'ಬಿಗ್ ಬಾಸ್' ಮನೆಯಾಚೆಗೂ ಮುಂದುವರೆದ ಪ್ರಣಯ ಪಕ್ಷಿಗಳ ಪ್ರೇಮ್ ಕಹಾನಿ

'ಬಿಗ್ ಬಾಸ್' ಪ್ರಣಯ ಪಕ್ಷಿಗಳು

ಹಿಂದಿಯ 'ಬಿಗ್ ಬಾಸ್ 11' ಕಾರ್ಯಕ್ರಮದಲ್ಲಿ 'ಪ್ರೀತಿ, ಪ್ರೇಮ' ವಿಚಾರಕ್ಕೆ ಹೆಚ್ಚು ಸೌಂಡ್ ಮಾಡಿದವರು ಪುನೀಶ್ ಶರ್ಮಾ ಹಾಗೂ ಬಂದಗಿ ಕಾಲ್ರಾ. ಟಿ.ಆರ್.ಪಿಗಾಗಿ ಹಾಗೂ 'ಬಿಗ್ ಬಾಸ್' ಮನೆಯಲ್ಲಿ ಹೆಚ್ಚು ದಿನ ಇರಲು ಇವರಿಬ್ಬರು ಪ್ರೀತಿಯ ನಾಟಕ ಮಾಡುತ್ತಿದ್ದಾರೆ ಅಂತ ಪ್ರತಿಸ್ಪರ್ಧಿಗಳು ಬಾಯ್ಬಾಯಿ ಬಡ್ಕೊಂಡಿದ್ರು. ಆದ್ರೆ, 'ಬಿಗ್ ಬಾಸ್' ಮನೆಯಿಂದಾಚೆಗೂ ಪುನೀಶ್-ಬಂದಗಿ ಲವ್ ಸ್ಟೋರಿ ಮುಂದುವರೆದಿದೆ.

ಕೈಕೈ ಹಿಡಿದುಕೊಂಡು ಓಡಾಡುತ್ತಿರುವ ಜೋಡಿ

'ಬಿಗ್ ಬಾಸ್' ಕಾರ್ಯಕ್ರಮ ಮುಗಿದ ಮೇಲೂ, ಪುನೀಶ್ ಹಾಗೂ ಬಂದಗಿ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದಾರೆ. ಎಲ್ಲೇ ಹೋದರೂ, ಪುನೀಶ್-ಬಂದಗಿ ಕೈಕೈ ಹಿಡ್ಕೊಂಡು ಓಡಾಡುತ್ತಿದ್ದಾರೆ. ಅದಕ್ಕೆ ಈ ಫೋಟೋಗಳೇ ಸಾಕ್ಷಿ.

ಬಂದಗಿಗೆ ಉಡುಗೊರೆ ಕೊಟ್ಟ ಪುನೀಶ್

ಫೆಬ್ರವರಿ 9 ರಂದು ಬಂದಗಿ ಕಾಲ್ರಾ ಹುಟ್ಟುಹಬ್ಬ. ಅಂದು ತನ್ನ ಮನದನ್ನೆಗೆ ಪುನೀಶ್ ಶರ್ಮಾ ಉಂಗುರವೊಂದನ್ನ ಉಡುಗೊರೆಯಾಗಿ ನೀಡಿದ್ದಾರೆ. ಈ ಸಂತಸವನ್ನ ಸ್ವತಃ ಬಂದಗಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಮದುವೆ ಆಗ್ತಾರಾ.?

ಮದುವೆ ಬಗ್ಗೆ ಇವರಿಬ್ಬರು 'ಬಿಗ್ ಬಾಸ್' ಮನೆಯಲ್ಲಿ ಇರುವಾಗಲೇ ಹಲವು ಬಾರಿ ಮಾತುಕತೆ ನಡೆಸಿದ್ದರು. ಸದ್ಯ ಪ್ರೇಮದ ಅಮಲಿನಲ್ಲಿ ತೇಲುತ್ತಿರುವ ಈ ಜೋಡಿ ಯಾವಾಗ ಮದುವೆ ಆಗುತ್ತಾರೋ, ನೋಡ್ಬೇಕು.