'ಬಿಗ್ ಬಾಸ್ ಸೀಸನ್-7' ಸ್ಪರ್ಧಿಗಳ ಬಗ್ಗೆ ಇಂಟ್ರಸ್ಟಿಂಗ್ ಮಾಹಿತಿ ಬಹಿರಂಗ

ಸೆಲೆಬ್ರಿಟಿಗಳಿಗೆ ಮಾತ್ರ ಅವಕಾಶ

ಬಿಗ್ ಬಾಸ್ ಸೀಸನ್ 7ನಲ್ಲಿ ಸೆಲೆಬ್ರಿಟಿಗಳಿಗೆ ಮಾತ್ರ ಅವಕಾಶ. ಕಳೆದ ಬಾರಿ ಸೆಲೆಬ್ರಿಟಿಗಳ ಜೊತೆಗೆ ಕಾಮನ್ ಮ್ಯಾನ್ ಕೂಡ ಕಾಣಿಸಿಕೊಂಡದ್ದರು. ಆದ್ರೆ ಈ ಬಾರಿ ಕಾಮನ್ ಮ್ಯಾನ್ ಗೆ ಅವಕಾಶವಿಲ್ಲ. ಸಿನಿಮಾ, ಕಿರುತೆರೆ ಮತ್ತು ರಾಜಕೀಯರಂಗದ ಗಣ್ಯರಿಗೆ ಮಾತ್ರ ಈ ಬಾರಿಯ ಬಿಗ್ ಬಾಸ್ ಮಣೆ ಹಾಕಿದೆ. ಇನ್ನು ಈ ಬಾರಿ ಕೂಡ 15 ಜನ ಸ್ಪರ್ಧಿಗಳಿರುತ್ತಾರೆ.

ಪ್ರೋಮೊ ಶೂಟ್ ಪ್ರಾರಂಭ

ಕಳೆದ 6 ಸೀಸನ್ ವರೆಗು ಯಶಸ್ವಿಯಾಗಿ ಬಿಗ್ ಬಾಸ್ ಹೋಸ್ಟ್ ಮಾಡಿರುವ ಕಿಚ್ಚ ಸುದೀಪ್ ಅವರ ಪ್ರೋಮೊ ಶೂಟಿಂಗ್ ಇಂದಿನಿಂದ ಪ್ರಾರಂಭವಾಗುತ್ತಿದೆ. ಪೈಲ್ವಾನ್ ರಿಲೀಸ್ ನ ಬ್ಯುಸಿಯ ನಡುವೆಯು ಕಿಚ್ಚ ಬಿಗ್ ಬಾಸ್-7 ಪ್ರೋಮೋ ಶೂಟ್ ನಲ್ಲಿ ಭಾಗಿಯಾಗುತ್ತಿದ್ದಾರೆ. ಇಂದು ಶೂಟ್ ಆಗುವ ಪ್ರೋಮೊ ಸೆಪ್ಟಂಬರ್ 13ರಿಂದ ಪ್ರಸಾರವಾಗಲಿದೆಯಂತೆ.

ವಾಹಿನಿ ಬದಲಾವಣೆ

ಬಿಗ್ ಬಾಸ್ ಕನ್ನಡದ ನಾಲ್ಕು ಆವೃತ್ತಿಗಳು ಆರಂಭದಲ್ಲಿ ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗಿತ್ತು. ಆಮೇಲೆ ಕಲರ್ ಸೂಪರ್ ವಾಹಿನಿ ಶಿಪ್ಟ್ ಆಗಿತ್ತು. ಕಾರಣ ಆ ವಾಹಿನಿಯನ್ನ ಮೇಲಕ್ಕೆ ತರಬೇಕು ಎಂಬ ಉದ್ದೇಶದಿಂದ ಬಿಗ್ ಬಾಸ್ ಅಂತಹ ದೊಡ್ಡ ಶೋವನ್ನ ಶಿಫ್ಟ್ ಮಾಡಿದ್ದರು. ಇದೀಗ ಬಿಗ್ ಬಾಸ್-7 ಮತ್ತೆ ಕಲರ್ಸ್ ಕನ್ನಡಕ್ಕೆ ಬಿಗ್ ಬಾಸ್ ಶಿಫ್ಟ್ ಆಗಿದೆ.

ಅಕ್ಟೋಬರ್ ನಲ್ಲಿ ಬಿಗ್ ಬಾಸ್ ಪ್ರಾರಂಭ

ಬಿಗ್ ಬಾಸ್ ಯಾವಾಗ ಪ್ರಾರಂಭವಾಗುತ್ತೆ ಎನ್ನುವ ಕುತಹಲಕ್ಕೆ ತೆರೆಬಿದ್ದಿದೆ. ಕಿಚ್ಚ ಸುದೀಪ್ ನಡೆಸಿಕೊಡುವ ಬಿಗ್ ಬಾಸ್ ಸೀಸನ್-7 ಅಕ್ಟೋಬರ್ 20ರಿಂದ ಪ್ರಾರಂಭವಾಗಲಿದೆಯಂತೆ. ಅಭಿಮಾನಿಗಳು ಕಿಚ್ಚನನ್ನು ಮತ್ತೆ ಕಿರುತೆರೆಯಲ್ಲಿ ನೋಡಿ ಕಣ್ತುಂಬಿಕೊಳ್ಳಬಹುದು.