ಟ್ರೋಲ್ ಮಾಡುವವರಿಗೆ ತನ್ನ ಮಾತಿನಲ್ಲೇ ಪೆಟ್ಟು ಕೊಟ್ಟ ಪುಟ್ಟಗೌರಿ!

ಪುಟ್ಟಗೌರಿ ಮಾತು

ಇತ್ತೀಚಿಗೆ ನಡೆದ ಸಂದರ್ಶನದಲ್ಲಿ ನಟಿ ರಂಜನಿ 'ಪುಟ್ಟ ಗೌರಿ' ಧಾರಾವಾಹಿಯ ಮೇಲೆ ಆದ ಟ್ರೋಲ್ ಗಳ ಬಗ್ಗೆ ಮಾತನಾಡಿದ್ದಾರೆ.

ಪ್ರಯೋಗದಂತೆ ಮಾಡಿದ್ದು

''ಇನ್ನು ಮುಂದೆ ನಾವು ಟ್ರೋಲ್ ಆಗುವುದಿಲ್ಲ ಎಂದುಕೊಂಡಿದ್ದೇನೆ. ಯಾಕಂದ್ರೆ ಈಗ ಧಾರಾವಾಹಿ ಮತ್ತೆ ನೈಜ ಕಥೆಯತ್ತ ಬಂದಿದೆ. ಅದನೆಲ್ಲ ಒಂದು ಪ್ರಯೋಗದಂತೆ ಮಾಡಿದ್ದು ಅಷ್ಟೆ. ಇನ್ನು ಮುಂದೆ ಟ್ರೋಲ್ ಮಾಡಲು ಹೆಚ್ಚು ವಿಷಯ ಸಿಗುವುದಿಲ್ಲ.'' - ರಂಜನಿ, ನಾಯಕಿ

ಹಿಂದೆಯೂ ಇದೇ ರೀತಿ ಆಗಿತ್ತು

''ಈ ಹಿಂದೆ ಭಾಗ್ಯ ತೀರಿಕೊಂಡಾಗ, ಪುಟ್ಟಗೌರಿ ಗರ್ಭಿಣಿ ಆಗಿದ್ದಾಗ, ಆಕೆಯನ್ನು ಮಣ್ಣಿನಲ್ಲಿ ಹೂತರೂ ಮತ್ತೆ ಎದ್ದು ಬಂದ ಎಪಿಸೋಡ್ ಪ್ರದರ್ಶನಗೊಂಡಾಗಲೂ ಟ್ರೋಲ್ ಮಾಡಲಾಗಿತ್ತು.'' - ರಂಜನಿ, ನಾಯಕಿ

ಬೆಟ್ಟದಿಂದ ಬಿದ್ದ ದೃಶ್ಯ

''ಬೆಟ್ಟದಿಂದ ಬಿದ್ದ ಮೇಲಿನ ದೃಶ್ಯದಲ್ಲಿ ನಾನು ಕಾಲಿಗೆ ಚಪ್ಪಲಿ ಹಾಕಿರುವ ಬಗ್ಗೆಯೂ ಟ್ರೋಲ್ ಬಂತು. ಮೊದಲು ನಾನು ಚಪ್ಪಲಿ ಹಾಕದೇ ಶೂಟ್ ಮಾಡಿದ್ದೆ. ಆದರೆ ಕಾಲಿಗೆ ಮೊಳೆ ಚುಚ್ಚಿ ಗಾಯವಾದ ಕಾರಣ ನಂತರ ಚಪ್ಪಲಿ ಹಾಕಿದೆ'' - ರಂಜನಿ, ನಾಯಕಿ

ಇದು ರಿಯಾಲಿಟಿ ಶೋ ಅಲ್ಲ

''ನಮ್ಮ ಧಾರಾವಾಹಿ ಒಂದು ಕಾಲ್ಪನಿಕ ಕಥೆ. ಅದು ರಿಯಾಲಿಟಿ ಶೋ ಅಲ್ಲ'' ಎಂದು ಹೇಳಿರುವ ರಂಜನಿ ತಮ್ಮ ಮಾತಿನಲ್ಲಿಯೇ ಎಲ್ಲ ಟ್ರೋಲ್ ಗಳಿಗೆ ಉತ್ತರ ನೀಡಿದ್ದಾರೆ.