ಅಂತೂ ಇಂತೂ ರಾಧಾ ರಮಣ್ ಒಂದಾದರು: ಇನ್ಮೇಲಿದೆ ಹೊಸ ತಿರುವು.!

ರಾಧಾ-ರಮಣ್ ಲವ್ ಸ್ಟೋರಿ ಶುರು

'ರಾಧಾ ರಮಣ' ಧಾರಾವಾಹಿಯಲ್ಲಿ ಇದೀಗ ರಾಧಾ-ರಮಣ್ ರ ರೋಮ್ಯಾಂಟಿಕ್ ಅಧ್ಯಾಯ ಆರಂಭವಾಗಿದೆ. ಕಾಂಟ್ರ್ಯಾಕ್ಟ್ ಮ್ಯಾರೇಜ್ ಮಾಡಿಕೊಂಡಿದ್ದ ರಾಧಾ-ರಮಣ್ ಮಧ್ಯೆ ಇದ್ದ ಎಲ್ಲ ಕನ್ ಫ್ಯೂಶನ್ ಗಳು ಶಮನಗೊಂಡಿದೆ. ರಾಧಾ ಮತ್ತು ರಮಣ್ ಪರಸ್ಪರ ತಮ್ಮ ಪ್ರೀತಿಯನ್ನ ನಿವೇದಿಸಿಕೊಂಡಿದ್ದಾರೆ.

ಆಕ್ಸಿಡೆಂಟ್ ಟ್ವಿಸ್ಟ್.!

ರಮಣ್ ಗೆ ಆಕ್ಸಿಡೆಂಟ್ ಆಗಿದ್ದು ನಿಜ. ಆದ್ರೆ, ಮನೆಯವರಿಗೆ ಮಾಹಿತಿ ತಲುಪಿದ ಹಾಗೆ ರಮಣ್ ಪ್ರಾಣಕ್ಕೆ ಯಾವುದೇ ತೊಂದರೆ ಆಗಿರಲಿಲ್ಲ. ರಮಣ್ ಗಾಗಿ ಆಪರೇಶನ್ ಕೂಡ ನಡೆಯುತ್ತಿರಲಿಲ್ಲ. ಫುಲ್ ಫಿಟ್ ಅಂಡ್ ಫೈನ್ ಆಗಿದ್ದ ರಮಣ್ ಮುಂದೆ ಶಾಕ್ ನಲ್ಲಿದ್ದ ರಾಧಾ ತಮ್ಮ ಪ್ರೀತಿಯನ್ನ ಹೇಳಿಕೊಂಡರು.

ರಮಣ್ ಗೆ ಖುಷಿಯೋ ಖುಷಿ.!

ರಾಧಾಗೆ ಪ್ರಪೋಸ್ ಮಾಡಲು ಇಲ್ಲಿಯವರೆಗೂ ಎಷ್ಟೋ ಬಾರಿ ರಮಣ್ ಹರಸಾಹಸ ಪಟ್ಟಿದ್ದಾರೆ. ಆದ್ರೆ, ಪ್ರತಿ ಬಾರಿಯೂ ಒಂದಲ್ಲ ಒಂದು ಅಡ್ಡಿ-ಆತಂಕ ಎದುರಾಗುತ್ತಲೇ ಇತ್ತು. ಹೀಗಿರುವಾಗಲೇ, ಸ್ವತಃ ರಾಧಾ ತಮಗೆ ಪ್ರಪೋಸ್ ಮಾಡಿದ್ದು ಸಹಜವಾಗಿ ರಮಣ್ ಗೆ ಖುಷಿ ಕೊಟ್ಟಿದೆ.

ದೀಪಿಕಾಗೆ ಫುಲ್ ಶಾಕ್

ರಾಧಾ ಮತ್ತು ರಮಣ್ ಮಧ್ಯೆ ಕೆಲ ಗೊಂದಲಗಳು ಮೂಡಲು ದೀಪಿಕಾ ಕಾರಣ. ಇದೀಗ ರಾಧಾ-ರಮಣ್ ಒಂದಾಗಿರುವುದನ್ನು ನೋಡಿ ದೀಪಿಕಾಗೆ ಶಾಕ್ ಆಗಿದೆ. ''ಇನ್ಮುಂದೆ ರಮಣ್ ನನಗೆ ಸಿಗಲ್ಲ'' ಅಂತ ಸಾಯಲು ಹೊರಟಿದ್ದ ದೀಪಿಕಾ ಕೊನೆಗೆ ಯು-ಟರ್ನ್ ತೆಗೆದುಕೊಂಡು ರಾಧಾ-ರಮಣ್ ರನ್ನ ದೂರ ಮಾಡಲು ಪಣ ತೊಟ್ಟಿದ್ದಾಳೆ. ಇದರಲ್ಲಿ ದೀಪಿಕಾ ಯಶಸ್ವಿ ಆಗುತ್ತಾಳಾ.? ಮುಂದೆ ಇನ್ಯಾವ ತಿರುವು ಕಾದಿದೆಯೋ.?