ಪುನೀತ್ ಫ್ಯಾಮಿಲಿಯಲ್ಲಿ ಯಾರ ಸ್ವಭಾವ ಹೇಗೆ? ಅಪ್ಪು ಬಿಚ್ಚಿಟ್ಟ ಸಂಗತಿ.!

ಇಷ್ಟ ಪಡುವ ಹಬ್ಬ

''ತುಂಬ ಇಷ್ಟ ಪಟ್ಟು ಮಾಡುವ ಹಬ್ಬ ದಸರಾ. ನಾವು ಬಳಸುವ ಎಲ್ಲ ವಸ್ತುಗಳನ್ನ ಅಂದವಾಗಿ ಒಂದೆಡೆ ಶೃಂಗಾರ ಮಾಡಿ, ಸಂಪ್ರದಾಯವಾಗಿ ಪೂಜೆ ಮಾಡುವುದು. ದೀಪಾವಳಿ ಅಂದ್ರೆನೂ ಇಷ್ಟ'' - ಪುನೀತ್ ರಾಜ್ ಕುಮಾರ್, ನಟ

ಮಕ್ಕಳನ್ನ ನಾನು ಬೈಯಲ್ಲ

''ನಾನು ಯಾವತ್ತು ಮಕ್ಕಳನ್ನ ಬೈಯ್ದಿಲ್ಲ, ರೇಗಾಡಿಲ್ಲ. ಸಣ್ಣ ಪುಟ್ಟ ದೂರುಗಳು ಬರುತ್ತೆ. ಆದ್ರೆ, ಯಾವಾಗಲೂ ಖುಷಿ ಖುಷಿ ಇರಬೇಕು. ಜಾಸ್ತಿ ತಲೆಕೆಡಿಸಿಕೊಳ್ಳಬಾರದು.'' - ಪುನೀತ್ ರಾಜ್ ಕುಮಾರ್, ನಟ

ತುಂಬಾ ಹರಟೆ ಹೊಡೆಯುವುದು ಯಾರು?

''ನಮ್ಮ ಮನೆಯಲ್ಲಿ ಜನರಲ್ ನಾಲೆಡ್ಜ್ ಅಂದ್ರೆ, ಅದು ನನ್ನ ವೈಫ್. ಅವರು ಹೆಚ್ಚಾಗಿ ಪೇಪರ್ ಓದುತ್ತಾರೆ. ತುಂಬ ಹರಟೆ ಹೊಡೆಯುವುದು ಅಂದ್ರೆ ನಾನೇ. ಅಂದ್ರೆ, ಮನೆಯವರು, ಫ್ಯಾಮಿಲಿ ಜೊತೆ ಮಾತನಾಡುವಾಗ ಅಷ್ಟೆ'' - ಪುನೀತ್ ರಾಜ್ ಕುಮಾರ್, ನಟ

ನಮ್ಮ ಅಮ್ಮ ಯಾರಿಗೂ ಹೋಲಿಸಿಲ್ಲ

''ನಮ್ಮ ತಾಯಿ ನನ್ನನ್ನ ಯಾರಿಗೂ ಹೋಲಿಕೆ ಮಾಡುತ್ತಿರಲಿಲ್ಲ. ಅದು ಖುಷಿಯ ವಿಚಾರ. ಯಾವಾಗಲೂ ನನ್ನ ಮಗ ಎನ್ನುತ್ತಿದ್ದರು. ಅವರಿಗೆ ನನ್ನ ಮೇಲೆ ಒಂಥರಾ ನಂಬಿಕೆ ಅನ್ನಿಸುತ್ತೆ. ಅದನ್ನ ನಾನು ಎಷ್ಟರ ಮಟ್ಟಿಗೆ ಉಳಿಸಿಕೊಂಡಿದ್ದೇನೋ ಗೊತ್ತಿಲ್ಲ. ಆದ್ರೆ, ಯಾರು ಜೊತೆನೂ ಹೋಲಿಸಿ ನೋಡುತ್ತಿರಲಿಲ್ಲ. ತಂದೆ ಜೊತೆಗೆ ನಾವು ಯಾವುದು ಚಾಡಿ ಹೇಳುತ್ತಿರಲಿಲ್ಲ'' - ಪುನೀತ್ ರಾಜ್ ಕುಮಾರ್, ನಟ

ಶಿವಣ್ಣನ ಬಗ್ಗೆ ಅಪ್ಪು ಅಭಿಮಾನ

''ಶಿವಣ್ಣ ಸೂಪರ್ ಆಕ್ಟರ್. ನನ್ನ ಜೀವನದಲ್ಲಿ ಬೆಸ್ಟ್ ಎನರ್ಜಿಟಿಕ್ ಪರ್ಸನ್ ಶಿವಣ್ಣ. ನನಗೆ ಏನಾದರೂ ಎನರ್ಜಿ ಬೇಕು ಅಂದ್ರೆ ಶಿವಣ್ಣ ಅವರನ್ನೇ ನೆನಪಿಸಿಕೊಳ್ಳುವುದು'' ಪುನೀತ್ ರಾಜ್ ಕುಮಾರ್, ನಟ