ಬಂಗಾರಮ್ಮನ ವಿರುದ್ಧ ನಿಂತ ಸ್ನೇಹಾ: ದಂಗಾದ ಪುಟ್ಟಕ್ಕ

ರಾಜೇಶ್ವರಿ ಮೇಲೆ ಬಂಗಾರಮ್ಮ ಸಿಟ್ಟು

ಮೆಸ್ ಬಳಿ ಬರಬೇಡಿ ಏನೆ ಇದ್ದರು ಫೋನ್‌ನಲ್ಲಿ ನಿಮಗೆ ತಿಳಿಸುತ್ತೇನೆ ಎಂದು ಹೇಳುತ್ತಾಳೆ ಆ ಕೆಲಸದಾಕೆ. ಬಳಿಕ ರಾಜೇಶ್ವರಿ ಕೈಯಿಂದ ದುಡ್ಡು ತೆಗೆದುಕೊಂಡು ಮೆಸ್‌ ಒಳಗೆ ಹೋಗುತ್ತಾಳೆ ಕೆಲಸದಾಕೆ. ಬಳಿಕ ಬಂಗಾರಮ್ಮಗೆ ರಾಜೇಶ್ವರಿ ಕಾಲ್ ಮಾಡುತ್ತಾಳೆ. ತುಂಬಾ ಅಸೂಯೆಯಿಂದ ಮಾತನಾಡಿದ ರಾಜೇಶ್ವರಿ ಮೇಲೆ ಬಂಗಾರಮ್ಮಗೆ ಕುಪಿತಗೊಂಡು ಪಿತ್ತ ನೆತ್ತಿಗೇರುತ್ತದೆ.

ಜೀಪಿನಿಂದ ಇಳಿದ ಕಂಠಿ ಮುಂದೇನು ಮಾಡುತ್ತಾನೆ?

ಮತ್ತೊಂದು ಕಡೆ ಕಂಠಿ ಪೊಲೀಸ್ ಜೀಪ್‌ನಲ್ಲಿ ತೆರಳುತ್ತಿರುತ್ತಾನೆ, ಆ ವೇಳೆ ಕಂಠಿ, ಮೊಬೈಲ್‌ಗೆ ಕಾಲ್ ಬಂದ ಹಾಗೆ ನಟಿಸಿ ಜೀಪಿನಿಂದ ಕೆಳಗೆ ಇಳಿಯುವುದಾಗಿ ಹೇಳುತ್ತಾನೆ ಇದಕ್ಕೆ ಸ್ನೇಹ ಹೇಳುತ್ತಾಳೆ ನಾನು ಆಗಲೇ ಹೇಳಿದೆ ನಿಮಗೆ ಬೇರೆ ಕೆಲಸ ಇರಬಹುದು ಎಂದು ಹೇಳಿದೆ ಎನ್ನುತ್ತಾಳೆ ಈ ವೇಳೆ ಹೌದು ಈಗ ಕೆಲಸ ಬಂದಿದೆ ನಾನು ತೆರಳಲೇಬೇಕು ಎಂದು ಹೇಳುತ್ತಾನೆ ಕಂಠಿ. ಇನ್ನು ಜೀಪಿನಿಂದ ಇಳಿಯುತ್ತಾನೆ ಕಂಠಿ. ಜೀಪಿನಿಂದ ಇಳಿದ ಕಂಠಿ ಮುಂದೇನು ಮಾಡುತ್ತಾನೆ ಎಂಬುವುದನ್ನು ಕಾದು ನೋಡಬೇಕಿದೆ.

