Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಧಣಿ ಅಂಬಿ ಇಲ್ಲದ ಮನೆಯಲ್ಲಿ ಶ್ವಾನಗಳು ಮೌನ: ಮಂಕಾದ ಕನ್ವರ್ ಲಾಲ್
ರೆಬೆಲ್ ಸ್ಟಾರ್ ಅಂಬರೀಶ್ ನಮ್ಮನ್ನೆಲ್ಲ ಅಗಲಿ ಹತ್ತತ್ರ ಎರಡು ತಿಂಗಳಾಗುತ್ತಾ ಬಂತು. ಅತ್ತ ಅಂಬಿ ಇಲ್ಲದ ಮನೆಯಲ್ಲಿ ಮೌನ ಆವರಿಸಿದ್ದರೆ, ಇತ್ತ ಧಣಿ ಇಲ್ಲದೆ ಅಂಬಿಯ ಮುದ್ದಿನ ಶ್ವಾನಗಳು ಮಂಕಾಗಿವೆ.
ನಿಮಗೆಲ್ಲಾ ಗೊತ್ತಿರುವ ಹಾಗೆ ಅಂಬರೀಶ್ ಶ್ವಾನ ಪ್ರೇಮಿ. ತಮ್ಮ ಮನೆಯಲ್ಲಿ ಎರಡು ನಾಯಿಗಳನ್ನು ಅಂಬರೀಶ್ ಪ್ರೀತಿಯಿಂದ ಸಾಕಿದ್ದರು. ಬಿಡುವಿದ್ದಾಗ, ಶ್ವಾನಗಳ ಜೊತೆಗೆ ಅಂಬಿ ಆಟವಾಡುತ್ತಿದ್ದರು. ಆದ್ರೀಗ, ಒಡೆಯನಿಲ್ಲದೆ ಶ್ವಾನಗಳು ಅನಾಥವಾಗಿವೆ.
ಅಂಬಿ ನಿಧನಕ್ಕೆ ಮುದ್ದಿನ ಶ್ವಾನ 'ಕನ್ವರ್ ಲಾಲ್' ಮೂಕ ರೋದನ
ತಮ್ಮ ವೃತ್ತಿಜೀವನಕ್ಕೆ ದೊಡ್ಡ ತಿರುವು ನೀಡಿದ್ದ 'ಕನ್ವರ್ ಲಾಲ್' ಮತ್ತು 'ಬುಲ್ ಬುಲ್' ಡೈಲಾಗ್ ಗಳನ್ನು ಪ್ರತಿ ದಿನ ನೆನಪಿಸಿಕೊಳ್ಳಲು ಶ್ವಾನಗಳಿಗೆ ಅದೇ ಹೆಸರುಗಳನ್ನಿಟ್ಟು ಅಂಬರೀಶ್ ನಾಮಕರಣ ಮಾಡಿದ್ದರು.
ಅದ್ರಲ್ಲೂ, ಸೇಂಟ್ ಬರ್ನಾಡ್ ತಳಿಯ ಶ್ವಾನ 'ಕನ್ವರ್ ಲಾಲ್' ಅಂದ್ರೆ ಅಂಬಿಗೆ ಅಚ್ಚುಮೆಚ್ಚು. ಪ್ರತಿ ದಿನ ಯಜಮಾನನ ಆರೈಕೆಯಲ್ಲಿ ಬೆಳೆದ ಕನ್ವರ್ ಲಾಲ್ ಇಂದು ಅಂಬಿಯನ್ನ ತುಂಬಾ ಮಿಸ್ ಮಾಡಿಕೊಳ್ಳುತ್ತಿದ್ದಾನೆ.
ಅಂಬರೀಶ್ ಮನೆಯ 'ಕನ್ವರ್ ಲಾಲ್' ಮತ್ತು 'ಬುಲ್ ಬುಲ್' ನೋಡಿದ್ದೀರಾ?
''ಅಪ್ಪ ಹೋದ ಮೇಲೆ ಕನ್ವರ್ ಲಾಲ್ ಮಂಕಾಗಿದ್ದಾನೆ. ಮನೆಯ ವಾತಾವರಣ ಕೂಡ ಹಾಗೇ ಇದೆ. ಹೀಗಾಗಿ, ಅವನು ಮಂಕಾಗಿ ಮೂಲೆ ಸೇರಿದ್ದಾನೆ'' ಅಂತಾರೆ ಅಭಿಷೇಕ್ ಅಂಬರೀಶ್.
ಮೂಕ ಪ್ರಾಣಿಗಳೇ ಹಾಗೇ.. ಒಮ್ಮೆ ಒಬ್ಬರನ್ನು ಹಚ್ಚಿಕೊಂಡರೆ, ಬಿಟ್ಟಿರುವುದಿಲ್ಲ. ಇನ್ನೂ ಶ್ವಾನಗಳಂತೂ ನಿಯತ್ತಿಗೆ ಹೆಸರುವಾಸಿ. ಅಂಬಿ ಪ್ರೀತಿಗೆ ಪಾತ್ರವಾಗಿದ್ದ ಕನ್ವರ್ ಲಾಲ್ ಈಗ ಪ್ರತಿ ದಿನ ರೋದಿಸುತ್ತಿದ್ದಾನೆ. ಅತ ಸಮಾಧಾನಗೊಳ್ಳುವುದಾದರೂ ಹೇಗೆ.?