಬರೆದುಕೊಂಡಿದ್ದಾರೆ. ಅತ್ಯಂತ ಸುಂದರ, ಗೌರವಾನ್ವಿತ ಮತ್ತು ತುಂಬಾ ಕ್ಲಾಸಿ ಅತಿಥಿ ಜಡ್ಜ್ ಆಗಿದ್ದಕ್ಕೆ ಮತ್ತು ನನ್ನ ಮೇಲಿನ ನಂಬಿಕೆಗಾಗಿ ಧನ್ಯವಾದಗಳು' ಎಂದು ಹೇಳಿದ್ದಾರೆ. ಜೊತೆಗೆ ಜೆನ್ ಕಥೆಯ ಫಿಲಾಸಫಿಯನ್ನು ಹೇಳಿದ್ದಾರೆ. ಕಥೆಯ ಜೊತೆಗೆ ನೋರಾ ಫತೇಹಿಯನ್ನು ಎರಡು ಕೈಗಳಿಂದ ಎತ್ತಿಕೊಂಡಿರುವ ಫೋಟೋವನ್ನು ಶೇರ್ ಮಾಡಿದ್ದಾರೆ.

Recommended Video

ರಾಗಿಣಿ, ಸಂಜನಾ ಮೊಬೈಲ್ ನಿಂದ ಬಯಲಾಯ್ತು ಸ್ಪೋಟಕ ಮಾಹಿತಿ..? | Filmibeat Kannada

ಮಲೈಕಾ ಜಾಗಕ್ಕೆ ಬಂದ ನೋರಾ

ಅಂದ್ಹಾಗೆ ನೋರಾ ಫತೇಹಿ ನಟಿ ಮಲೈಕಾ ಅರೋರಾ ಜಾಗಕ್ಕೆ ಜಡ್ಜ್ ಆಗಿ ಬಂದಿದ್ದಾರೆ. ಮಲೈಕಾಗೆ ಕೊರೊನಾ ಪಾಸಿಟಿವ್ ಬಂದ ಬಳಿಕ ಕ್ವಾರಂಟೈನ್ ನಲ್ಲಿದ್ದಾರೆ. ಹಾಗಾಗಿ ಸೆಪ್ಟಂಬರ್ ಮೊದಲ ವಾರದಿಂದ ನೋರಾ ಜಡ್ಜ್ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಸದ್ಯ ಮಲೈಕಾ ಕೊರೊನಾ ದಿಂದ ಗುಣಮುಖರಾಗಿದ್ದು, ಸದ್ಯದಲ್ಲೇ ಶೋಗೆ ಮರಳುವ ಸಾಧ್ಯತೆ ಇದೆ.