ಬಂಗಾರಮ್ಮ ಮನೆಗೆ ಆಗಮಿಸಿದ ಪೊಲೀಸ್ ಜೀಪ್

ಬಂಗಾರಮ್ಮ ಮನೆಗೆ ಪೊಲೀಸ್ ಜೀಪ್ ಆಗಮಿಸುತ್ತದೆ. ಪೊಲೀಸ್ ಮನೆ ಬಳಿ ಬಂದಿದ್ದು ಕಂಡು ಬಂಗಾರಮ್ಮ ಸಿಟ್ಟಾಗುತ್ತಾಳೆ. ಈ ವೇಳೆ ಎಲ್ಲರನ್ನು ತಡೆದು ನೀವು ಯಾರು ಬರುವುದು ಬೇಡ ನಾನು ಎಲ್ಲ ನೋಡಿಕೊಳ್ಳುವೆ ಎಂದು ತಿಳಿಸಿ ಪೊಲೀಸಪ್ಪನನ್ನು ಬೇಟಿಯಾಗಲು ಬಂಗಾರಮ್ಮ ಆಗಮಿಸುತ್ತಾರೆ. ಪೊಲೀಸ್ ಮನೆಗೆ ಕಾಲಿಡುವ ವೇಳೆ ಆಗಮಿಸಿದ ಬಂಗಾರಮ್ಮ ಖಾಕಿ ಪಡೆಯವರು ಬಂಗಾರಮ್ಮ ಮನೆ ಒಳಗೆ ಎಂದಿಗೂ ಪ್ರವೇಶ ಇರುವುದಿಲ್ಲ ಎಂದು ಹೇಳುತ್ತಾಳೆ. ಬಳಿಕ ಮನೆಗೆ ಬಂದ ಕಾರಣ ಕೇಳುತ್ತಾಳೆ ಬಂಗಾರಮ್ಮ. ಮಗನನ್ನು ಅರೆಸ್ಟ್ ಮಾಡಲು ಬಂದಿರುವೆ. ಸಿಕ್ಕ ಸಿಕ್ಕವರ ಮೇಲೆ ಹಿಗ್ಗಾಮುಗ್ಗಾ ಥಳಿಸುತ್ತಾರಂತೆ ಹಾಗಂತ ಕಂಪ್ಲೆಂಟ್ ಬಂದಿದೆ ಎಂದಾಗ ಪೊಲೀಸ್ ಬಳಿ ಅರೆಸ್ಟ್ ವಾರೆಂಟ್ ಎಲ್ಲ ಕೇಳುತ್ತಾರೆ, ಹಾಗೆಯೇ ಕೇಸ್ ಕೊಟ್ಟವರು ಯಾರು ಎಂಬುವುದನ್ನು ಹೇಳಲು ಹೇಳುತ್ತಾರೆ ಇದನ್ನೆಲ್ಲ ಹೇಳಲು ಪೊಲೀಸ್ ನಿರಾಕರಿಸುತ್ತಾನೆ.

ಸ್ನೇಹಾಳನ್ನು ನೋಡುತ್ತಾಳ ಬಂಗಾರಮ್ಮ?

ಇನ್ನೂ ಇದಕ್ಕೆ ಪ್ರತ್ಯುತ್ತರವಾಗಿ ಇದನ್ನೆಲ್ಲ ಪೊಲೀಸರು ಹೇಳಬೇಕು ಯಾಕಪ್ಪ ನೀನು ಪುಸ್ತಕದಲ್ಲಿ ಓದಿಕೊಂಡು ಬಂದಿಲ್ಲವೇ ಎಂದು ಕೇಳುತ್ತಾಳೆ ಬಂಗಾರಮ್ಮ. ನನ್ನ ಮಗ ಯಾರ ಮೇಲು ಸುಮ್ನೆ ಕೈ ಮಾಡಿದವನೇ ಅಲ್ಲ. ಸಾಮಾನ್ಯ ಜನರನ್ನು ತುಂಬಾ ಮರ್ಯಾದೆಯಿಂದ ನಡೆಸಿಕೊಂಡಿದ್ದಾನೆ. ಇನ್ನೂ ಕಂಪ್ಲೇಂಟ್ ಕೊಟ್ಟ ಸ್ನೇಹಾನಾ ಬಂಗಾರಮ್ಮ ನೋಡುತ್ತಾಳ? ಸ್ನೇಹಾನೇ ಕಂಠಿ ವಿರುದ್ಧ ಸಮರ ಸಾರುತ್ತಿರುವುದು ಎಂದು ಬಂಗಾರಮ್ಮಗೆ ತಿಳಿಯುತ್ತಾ? ಕಾದು ನೋಡಬೇಕಿದೆ.