ಅನ್ವಿತಾ ಮುಂದೆ ಸಿಕ್ಕಿ ಬಿದ್ದ ರಾಣಿ: ಇಂದು ಅಲ್ಲೋಲ ಕಲ್ಲೋಲ ಗ್ಯಾರೆಂಟಿ.!

'ಅವನಿ' ತೊದಲಲಿಲ್ಲ ಯಾಕೆ.?

ಮನೆಯಲ್ಲಿ ಎಲ್ಲರ ಜೊತೆಗೆ ತೊದಲು ನುಡಿಗಳಿಂದ ಮಾತನಾಡುವ ಅವನಿ ಹೆಸರಿನ ರಾಣಿ ಫೋನ್ ನಲ್ಲಿ ಸರಾಗವಾಗಿ ಮಾತನಾಡುತ್ತಿದ್ದದ್ದು, ಅನ್ವಿತಾ ಗಮನಕ್ಕೆ ಬಂದಿದೆ.

ನಾಟಕ ಯಾಕೆ ಮಾಡ್ತಿದ್ದೀಯಾ.?

ಫೋನ್ ನಲ್ಲಿ ಅವನಿ (ರಾಣಿ) ಮಾತನಾಡುತ್ತಿದ್ದನ್ನ ಅನ್ವಿತಾ ಸ್ಪಷ್ಟವಾಗಿ ಕೇಳಿಸಿಕೊಂಡಿದ್ದಾಳೆ. ಅವನಿ ಸ್ವಲ್ಪ ಕೂಡ ತೊದಲದೆ, ಸಲೀಸಲಾಗಿ ಮಾತನಾಡಿದ್ದು ಅನ್ವಿತಾಗೆ ಆಘಾತ ನೀಡಿದೆ. ಹೀಗಾಗಿ, ಹಿಂದು ಮುಂದು ಯೋಚನೆ ಮಾಡದೆ ಸೀದಾ ಅವನಿ (ರಾಣಿ) ಮುಂದೆ ಹೋಗಿ ''ಯಾಕೆ ನಾಟಕ ಮಾಡ್ತಿದ್ದೀಯಾ.?'' ಅಂತ ಅನ್ವಿತಾ ಕೇಳಿದ್ದಾಳೆ.

ಪಾರ್ಟಿಯಲ್ಲಿ ಮಾದ.!

ದೀಪಿಕಾ ಮಾಡಿರುವ ಪ್ಲಾನ್ ಅನುಸಾರವಾಗಿ ಪಾರ್ಟಿಯಲ್ಲಿ ಮಾದ ಸರ್ವರ್ ವೇಷದಲ್ಲಿದ್ದಾನೆ. ಯಾವುದೇ ಕ್ಷಣದಲ್ಲಿ ಮಾದ, ರಾಣಿಯನ್ನ ಕರೆದುಕೊಂಡು ಹೋಗಬಹುದು. ಹಾಗಾದ್ರೆ, ಪಾರ್ಟಿಯಲ್ಲಿ ಅಲ್ಲೋಲ ಕಲ್ಲೋಲ ನಡೆಯುವುದು ಗ್ಯಾರೆಂಟಿ.

ದೀಪಿಕಾ ಪ್ಲಾನ್ ಸಕ್ಸಸ್ ಆಗುತ್ತಾ.?

ದೀಪಿಕಾ ಮಾಡಿರುವ ಪ್ಲಾನ್ ಮಾದನಿಗೆ ಮಾತ್ರ ಗೊತ್ತು. ತಾಯಿ ಸಿತಾರ ದೇವಿಗೆ ಮಗಳು ದೀಪಿಕಾ ಹಾಕಿರುವ ಸ್ಕೆಚ್ ಇನ್ನೂ ಗೊತ್ತಾಗಿಲ್ಲ. ಈ ನಡುವೆ ಅನ್ವಿತಾ ಮುಂದೆ ರಾಣಿ ತಗಲಾಕೊಂಡಿದ್ದಾಳೆ. ಇಂದು ಏನಾಗುತ್ತೋ, ನೋಡಬೇಕು.