ಈ 'ರಾಣಿ' ದೊಡ್ಡ ಕಳ್ಳಿ: ಮನೆ ಮಂದಿಗೆಲ್ಲ ಕಾಗೆ ಹಾರಿಸಿದ ಸಿತಾರ ದೇವಿ.!

ಕೊರವಂಜಿ ನುಡಿದ ಸತ್ಯ

ಅದ್ಯಾಕೋ, ಏನೋ.. ಕೆಲ ಧಾರಾವಾಹಿಗಳಿಗೆ ಸ್ವಾಮೀಜಿ ಹಾಗೂ ಕೊರವಂಜಿಗಳೇ ದಿಕ್ಸೂಚಿಗಳು. ಇದೇ ಫಾರ್ಮುಲಾ 'ರಾಧಾ ರಮಣ' ಸೀರಿಯಲ್ ನಲ್ಲೂ ಅಪ್ಲೈ ಆಗಿದೆ. 'ರಾಧಾ ನಂಬಿರುವುದು ಸತ್ಯ ಅಲ್ಲ. ಆಕೆ ಶತ್ರು ವಿರುದ್ಧ ಗೆದ್ದಿಲ್ಲ' ಎಂದು ಕೊರವಂಜಿ ಹೇಳಿದ್ಮೇಲೆ ರಾಧಾ ತಲೆಯಲ್ಲಿ ಹೆಬ್ಬಾವು ಹರಿದಾಡುತ್ತಿದೆ.

'ರಾಣಿ'ಗೆ ಪುಕ-ಪುಕ

''ಸುಳ್ಳು ಶಾಶ್ವತ ಅಲ್ಲ. ನೀನೂ ಶಾಶ್ವತ ಅಲ್ಲ'' ಅಂತ ಕೊರವಂಜಿ ಹೇಳಿದ್ಮೇಲೆ, ರಾಣಿಗೆ ಹೆದರಿಕೆ ಶುರು ಆಗಿದೆ.

ದೀಪಿಕಾ ಮುಂದೆ ಸತ್ಯ ಅನಾವರಣ

ಇತ್ತ ದೀಪಿಕಾಗೆ ಆಕೆ 'ಅವನಿ' ಅಲ್ಲ 'ರಾಣಿ' ಎಂಬ ಸತ್ಯ ಗೊತ್ತಾಗಿದೆ. ರಾಣಿ ದೊಡ್ಡ ಕಳ್ಳಿ, ಓರ್ವ ಕಾನ್ ಆರ್ಟಿಸ್ಟ್ ಎಂಬ ಸಂಗತಿಯೂ ದೀಪಿಕಾ ಅರಿವಿಗೆ ಬಂದಿದೆ. ತನ್ನ ತಾಯಿ ಸಿತಾರಾ ದೇವಿ ಮಾಡಿರುವ ಮಾಸ್ಟರ್ ಪ್ಲಾನ್ ದೀಪಿಕಾ ಮುಂದೆ ಅನಾವರಣ ಆಗಿದೆ.

ನಿಜವಾದ 'ಅವನಿ' ಈಕೆ

ಕಡೆಗೂ 'ರಾಧಾ ರಮಣ' ಧಾರಾವಾಹಿಯಲ್ಲಿ ನಿಜವಾದ 'ಅವನಿ'ಯ ದರ್ಶನ ವೀಕ್ಷಕರಿಗೆ ಆಗಿದೆ. ಈಕೆಯೇ ಸೀರಿಯಲ್ ನ ರಿಯಲ್ ಅವನಿ.

ಅಷ್ಟಕ್ಕೂ, 'ಅವನಿ' ಎಕ್ಸ್ ಚೇಂಜ್ ಆಗಿದ್ದು ಎಲ್ಲಿ.?

ಮಧ್ಯರಾತ್ರಿ ಕಾಡಲ್ಲಿ ನಿಜವಾದ 'ಅವನಿ'ಯನ್ನ ಬಿಟ್ಟು, ರಾಣಿಯನ್ನ ಹೊತ್ತುಕೊಂಡು ರುದ್ರ ಸರೆಂಡರ್ ಆದನಂತೆ. ಸದ್ಯ 'ಅವನಿ'ಯನ್ನ ಮೈಸೂರು ಮನೆಯಲ್ಲಿ ಸಿತಾರಾ ದೇವಿ ಕೂಡಿಟ್ಟಿದ್ದಾರೆ.

'ಅವನಿ'ಯನ್ನ ನೋಡ್ತಾಳಾ ದೀಪಿಕಾ.?

ಸತ್ಯವೆಲ್ಲ ಗೊತ್ತಾದ್ಮೇಲೆ, ನಿಜವಾದ 'ಅವನಿ'ಯನ್ನ ನೋಡಬೇಕು ಅಂತ ತಾಯಿ ಸಿತಾರಾ ದೇವಿ ಮುಂದೆ ದೀಪಿಕಾ ಬೇಡಿಕೆ ಇಟ್ಟಿದ್ದಾಳೆ. ಪುತ್ರಿಗೆ 'ಅವನಿ'ಯ ದರ್ಶನ ಭಾಗ್ಯವನ್ನ ಸಿತಾರಾ ದೇವಿ ಕರುಣಿಸುತ್ತಾರಾ.? ಇಂದಿನ ಸಂಚಿಕೆಯಲ್ಲಿ ಇನ್ನೇನು ಆಗುವುದೋ.?