ಮನೆಯಿಂದ ಮತ್ತೆ ಎಸ್ಕೇಪ್ ಆದ ರಾಣಿ: ಈಗ ಇನ್ನೇನು ಆಗುತ್ತೋ.?

ಗಣೇಶ ಹಬ್ಬದ ಸಂಭ್ರಮ

'ರಾಧಾ ರಮಣ' ಧಾರಾವಾಹಿಯಲ್ಲಿ ತಡವಾಗಿ ಗಣೇಶ ಹಬ್ಬದ ಸಂಭ್ರಮ ಶುರುವಾಗಿದೆ. ಹಬ್ಬದ ಪ್ರಯುಕ್ತ ದೇವಸ್ಥಾನಕ್ಕೆ ಹೋಗಿ ಪೂಜೆ ಮಾಡಿಸಿಕೊಂಡು ಬರಲು ಎಲ್ಲರೂ ಹೊರಟಿದ್ದಾರೆ. ಸರಸ್ವತಿ ಎಷ್ಟೇ ಕರೆದರೂ, ''ಪೂಜೆಗೆ ಬರಲ್ಲ'' ಅಂತ ರಾಣಿ (ಅವನಿ) ಹಠ ಹಿಡಿದಳು.

ಮನೆಯಲ್ಲಿ ದೀಪಿಕಾ ಬಿಟ್ಟರೆ ಇನ್ಯಾರೂ ಇಲ್ಲ.!

ಎಲ್ಲರೂ ದೇವಸ್ಥಾನಕ್ಕೆ ಹೊರಟಿರುವ ಕಾರಣ, ಮನೆಯಲ್ಲಿ ದೀಪಿಕಾ ಬಿಟ್ಟರೆ ಇನ್ಯಾರೂ ಇಲ್ಲ ಎಂಬ ಸತ್ಯ ರಾಣಿಗೆ ಗೊತ್ತಾಯ್ತು. ಎಸ್ಕೇಪ್ ಆಗಲು ಇದೇ ಸರಿಯಾದ ಸಮಯ ಅಂತ ರಾಣಿ ಹೊರಟು ನಿಂತಳು.

ಕಳುಹಿಸಿ ಕೊಟ್ಟ ದೀಪಿಕಾ.!

ರಾಣಿಯನ್ನ ಮನೆಯಿಂದ ಆಚೆ ಹಾಕಬೇಕು ಅಂತ ದೀಪಿಕಾ ಕಾಯ್ತಿದ್ಲು. ಈಗ ರಾಣಿಯೇ ಮನೆಯಿಂದ ಹೊರಟಿರುವ ಕಾರಣ, ಆಕೆಯನ್ನ ತಡೆಯಲು ದೀಪಿಕಾ ಹೋಗಲಿಲ್ಲ. ಸಿತಾರ ದೇವಿಗೂ ವಿಷಯ ತಿಳಿಸದೆ, ರಾಣಿಯನ್ನ ದೀಪಿಕಾ ಕಳುಹಿಸಿಕೊಟ್ಟಳು.

ಮುಂದೇನಾಗುತ್ತೆ.?

ರಾಣಿ ಮತ್ತೆ ಎಸ್ಕೇಪ್ ಆಗಿ ಬಂದಿರುವುದನ್ನು ನೋಡಿ ಮಾದನಿಗೆ ಶಾಕ್ ಆಗಿದೆ. ಇತ್ತ ತವರು ಮನೆಗೆ ರಾಧಾ ಹೋಗಿದ್ದಾಗಿದೆ. ರಮಣ್ ಗಾಗಿ ರಾಧಾ ಕಾಯುತ್ತಿದ್ದಾಳೆ. ಮುಂದೇನಾಗುತ್ತೆ ಅನ್ನೋದೇ ಸದ್ಯದ ಕುತೂಹಲ.